Profet Daniel 2:38 - Buka Blahi Ka Cheke Holo

³⁸ God neke vahi nigho iagho mala funei frunidi naikno te gnafa, buluka te gnafa, nei nanghaji te gnafa, teu te karha ka nauthoglu igne. Iagho jateula phaꞌugna eghu mumuju teke hohoro ka gol igne.

Profet Daniel 2:38 ပူးပေါင်းရင်းမြစ်များ

Profet Jeremaea 34:1

Lord ne cheke ka mae Jeremaea ka narane Nebukadnesa king gna Babilonia teke mei magra Jerusalem, nei ka namono te gnafa te au faligohoni namono biꞌo igne. Mae Nebukadnesa ne atha nogna armi na baludi armi te gnafa nei naikno eghu te funei frunidi mana igre.

Profet Daniel 1:2

God neke snakreni king Nebukadnesa neke uluni King Jehoakim. Aonu King Nebukadnesa ne hata famane glepo teke mala loku mare ka sugagna God na. Mana hata glepo ka sugagna God na igre ne tei nhaꞌa fodu baludi nogna gobigna lepo te keli thegnare ka sugagna nogna god thegna na.

Profet Daniel 2:32

Phaꞌugna mumuju igne neke hohoro ka gol. Eghuteuna babangogna nei khamegna teure neke hohoro ka silva. Eghuteuna funu ka thiꞌagna te soru ka phei gahegnare neke hohoro ka bras.

Profet Daniel 2:39

“Eghuteuna babangogna mumuju te filoni iagho igne, tuana keha king nate mei ke leghumu iagho na. Nu mae igne na theome keli jateula iagho eghu puhigna na. Eghuteuna vido bras ka mumuju na igne, tuana fatilo king nate funei fruni ke leghumu iagho na. Mae igne ginauna na jaola funei frunidi naikno te gnafa ka nauthoglu igne. Nu king igne ginauna theome jateula iagho eghu.

Profet Daniel 5:18

“Fanomho sagho. God mae ihei te fnakno kligna lahu igne teke vahini mae kuꞌemu iagho, King Nebukadnesa ia mala funei frunini kantri igne.

Profet Daniel 4:18

“Aonu mae King Nebukadnesa ne cheke eghu, ‘Ghema Beltesasa, igne nogu mifi iara na. Iagho rurutha mei gaoghathogna na. Naugna theo kaisei mae glalase ka kantri igne te tangomana te rurutha gaoghathogna na. Jame iagho ngala te tangomana te rurutha gaoghatho gna na, naugna tharungadi god te blahi igre au balumu iagho.’ ”

Profet Daniel 7:4

“Kaisei na jateula lion eghu, nu au phei baghigna jateula gaghata eghu. Eghuteuna kate filo teu iara na, kaisei mae mei ne hata koko phei baghi igre. Aonu mana pala haghe glepo igne ne fakegra haghe ka phei ghahegna te jateula ghahe naikno teu igre. Eghuteuna tusu lao gaoghatho tagna mala ghaoghatho jateula naikno eghu.