Profet Daniel 2:3 - Buka Blahi Ka Cheke Holo

³ Mana ne cheke eghu ka mare, “Ke leghugna te filoni mifi igne, iara ne thono diꞌanagnafagu fara. Eghume iara thono magnahagheni fara te laseni gaoghathogna mifi igne.”

Profet Daniel 2:3 ပူးပေါင်းရင်းမြစ်များ

Jenesis 41:15

Mae king ne cheke eghu ka mae Josep, “Iara neke mifi. Nu theo kaisei mae te tangomana te ruruthani ka iara u gaoghathogna u mifi igne na. Te nomhini iara na iagho tangomana te rurutha gaoghathodi nodi mifi mae iheire te mei te toutonu ka iagho re teu signe.”

Jenesis 40:8

Phia mare ne cheke eghu ka mae Josep, “Ghepa neke orio mifi bongi na. Nu theo kaisei mae agne naba te mala ruruthadi u gaoghathodi nomi mifi ghepa gre eghu.” Mae Josep ne cheke eghu ka phia mare, “God ngala te tangomana te ruruthadi ka tahati u gaoghathodi mifi igre na, te eghu na God na fakakhana ka iara u gaoghathodi nomi mifi ghopa igre eghu. Eghume ghopa na toutonu ka iara nomi mifi re eghu.”

Profet Daniel 4:5

Nu kaisei fata kate thuru teu iara na, iara ne filoni kaisei mifi. Kate filoni mifi igne iara ne thono mhaghu nogu fara.

Profet Daniel 2:1

Ka fapea finogha te funei fruni King Nebukadnesa Babilonia igne, mana ne filoni kaisei mifi ne theome tangomana te thuru na, naugna mana ne nanga nogna fara eigna mifi igne.

Jenesis 41:8

Hamerane mae king ne kmana gaoghathogna fara ka mifi igre ne kilodi hatimare mae glalase di Ijep, nei hatimare mae kastom te tangomana te mala lasedi ba filodi unha glepo te poru re. Mana ne toutonu ka hatimare eidi phei mifi igre. Nu theo kaisei mae ka hatimare mae igre te tangomana te ruthadi ka mana u gaoghathodi phei mifi igre na.