Profet Daniel 2:32 - Buka Blahi Ka Cheke Holo

³² Phaꞌugna mumuju igne neke hohoro ka gol. Eghuteuna babangogna nei khamegna teure neke hohoro ka silva. Eghuteuna funu ka thiꞌagna te soru ka phei gahegnare neke hohoro ka bras.

Profet Daniel 2:32 ပူးပေါင်းရင်းမြစ်များ

Thakle 17:4

Pohe te pipichi gaꞌase na pipito nei ukru jateula nogna pohe gaꞌase te funei frunidi naiknora eghu. Eghuteuna naꞌa jaola fahaghe glepo te gol nei famane thina nei buli te siasigla. Ka khamegna na naꞌa louloku kaisei kapu teke hohoro ka gol te fodu ka glepo te diꞌa te thona fara. Eghuteuna glepo igre, puhi chara teke edi naꞌa ka naiknore.

Profet Daniel 4:30

Mana ne cheke eghu, “Tutuani fara, Babilonia gne kaisei famane namono biꞌo tutuani fara. Iara ngala teke eni gna namono biꞌo igne, iara neke falalase nogu nanheta nei nogu nolaghi teure ka naikno igre.”

Profet Daniel 4:22

King, gaju te filoni iagho igne, themu iagho ngala. Iagho kaisei mae fnakno fara nanghamu na ka tathadi naikno te gnafa igre. Eghuteuna iagho au nou nolaghi biꞌo te mala funei frunidi naikno te au ka vido te gnafa ka nauthoglu igne.

Profet Jeremaea 51:7

Funu tifa te mei posa gognarogne, Babilonia gne neke jateula kapu gol te louloku teu iara ka khamegu na ia eghu. Eghuteuna diꞌatagu iara na jateula kapu te fodu ka waen te raha ra eghu. Babilonia gne batudi keha kantri ka nauthoglu igne mala koꞌu ka waen te raha igne, mala jateula te koꞌu te salaꞌui ra eghu mala fameomekro tafri.

Profet Isaia 14:4

Jaola ka narane tuana tahati ginauna cheke faparini mae king gna Babilonia. Tahati ginauna cheke eghu, “King! Puhimu iagho teke para ghami ghehati ra gognarona la gnafahi! Diꞌatamu iagho ra jaola gnafahi!

Profet Daniel 2:33

Phei gahegnare neke hohoro ka aean te maku fara. Nu funu ka phupukugna pari te soru ka geghesugna re neke hohoro ka aean balu glose ukru.

Profet Daniel 5:28

“Fnota teu igne, nou kantri iagho igne ginauna groꞌe fnota pea. Keha vido na Media, eghuteuna keha vido na Pesia.”