Profet Daniel 2:18 - Buka Blahi Ka Cheke Holo

¹⁸ Mana ne cheke eghu ka thilo mare, “Tahati na toreni God gna kligna mala kokhoni ghita, nei mala fakakhana mei ranghi ghita mifi igne balu gaoghatho gna na mala theome falehe ghita baludi keha mae glalasedi Babilonia igre.”

Profet Daniel 2:18 ပူးပေါင်းရင်းမြစ်များ

Profet Jeremaea 33:3

Tutuani fara! Jame te eha mei ghotilo ka iara mala togho ghami teuna, iara ginauna nomhi ghami nei togho ghami eghu ghotilo. Eghuteuna iara ginauna chekeni glepo te thofno keli fara te theome tangomana kaisei naikno teke laseni tifa na.

Matiu 18:19

“Tutuani fara keha glepo te chekeni iara ka ghotilo na. Jame phei naikno ka ghotilo kaisei gaoghatho ngala ka unha te toreni phiamare na, mae Kmagu iara te au kligna na, ginauna eni unha te toreni phiamare na.

Matiu 18:12

“Jame kaisei mae au nogna kaisei gobi sipu, eghuteuna dofi kaisei tadi, na faneha eghu mana? Mana na lisa laodi nhevasalei nheva sipu are ka thogele na mala hironi ghu te snivi na.

Nodi Khoje Hatimare Mae Jiu 91:15

Kate kilo mei mare ka iara na, iara na cheke tughu ka mare. Nei iara ginauna au baludi kate thoke mei puhi ka mare na. Uve, iara na atha fajifladi ka puhi nei tusu ranghidi nafnakno.

Nodi Khoje Hatimare Mae Jiu 50:15

Eghume jame te eha ghotilo ka iara kate au ghotilo ka hoholo na iara na togho ghami ghotilo, eghuteuna ghotilo ginauna na pala hagheni nanghagu iara na.”

Profet Malakai 3:18

Kau narane nate mei ginau igne, ghotilo ginauna laseni naikno te au doglo ka tathagu, nei leghu ghau iara teu igre na nhogri ka naikno te diꞌa te theome leghu ghau iara igre.’ ” Igne chekegna Lord mae ihei te au nolaghi fateoteo.

Profet Isaia 37:4

King gna Asiria igne neke kuru meini kaisei nogna mae komanda mala cheke faparini God mae ihei te karha te tifa. Tahati toreni Lord noda God mala nomhidi cheke te diꞌa igre, eghuteuna Mana ginauna paradi mare. Eghume, tore ka God eida tahati naikno te karha nga teu gre!”

Ululahu Samuel 17:37

Lord mae teke fakarhi ghau iara ka foflodi lion nei bea teu igne ginauna jaola fakarhi ghau iara ka mae soldia gna Filistia tuana.” Aonu mae Sol ne cheke eghu ka mana, “Uve, tei sagho. Iara ginauna torei Lord mala au balumu.”

Jenesis 18:28

Jame te theome thokeni glima fulu naikno te doglo nu phia tutu glimai kolho teu na ba. Iagho ginauna na roꞌeni namono thongana igne eigna te kmoꞌe keha glimai gre, ba theo?” Lord ne cheke eghu, “Jame te filodi iara phiatutu glimai naikno te doglo igre na, iara ginauna na theome roꞌeni namono igne.”

Fapea Pita 2:9

Thoutonu igre falalase ranghi ghita Lord ginauna fakarhidi iheire te fatutuani ni mana kate thoke meidi hoholo. Nu iheire te theome doglore, Lord ginauna paradi ghilei thokeni narane te mala fatedi naikno te gnafare.

Letas Teke Riso Tei Mae Pol Ka Khiloau Rom 15:30

Kheraguro, naugna tahati kaisei balugna noda Lord Jisas Kraes nei Tharunga te Blahi togho ghita te mala fari namhai, iara thofno tore ghami mala kaisei balugu ka tharai nei toreni God mala togho ghau iara.

Profet Daniel 3:17

Nu God mae ihei te pogho soruni ghetilo na ginauna fakarhi ghami ghetilo ka khaꞌaghi te brana fara tuana, nei fakarhi ghami ka nou nolaghi iagho na.

Profet Esikiel 36:37

Lord God neke cheke eghu, “Iara ginauna snakredi naiknodi Israel ra mala tore ka iara mala toghodi. Eghuteuna iara ginauna toghodi mare mala kmana nei vuragha eghu jateula kaisei bukrei sipu eghu.

Profet Daniel 2:23

Iagho nodi God mae kuꞌegu iara ra. Iara kilo fnakno nigho nei cheke fakeli nigho! Iagho tusu mei glalase nei nolaghi eghu ka iara. Iagho nomhidihi nomi tharai ghehati igre, eghuteuna iagho falalasehi ka ghehati gaoghathogna nogna mifi mae king igne.”

Profet Daniel 4:26

Iagho neke nomhini engel igne teke cheke mala lilisei au pikhugna gaju igne teku na. Uve, igne gaoghathogna na: Kate laseni iagho te kaisei God ngala mae te funei frunidi gobigna lepo fateote'o teuna, God ginauna hata fapulo nigho ka sapegna king.

Profet Jona 1:9

Aonu, mae Jona ne cheke eghu ka mare, “Iara kaisei mae Hibru, iara tufru soruni Lord God gna kligna, mae ihei teke vuavuhadi moumolu nei thongna.”

Nodi Khoje Hatimare Mae Jiu 136:26

Tahati cheke fakelini noda God mae ihei te au teu kligna! Mana ne namha ghita tahati tifa tifa!