Profet Daniel 2:25 - Buka Blahi Ka Cheke Holo

²⁵ Aonu mae Ariok ghosei ne hatani mae Daniel ne tei ka King Nebukadnesa, ne cheke eghu ka mana, “King, iara hata mei ka iagho maegna Juda igne. Mae igne tangomana te rurutha gaoghathogna nou mifi iagho na!”

Profet Daniel 2:25 ပူးပေါင်းရင်းမြစ်များ

Profet Daniel 6:13

Aonu mare ne cheke eghu ka mana, “King, filo sagho. Mae Daniel, maegna Juda igne mana theome leghuni nou cheke iagho na. Eghuteuna mana jaola theome leghudi vetula teke lilisei iagho ra. Leuleghu fata na mana tarai koba ka nogna God thegna na thilo fata ke lamnagna kaisei narane.”

Profet Daniel 5:13

Aonu mare tei ne hatani mae Daniel ne mei ka king. Eghuteuna king ne cheke eghu ka mana, “Iagho si mae Daniel teke hata mae kuꞌegu iara King Nebukadnesa teke mei funu Juda na ia?” Aonu mae Daniel ne cheke eghu ka mana, “Uve, iara ngala.”

Profet Daniel 1:6

Aonu mae Aspenas ne vavahi keha mae baludi fati mae majaghani di Juda igre: mae Daniel, mae Hananaea, mae Misael nei mae Asaraea.

Eklesiasti 9:10

Tahati mala thofno loku fakeli fara ka gobigna lepo te edi tahati re. Kate tei tahati ka namonodi naikno te lehehi ra, tahati ginauna theome loku, ba ghaoghatho, ba lalase, ba au gaoghatho te keli.

Proveb 24:11

Ka fate na, iagho mala phile ka naikno te theome eni kaisei najafra na. Thosei snakredi kau glehe.

Nehemaea 7:6

Igne unha teke eni ka narane tuare. Kmana finogha tifa King Nebukadnesa neke hata kmana naiknodi Israel neke tei sosolo Babilonia. Ke leghu, kmana naikno jifla Babilonia neke pulo mei neke au Jerusalem nei ka keha agne Juda. Eghuteuna mare tei ka namonodi kuꞌedi ra.

Jenesis 41:14

Mae king gna Ijep na ne nomhini cheke igne ne chekedi keha mae soldia mala faghose tei hata meini mae Josep. Mare leghuni nogna cheke mae king na ne ghosei ne tei hata fajiflani mae Josep ka suga sosolo na. Mae Josep ne goigori gremoho na ne tughu pohe neu ne tei kegra ke ulugna mae king.