Profet Daniel 2:21 - Buka Blahi Ka Cheke Holo

²¹ God na funei frunidi narane, nei naprai, nei nakhete. Mana tusu lao nolaghi ka hatimare mae king, eghuteuna mana jaola hata koko nolaghi na ka mare. Mana ngala te tusu lao gaoghatho te keli nei glalase biꞌo teu ka naikno na.

Profet Daniel 2:21 ပူးပေါင်းရင်းမြစ်များ

Profet Daniel 4:17

Igne nomi gaoghatho ghehati mae engel re. Ghehati magnahaghedi naikno ka namono te gnafa ka nauthoglu igne te laseni God mae ihei te fnakno nei funei frunidi naikno te gnafa ka nauthoglu igne. Mana tangomana te hata fadelei nogna nolaghi king na te tusu lao ka mae ihei te vahini mana te mala funei frunidi nogna naiknore, neuba mae igne ne kaisei mae nafnakno ba theo.’

Profet Daniel 7:25

Eghuteuna king igne ginauna cheke faparini kolho God mae ihei te fnakno ka maloa kligna igne, nei jaola goigonidi fara nogna naikno mana re. Mana ginauna na fariu riu tuthughu vetula nei narane biꞌo mala tarai teu igre. Eghuteuna nogna naikno God igre ginauna au ke parigna nogna nolaghi mana nabagna thilo finogha namno nhigra.

Profet Daniel 4:32

Eghuteuna mare ginauna brue fajifla nigho iagho ka namono igne mala tei au baludi gobigna lepo te tautagu ka namhata na are. Iagho ginauna ghamu buburu jateula buluka eghu nabagna fitu finogha. Iagho ginauna au fabrahu ka nakarha igne ghilei lase ghau iara iagho. Iara God mae ihei te fnakno kligna lahu te funei frunidi naikno te gnafa ka nauthoglu igne. Iara tangomana te tusu lao nolaghi ka mae ihei te mala mae king.”

Thoutonu Eigna Mae Job 12:18

Mana hata fadelei nodi nolaghi hatimare mae king, eghuteuna mana nhaꞌa sorudi pari mare mala jateula naikno gloku eghu kolho.

Ululahu Kings 4:29

King Solomon au tagna gaoghatho te keli teke tusu ranghini God. Gaoghatho te keli nei glalase teu igre thono biꞌo fara, jateula nusu ka geri thongna ra eghu theome tangomana te kahadire.

Jemes 1:5

Nu ihei te theo nogna gaoghatho te keli na, toreni God. Naugna God ginauna na gleale'a te tufa fabiꞌo ranghini mana gaoghatho te keli na. Eghuteuna God ginauna na theome fafuafuna ka mae ihei te tore ka mana na.

Luku 21:15

Naugna iara ginauna na tusu ari ka ghotilo glalase te mala chekedi kmana glepo te theome tangomana nomi mae naoka ghotilo re te cheke fapari ghami ghotilo ne jafra ghotilo teuna.

Jemes 1:17

Glepo te famane keli te gnafa igre neke mei funudi kligna ka God, eghuteuna mana theome tangomana teke tughu puhigna na. Mana theome jateula glepo teke hohoro thegna te siasigla mei ka maloa na are eghu, naugna glepo tuare jateula naungogna gaju te tuthughu vido fabrahu ra eghu. Tutuani, God na theome tangomana tughu puhigna thegna na.

Ululahu Kings 3:28

Kate nomhini naikno gna Israel eigna puhi te famane fadoglini King Solomon puhi biꞌo farihoteidi phei gaꞌase vine igre, mare ne thofno ghatho tahuni mana. Naugna mare laseni God neke tusu lao ka King Solomon famane gaoghatho te keli mala fate fadoglidi mana naiknore.

Eksodas 31:3

Iara ne snakreni Tharunga te Blahi na ne fodu ka mae Besalel eghuteuna tusu lao glalase ka mana mala tangomana mana te edi kmana gloku te keli.

Ululahu Korin 1:30

Nu God neke togho ghami ghotilo mala kaisei ghotilo balugna mae Jisas Kraes. Eghuteuna ka Kraes na, tahati lalase fara, eghuteuna doglo fara ka tathagna God na, nei mala nogna naikno blahi mana. Kraes na jaola neke foli fajifla ghita ka nakhibo.

Profet Daniel 2:9

Iara laseni, eigna ghotilo neke roghe fodu mala chaghi ghau iara neku, naugna ghotilo fariu riu ofou kolho mala tughu iara gaoghathogu na. Nu te chekeni iara ka ghotilo na, jame te theome toutonu mei ghotilo ka iara na, iara ginauna kafe para ghami ghotilo. Ghotilo toutonu mei mifi igne ka iara gognarola mala lase ghami iara te tangomana te rurutha ghotilo gaoghatho gna mifi igne.”

Ululahu Kronikols 22:12

Iara magnahagheini Lord te tusu ranghi nigho gaoghatho te keli nei glalase, mala tangomana iagho te lasedi gobigna lepo te mala funei fruni Israel. Ka puhi igre, iagho ginauna tangomana te leghudi nogna vetula Lord noda God.

Ululahu Kings 10:24

Eghuteuna kmana naikno ka nauthoglu igne magnahaghei te mei fanomho ka nogna gaoghatho te keli te tusu lao God ka mana.

Thakle 19:16

Ka nogna pohe nei boebokegna teure mare rioriso nangha igne, “Mae King te funei frunidi King te gnafa nei Lord te funei frunidi Lord te gnafa.”

Profet Daniel 11:6

Keha finogha salaꞌu ke leghudi igre, king gna Ijep ke mata eghuteuna king gna Siria ke raru, phiamare ginauna nhaꞌa cheke mala loku fodu. King gna Ijep ginauna snakreni thugna gaꞌase na mala tolaghi ka king gna Siria mala tangomana phei kantri igre te loku fodu na. Nu loku fodu igne na theome au raugha, naugna mae naokare ginauna aknu falehe gaꞌase igne baludi khetogna, thugna nei nogna naikno gloku eghu teke tei balugnare.

Ululahu Kronikols 29:30

Buka igne toutonu eidi unha gloku biꞌo teke edi mae Devet re, nei glepo biꞌo eghu teke edi mana kate king nei funei fruni teku mana kantri na. Eghuteuna jaola eidi unha te thokeni mana nei naiknodi Israel, nei keha glepo te thokedi keha king ka kantri te au falithuini Israel.

Eksodas 31:6

Eghuteuna iara jaola vahini mae Oholiab, thugna mae Ahisamak ka vikegna mae Dan, mala toghoni mana. “Eghuteuna iara jaola neke tusu lao glalase biꞌo ka keha mae re, mala tangomana mare te edi gobigna lepo te chekedi iara ka iagho igre.

Nogna Buka Esta 1:13

Leuleghu fata na, king magnahaghei te ghusnadi iheire te lasedi vetulare mala toghoni kate thoke mei nafnata puhi igre.

Letas Teke Riso Tei Mae Pol Ka Khiloau Rom 13:1

Ghotilo te gnafa na mala leghudi hatimare mae biꞌo ka gavman, naugna theo kaisei naikno te au nolaghi te mala funei frunidi naiknore jame te theome snakredi God na. Mae biꞌo igre God neke vahidi nei liliseidi ka sape aheva mare te mala funei frunidi naiknore.

Profet Daniel 1:17

God ne tusu lao glalase te keli ka fati mae majaghani igre. Mae igre lase iu'iju nei rioriso eghu ka buka, eghuteuna nodi cheke re thofno keli fara. Aonu God jaola ne tusu lao glalase ka mae Daniel mala rurutha mifi.

Profet Daniel 2:20

ne cheke eghu: “Leuleghu fata na tahati mala cheke fakelini God. Naugna mana lalase fara nei au nolaghi fateote'o.

Profet Daniel 2:23

Iagho nodi God mae kuꞌegu iara ra. Iara kilo fnakno nigho nei cheke fakeli nigho! Iagho tusu mei glalase nei nolaghi eghu ka iara. Iagho nomhidihi nomi tharai ghehati igre, eghuteuna iagho falalasehi ka ghehati gaoghathogna nogna mifi mae king igne.”

Profet Daniel 10:1

Ka fatilo finogha te mei King Saerus funugna ka kantri Pesia te funei ka kantri Babilonia, God ne tusu mei kaisei nonomho ka iara. Nonomho igne thofno tutuani fara, nu thofno ninhigrana fara te laseni na. Gaoghathogna cheke teke tusu mei God ka iara igne ne thakle mei ka iara ka kaisei mifi.

Profet Daniel 4:14

Engel igne ne eha eghu fabiꞌo, ‘Ghotilo kato soru gaju igne, eghuteuna ghotilo kato gregegnare, haglu tei khaklagnare, eghuteuna raba tafri fuꞌagnare eghu. Ghotilo brue tei delei buluka, sipu, nanigot nei hose teu te au ke parigna gaju igne. Eghuteuna ghotilo bruedi nanghaji te horo gnoku ka gregegna na are.

Profet Daniel 4:22

King, gaju te filoni iagho igne, themu iagho ngala. Iagho kaisei mae fnakno fara nanghamu na ka tathadi naikno te gnafa igre. Eghuteuna iagho au nou nolaghi biꞌo te mala funei frunidi naikno te au ka vido te gnafa ka nauthoglu igne.