Profet Daniel 2:22 - Buka Blahi Ka Cheke Holo

²² God tangomana te fakakhana glepo te poru, nei glepo te theome lasedi gaoghathodi. Mana lasedi gobigna lepo te poru kate romno na, eghuteuna leuleghu fata na naphae na au faligohoni mana.

Profet Daniel 2:22 ပူးပေါင်းရင်းမြစ်များ

Thoutonu Eigna Mae Job 12:22

Mana fakakhana gaoghatho te diꞌa teke poru kate romno, eghuteuna mana hata mei juta mala faphae ka glepo te diꞌa jaola te au kate romno.

Ululahu Jone 1:5

Gognaro na ghehati nake toutonu ari ka ghotilo cheke teke nomhini ka mae Jisas Kraes. Mana neke cheke eghu, “God na naphae, eghuteuna ka mana jare na theo kaisei gromno.”

Jemes 1:17

Glepo te famane keli te gnafa igre neke mei funudi kligna ka God, eghuteuna mana theome tangomana teke tughu puhigna na. Mana theome jateula glepo teke hohoro thegna te siasigla mei ka maloa na are eghu, naugna glepo tuare jateula naungogna gaju te tuthughu vido fabrahu ra eghu. Tutuani, God na theome tangomana tughu puhigna thegna na.

Hibru 4:13

Eghuteuna theo kaisei glepo kau nauthoglu gne tangomana te poru ka God. Gobigna lepore kakhana ngala ka mana. Eghuteuna kaisei narane tahati ginauna na chekedi ka mana unha teke edi tahati re.

Profet Jeremaea 23:24

Eghume, theome tangomana kaisei naikno ka ghotilo te poru ka tathagu iara na. Naugna iara fodu ka vido te gnafa kligna ba ka nauthoglu pari igne!

Nodi Khoje Hatimare Mae Jiu 25:14

Lord, iagho kheradi iheire te leghu nigho iagho re. Iagho farerheta u nhaꞌa cheke teke eni iagho ka mae ku'emi tifa ra.

Ululahu Timoti 6:16

Mana thegna ngala te theome tangomana te lehe na. Mana au ke lamnagna naphae biꞌo te theome tangomana naiknore te tei rhegnai. Theo kaisei naikno te filoni God, ba tangomana te filoni mana. Ranghini nafnakno nei nolaghi tifa tifa. Amen.

Profet Daniel 5:11

Fanomho sagho! Iara laseni kaisei mae glalase au agne ka nou kantri iagho igne. Eghuteuna tharungadi god te blahi igre au ka mana. Ka narane teke kegra funei kuꞌemi King Nebukadnesa ia, mana laseni mae igne au tagna glalase te keli. Eghuteuna nogna gaoghatho nei glalase teure biꞌo fara jateula god eghu. Eghume, kuꞌemu iagho King Nebukadnesa neke vahini mana mala mae funeidi hatimare nogna mae kastom te gnafa nei keha mae glalase teu igre.

Nodi Khoje Hatimare Mae Jiu 36:9

Iagho ngala nafugna te mala karhadi gobigna lepore. Eghuteuna iagho ngala nafugna u naphae na. Ghehati tangomana te filoni u naphae na ka iagho ngala.

Profet Daniel 2:11

Glepo te toreni iagho igne thofno ninhigrana fara! Theo kaisei naikno te tangomana te eni igne. Jame keha god are te tangomana na, nu god igre theome au baluda tahati.”

Profet Isaia 45:7

Iara neke vuhadi naphae ghe gromno. Eghuteuna iara neke jaola neke tusu lao nakarha te keli nei snakre lao hoholo biꞌo ka naiknore. Iara Lord te edi glepo igre.

Efesus 3:5

Tifa na God neke theome chekeni ka naiknore eigna u gaoghatho teke poru igne. Nu gognaro na Tharungagna God na la falalasehi ka hatimare nogna mae khuru te blahi nei hatimare nogna mae profet.

Ululahu Korin 4:5

Eghume thosei fate naikno nu ofou ghilei thoke mei Lord. Mana ginauna hata fajifla kate phae glepo te diꞌa fara te poru teu kate romno na, eghuteuna mana ginauna fakakhana glepo teke poru ka nagnafadi naiknore. God ginauna jaola fafnaknodi gnafa naikno te leghuni nodi puhi te kelire.

Jone 21:17

Fatilo fata na mae Jisas neke cheke eghu la ka mae Pita, “Simon, thugna Jone, iagho namha ghau iara ngau sia?” Mae Pita ne diꞌanagnafa gna fara naugna mae Jisas ne thilo fata cheke eghu ka mana, “Iagho namha ghau iara ngau sia?” teuna. Eghume, mae Pita ne cheke eghu ka mana, “Lord, iagho lasedihi gobigna lepore. Iagho lase ghau iara te thofno namha nigho na.” Mae Jisas ne cheke eghu ka mae Pita, “Reireghidi gnafa nogu naikno iara jateula sipu teu igre.”

Profet Isaia 41:22

Ghotilo mei agne mala chekedi unha nate thoke mei ginau, mala laseni ghehati narane nate thoke mei glepo igre. Ba, cheke meidi unha glepo teke edi tifa re, eghuteuna cheke meidi gaoghathodi glepo igre.

Nodi Khoje Hatimare Mae Jiu 104:2

U naphae te au faligoho nigho ana fagaglana gna nou nolaghi biꞌo iagho na. Iagho lilisei haghe u maloa na jateula kaisei suga thapuale eghu.

Thoutonu Eigna Mae Job 26:6

God na filodi kolho iheire te gnafa te au ka namonodi naikno te lehe ra. Theo kaisei naikno tangomana te poru Abadon. Igne namonodi naikno te diꞌa re.

Jone 8:12

Ke leghugna igne, mae Jisas ne cheke eghu ka naiknore, “Iara jateula u naphae eghu ka naiknogna nauthoglu igne. Ihei te leghu ghau iara na, mana ginauna theome totokhei kate romno na, nu mana na au kau naphae mala filoi u nabrou te karha na.”

Jone 1:9

Thofno naphae igne ne mei kau nauthoglu gne mala kafe faphaedi naikno te gnafare.

Matiu 13:13

Naugna igne site farirhiudi iara naikno gre kau cheke naba gnea. “Mare filo, nu mare na theome raꞌe filo glanini kaisei glepo. Mare fanomho, nu mare na theome raꞌe laseni kaisei glepo.

Profet Daniel 5:14

King ne cheke eghu, “Uve, iara nomhini te tharungadi god te blahi ra au balumu iagho, eghuteuna gaoghatho te keli nei glalase biꞌo teuna jaola au ka iagho.

Profet Isaia 42:9

Filo si ghotilo! Glepo te chekedi iara mala thoke mei tekura, la thoke meihi tutuani. Eghuteuna gognarona, iara ginauna toutonu ka ghotilo eidi glepo majaghani nate thakle mei thogheiro.”

Profet Isaia 41:26

Ihei ka ghotilo te tangomana nate chekeni glepo igne ginauna thoke mei teuna, mala laseni ghehati te tutuani na? Theo kolho! Theo kaisei ka ghotilo te chekeni kaisei glepo eigna igne, eghuteuna theo kaisei naikno te nomhi ghami ghotilo te chekeni kaisei glepo na.

Jenesis 41:16

Mae Josep ne cheke eghu ka mae king, “Iara theome tangomana te ruruthani gaoghathogna u nou mifi iagho na, nu thegna God ngala te tangomana ni te ruruthani u gaoghathogna nou mifi iagho na, eghuteuna kate nomhini iagho gaoghathogna nou mifi na, iagho ginauna na thofno glealeꞌa fara.”

Profet Daniel 2:19

Ka bongi igne, God ne fakakhana ka mae Daniel glepo igre ka mifi. Aonu mae Daniel ne cheke fakelini God,

Profet Daniel 2:47

Mana ne cheke eghu ka mae Daniel, “Tutuani fara, nou God iagho igne haghe fara salaꞌudi keha god te gnafa te tufru sorudi ghehati igre. Mana nodi Lord hatimare mae king te gnafa igre. Eigna Mana tangomana te fakakhana gaoghathodi gobigna lepo te poru ka iara igre. Gognarona iara laseni igne, naugna iagho la rurutha la thofno glola fakeli ka iara.”

Diutronomi 29:28

Lord ne thofno diꞌatagna fara, aonu mana brue fajifladi ka nodi namono re jateula ihei te rathu koko buburu te diꞌa re ka nogna nagare na ia eghu. Eghuteuna koko teidi ka keha kantri delei, aheva te au teu mare tela ghilei mei posa ka narane gognaro gre!’

Eklesiasti 8:1

Ihei gne te au tagna gaoghatho te keli na? Ihei gne te lasedi u gaoghathodi glepo igre? Uve, gaoghatho te keli nei glalase teu igre kolho te tangomana te tuthughu tathagna nei foflogna teu ihei te romno soru ka diꞌanagnafa na mala ke gleale'a fapulo.

Profet Jeremaea 33:3

Tutuani fara! Jame te eha mei ghotilo ka iara mala togho ghami teuna, iara ginauna nomhi ghami nei togho ghami eghu ghotilo. Eghuteuna iara ginauna chekeni glepo te thofno keli fara te theome tangomana kaisei naikno teke laseni tifa na.