Profet Daniel 2:20 - Buka Blahi Ka Cheke Holo

²⁰ ne cheke eghu: “Leuleghu fata na tahati mala cheke fakelini God. Naugna mana lalase fara nei au nolaghi fateote'o.

Profet Daniel 2:20 ပူးပေါင်းရင်းမြစ်များ

Nodi Khoje Hatimare Mae Jiu 113:2

Tahati funu kilo fnaknoni nanghagna mana gognaro gne nei tahati ginauna mala kilo fnaknoni nanghagna mana na tifa e tifa.

Thoutonu Eigna Mae Job 12:13

“Nu God kolho te au glalase te tutuani nei nolaghi teuna. Eghuteuna mana lalase fara nei ghaoghatho fakeli.

Thakle 5:12

Mare ne koje eghu fabiꞌo, “Mae Lam igne naiknore neke faleheni mana. Tahati nabada te cheke fakelini mana, naugna mana au nolaghi biꞌo, dedei, gaoghatho te keli, nanheta, nafnakno nei fablahi!”

Profet Jeremaea 32:19

Iagho edi glepo te biꞌo igre ka nou nolaghi te biꞌo. Leuleghu fata na iagho filo glanidi puhidi naiknore, eghuteuna iagho ke tughu fapulo ka mare unha teke eni mare na.

Nodi Khoje Hatimare Mae Jiu 147:5

Noda Lord na kaisei mae nafnakno nei nolaghi eghu fara, nei theo kaisei naikno te tangomana te fananaba nogna glalase na.

Letas Teke Rioriso Mae Jud 1:24

Uve, kaisei God ngala tangomana te reireghi ghami te mala leghuni fabrahu mae Kraes. Kaisei mana ngala tangomana hata ghami te tei ka nogna famane namono kligna na. Jare ghotilo ginauna na au gleale'a fara, naugna jare na ghotilo na theo kaisei glepo te jafra ke ulugna God.

Proveb 8:14

Iara tangomana te tusu lao gaoghatho te keli ka naiknore, eghuteuna iara tangomana te toghodi mare te mala eni gloku te keli na. Iara ngala gaoghatho te keli na, nei nolaghi te biꞌo na.

Nodi Khoje Hatimare Mae Jiu 115:18

Nu tahati te karha nga teu igre ginauna tegioni mana, funu gognaro tifa tifa. Tahati cheke fakelini Lord!

Ululahu Kings 8:56

Mana ne cheke eghu, “Tahati cheke fakelini Lord, naugna mana togho ghita tahati nogna naiknore mala au ka pharikeli, leghuni unha teke nhaꞌa cheke ni mana na. Mana tajidi nogna famane nhaꞌa cheke teke chekedi mana ka mae Moses nogna mae gloku ia.

Matiu 6:13

Thosei snakreni kaisei glepo mala mei fariuriu ghami, nu fakarhi ghami kau nogna nolaghi Satan.’

Nodi Khoje Hatimare Mae Jiu 62:11

Kmana fata iara nomhi ni God na cheke eghu, “Iara God, iara au nogu nolaghi biꞌo. Eghuteuna iara namhadi fara nogu naiknore.” Lord, iagho ngala te tangomana te taba ghami ghehati te gnafa na, eidi gloku teke edi ghehati na.

Nodi Khoje Hatimare Mae Jiu 50:23

Mae ihei te cheke fakeli ghau iara na, tuana jateula te fafara eghu ka iara, mana pala hagheni nanghagu iara na. Mae ihei te leghuni chekegu iara na, iara ginauna fakarhini mana.”

Nodi Khoje Hatimare Mae Jiu 41:13

Tahati cheke fakelini Lord, eigna mana noda God tahati naiknoda Israel. Tahati cheke fakelini mana fabrahu tifa tifa. Amen. Amen.

Fapea Kronikols 20:21

Eghuteuna kate ghusnadi te gnafa gaoghathodi naiknore, mana ne vavahi keha mae mala koje kilofnaknoni Lord tei ke ulugna armi na ne koje eghu, “Tahati cheke tegioni Lord, naugna mana namha ghita fabrahu.”

Ululahu Kronikols 29:20

Aonu mae Devet ne cheke eghu ka naiknore, “Cheke fakelini Lord noda God!” Aonu naiknore ne kafe cheke fakelini Lord nodi God kuꞌedi tifa ra. Mare ne kafe pogho soru ne fafnaknoni God, nei jaola fafnaknoni King Devet.

Jenesis 14:20

Eghuteuna tahati pala hagheni nanghagna na eigna mana ne togho nigho ne uluni iagho u magra igne.” Aonu mae Ebram ne tufa glepo teke hata teke pulo ka magra na ne edi nabotho bukrei ne tufa ka mae Melkisedek kaisei bukrei.

Nodi Khoje Hatimare Mae Jiu 113:1

Tahati koje kilo fnaknoni God! Uve, tahati kafe nogna mae gloku mana mala kilo fnaknoni nanghagna mana na.

Profet Esikiel 28:3

Uve, iagho lalase fara salaꞌuni mae Danel, eghuteuna theome tangomana kaisei glepo te poru ka iagho na.

Nehemaea 9:5

Eghuteuna keha tothoghei ka mae Livaet igre na nanghadire mae Jesu, nei mae Kadmiel, nei mae Bani, nei mae Hasabnea, nei mae Serebaea, nei mae Hodaea, nei mae Sebanaea, nei mae Petahaea, mae igre ne eha eghu fabiꞌo, “Tahati kafe kegra haghe cheke fakelini noda Lord God mae ihei te karha fabrahu tifa te tifa!” “God! Ghehati magnahaghei te pala hagheni nanghamu iagho na. Nu nomi glealeꞌa ghehati igne theo nafugna kolho. Nanghamu iagho na biꞌo fara, eghume nomi glealeꞌa ghehati igne theome naba ka tathamu iagho na.