Profet Daniel 2:23 - Buka Blahi Ka Cheke Holo

²³ Iagho nodi God mae kuꞌegu iara ra. Iara kilo fnakno nigho nei cheke fakeli nigho! Iagho tusu mei glalase nei nolaghi eghu ka iara. Iagho nomhidihi nomi tharai ghehati igre, eghuteuna iagho falalasehi ka ghehati gaoghathogna nogna mifi mae king igne.”

Profet Daniel 2:23 ပူးပေါင်းရင်းမြစ်များ

Profet Daniel 2:18

Mana ne cheke eghu ka thilo mare, “Tahati na toreni God gna kligna mala kokhoni ghita, nei mala fakakhana mei ranghi ghita mifi igne balu gaoghatho gna na mala theome falehe ghita baludi keha mae glalasedi Babilonia igre.”

Eksodas 3:15

“Eghuteuna iagho tei cheke eghu ka mare, ‘Lord nodi God kuꞌeda tahati tifara, nogna God Ebraham, nei Isak nei Jekop, mana neke kuru mei ghau iara ka ghotilo.’ “Nanghagu iara na Lord, eghuteuna naikno te karha gognaro igre nei nate karha mei ke leghure eghu ginauna ghathoni fabrahu nanghagu iara na.

Luku 10:21

Ka narane tuana, mae Tharunga te Blahi na ne thofno fagleꞌani mae Jisas ne cheke eghu, “Mama, iara cheke fakeli nigho, iagho mae te funei frunidi gobigna lepo kligna nei pari. Iara cheke fakeli nigho naugna iagho ne falalase ka iheire te jateula sua teu te ihore thofno glalase igne, nu iagho pophoru glalase igne ka naikno te lasedi kmana glepo nei fahaehaghe fara teu eigna nodi glalase na. Uve, Mama, iagho eni igne naugna igne unha te thofno magnahagheni iagho na.

Matiu 11:25

Aonu mae Jisas ne cheke eghu ka mae Kmagna na, “Mama, iara cheke fakeli nigho, iagho mae te funei frunidi gobigna lepo kligna ba pari. Iara cheke fakeli nigho, naugna iagho ne falalase ka iheire te jateula sua teu te ihoni thofno glalase na, nu iagho pophoru glalase igne ka naikno te lasedi kmana glepo nei fahaehaghe fara teu eigna nodi glalase na.

Profet Emos 3:7

Tutuani fara, ame eni nga Lord unha te magnahagheni na teuna, mana ginauna kulu cheke ka nogna mae profet.

Profet Daniel 1:17

God ne tusu lao glalase te keli ka fati mae majaghani igre. Mae igre lase iu'iju nei rioriso eghu ka buka, eghuteuna nodi cheke re thofno keli fara. Aonu God jaola ne tusu lao glalase ka mae Daniel mala rurutha mifi.

Profet Isaia 12:1

Ghotilo nogna naikno God ra! Ka narane tuana, vikeda tahati ra ginauna koje kaisei khoje, khoje igne cheke eghu: “Lord! Iara cheke fakeli nigho! Tifa na, iagho neke diꞌatamu ka iara, nu gognarona diꞌatamu iagho ka iara na la gnafahi, eghuteuna iagho la fakeli nagnafa ghauhi iara.

Nodi Khoje Hatimare Mae Jiu 50:14

“Iara God, ka maloa kligna, eghuteuna te keli na ghotilo cheke fakeli ghau iara fabrahu. Igne thofno nomi fafara ghotilo na. Eghume te keli na ghotilo edi glepo teke nhaꞌa chekedihi ghotilo ka iara ra.

Nodi Khoje Hatimare Mae Jiu 25:14

Lord, iagho kheradi iheire te leghu nigho iagho re. Iagho farerheta u nhaꞌa cheke teke eni iagho ka mae ku'emi tifa ra.

Thakle 5:5

Nu kaisei mae biꞌo ka khiloau na ne cheke eghu ka iara, “Ghema, thosei tanhi. Filo sagho! Igne lion ka vikegna mae Juda. Mana neke karha mei ka vikegna mae King Devet mala baubatudi vikegna mae Juda, eigna mana la tapla sorudihi nogna naokare kau magra na. Eghume, mana nabagna te hata koko fitu loke igre te mala tothora pepa na.”

Thakle 1:1

Igne buka thoutonu eigna narane God ginauna nate funei frunidi gobigna lepore. Glepo te au ke lamnagna buka igne theo kaisei naikno teke lasedi tifa re, nu gognaro na mae Jisas Kraes la famane fataklehi. Tutuani, God neke fatakleni igne ka mae Jisas mala ke tathakle mana ka nogna mae glokure eigna glepo igre na theome raugha thakle meidire. Kraes neke kuruni nogna engel na mala fatakle glepo igre ka iara nogna mae gloku na.

Jone 11:41

Aonu, mare ne pili fadelei thina biꞌo tuana. Eghuteuna mae Jisas ne filo haghe kligna ne cheke eghu, “Mama, iara cheke fakeli nigho iagho, naugna iagho neke nomhi ghauhi iara.

Eklesiasti 9:18

Gaoghatho te keli na thofno keli fara salaꞌuni glepo mala magra na, nu kaisei mae te diꞌa puhigna na tangomana te goigonidi kmana glepo te keli.

Eklesiasti 7:19

Gaoghatho te keli na tangomana te toghoni kaisei mae mala uludi nodi nanheta nabotho mae funei te funei frunini kaisei namono biꞌo.

Proveb 24:5

Mae ihei te autagna famane gaoghatho te keli nei lalase teuna, mana mae nheta tutuani fara, eghuteuna nogna kantri mana na jaola nheta fara.

Proveb 21:22

Mae te autagna gaoghatho te keli na tangomana te uluni nodi namono biꞌo mae te nheta ka magra na. Mana tangomana te paꞌe soru bara thina te rouronuni mare na.

Proveb 8:14

Iara tangomana te tusu lao gaoghatho te keli ka naiknore, eghuteuna iara tangomana te toghodi mare te mala eni gloku te keli na. Iara ngala gaoghatho te keli na, nei nolaghi te biꞌo na.

Fapea Kronikols 20:6

Mana ne tarai eghu: “Lord, nodi God kuꞌemi ghehati ra, iagho au kligna eghuteuna iagho funei frunidi kantri te gnafa ka nauthoglu igne. Iagho nheta fara, nei iagho au nolaghi fateote'o. Theo kaisei naikno tangomana te ulu nigho iagho na.

Ululahu Kronikols 29:13

Gognarona ghehati tegio nigho iagho nomi God, eghuteuna ghehati cheke fakelini nanghamu iagho na.

Ululahu Kronikols 29:10

Aonu King Devet ne cheke fakelini Lord ke ulugna mavitu na ne tarai eghu, “Iara cheke fakeli nigho Lord, nogna God mae Israel kuꞌemi ghehati tifa ia. Ghehati ginauna cheke fakeligho fabrahu tifa tifa.

Ululahu Kings 18:36

Eghuteuna fei grafi ka vido mala fafara na, profet Elija lao ka olta na ne tarai, “Lord, iagho nogna God mae Ebraham, nogna God mae Aesak nei nogna God mae Israel. Iagho falase mei gognarogne iagho te nomi God ghehati maemi Israel, eghuteuna iara gne nou mae gloku iagho, eghuteuna iara eni igne, naugna iagho neke cheke ranghi ghau iara.

Ululahu Kings 8:57

Tahati toreni Lord, noda God mala au baluda jateula teke au baludi kuꞌeda tifa ra eghu. Tahati toreni mana mala thosei tei koko ghita.

Jenesis 18:17

Aonu Lord ne cheke eghu ka gaoghathogna thegna na, “Iara ginauna na cheke thakleni ka mae Ebraham te namo roꞌeni iara namono biꞌo Sodom gne.

Jone 15:15

Gognarona iara theome kilo ghami ghotilo mae gloku, naugna mae gloku na theome tangomana te laseni gaoghathogna nogna mae funei na. Nu iara kilo ghami ghotilo mae kheragu iara, naugna iara chekedi ka ghotilo gobigna lepo teke chekedi mae Mama ka iara re ngala.

Eklesiasti 9:16

Neuba, te chekeni iara na, gaoghatho te keli na thofno keli fara salaꞌuni nolaghi te biꞌo na, nu neuba, theo kaisei naikno te filo glani naikno te kuma igne. Uve, theo kaisei naikno te ghathoni nogna gaoghatho te keli mana na, eghuteuna gognarona theo kaisei naikno te fanomho ka nogna cheke mana re.

Jenesis 31:42

Jame theome au balugu iara God mae ihei teke tufru soruni mae kuꞌe Ebraham ghe mae mama Isak tifa ra meuna, iagho jame neke fiti kuru fajifla ghau iara kolho. Nu God neke filo lasedi nogu gloku biꞌo nakmusa eghu teke edi iara ranghi nigho iagho ra neke cheke faheta ka iagho bongi ia.”

Nodi Khoje Hatimare Mae Jiu 21:2

Unha te thono magnahaghedi fara mana re iagho neke tusu lao ka mana. Unha te toredi mana re iagho neke edi ranghini mana.

Nodi Khoje Hatimare Mae Jiu 21:4

Iagho neke tusu lao u nakarha te keli teke toreni mana na. Eghuteuna iagho neke tusu lao u nakarha te keli tuana ka mana mala au fabrahu tifa e tifa.

Profet Jeremaea 33:3

Tutuani fara! Jame te eha mei ghotilo ka iara mala togho ghami teuna, iara ginauna nomhi ghami nei togho ghami eghu ghotilo. Eghuteuna iara ginauna chekeni glepo te thofno keli fara te theome tangomana kaisei naikno teke laseni tifa na.