Profet Daniel 2:12 - Buka Blahi Ka Cheke Holo

¹² Kate nomhini nodi cheke mare igne, king ne thofno diꞌatagna fara. Aonu mana ne cheke eghu ka mare, “Ghotilo mae glalase te gnafa Babilonia igre mala lehe.”

Profet Daniel 2:12 ပူးပေါင်းရင်းမြစ်များ

Profet Daniel 3:13

Kate nomhini King Nebukadnesa cheke igne, mana ne thofno diꞌatagna fara ne cheke faheta fara ka mare mala hata tei thilo mae igre ka mana. Aonu mare hata ne tei thilo mae igre ka king.

Matiu 2:16

Kate laseni mae Herod te chaghini maedi ke maghati gre, mana ne diꞌatagna fara. Aonu, mana ne chekedi nogna mae soldiare mala tei mala falehe gnafa goro mae sua nalhaꞌu te au ka namono Betlehem, nei ka nohi te au faligohoni Jerusalem. Mana neke cheke mala kafe falehedi goro mae sua nalhaꞌu te funu ka phei finogha nei teke karhala. Mae Herod ne eni igne, naugna leghuni unha teke chekeni maedi ke maghatire kau narane teke thaklegna u nathunu na.

Profet Daniel 3:19

Kate nomhini King Nebukadnesa igne, mana ne diꞌatagna fara ka mae Sadrak, mae Misak nei mae Abenegho. Aonu mana ne cheke faheta ka nogna mae glokure mala eni khaꞌaghi na mala brana fara nabagna fitu fata salaꞌuni teke ului na.

Nodi Khoje Hatimare Mae Jiu 76:10

Kate fagnafa aridi sagho nodi diꞌatadi nou mae naoka are, mare ginauna kafe ghatho tahu nigho iagho. Tutuani, neubane au neu katha vido fadiadiꞌa ka mare, tuana ginauna ari huiu ngala ka mare.

Profet Daniel 2:5

Nu mana ne cheke eghu ka mare, “Nogu cheke iara na la auhi! Ghotilo toutonu mei mifi igne ka iara. Aonu ke leghugna igne ghotilo jaola rurutha gaoghathogna nogu mifi iara igne. Jame te theome toutonu mei ghotilo ka iara na, iara ginauna falehe ghami ghotilo, eghuteuna iara ginauna paꞌe nomi suga ghotilo are eghu.

Proveb 29:22

Mae te ghosei te diꞌatagna na, mala fufunu faripholai, puhigna mana na fodu fabrahu ka nakhibo.

Proveb 20:2

Diꞌatagna mae funei na jateula lion te fangangara ra eghu. Te faꞌeiꞌei iagho te diꞌatagna mana na, iagho ginauna lehe.

Proveb 19:12

Mae funei te diꞌatagna na, mana jateula lion te fangangara ra eghu. Nu mae funei te gleale'a na, mana jateula famane nakhete te soru mei ka nagare ra eghu.

Proveb 16:14

Kate diꞌatagna mae te mala baubatu na, mana tangomana te falehe naikno na. Eghume, mae te autagna gaoghatho te keli na mana fariuriu mala kelitagna mae mala baubatu na.

Thoutonu Eigna Mae Job 5:2

Puhi te diꞌanagnafa na ginauna faleheni mae te fameomekro na. Eghuteuna gaoghatho goghotu na ginauna faleheni ihei te theome lalase na.

Matiu 5:22

Nu te chekeni iara ka ghotilo gognarona, mae ihei te diꞌatagna fara ka mae kheragna fofodu na, mare ginau na hatani mana kau fate. Eghuteuna mae ihei te cheke fadiꞌani mae kheragna fofodu na, mare na hatani mana kau fate ke uludi hatimare mae biꞌo. Eghuteuna mae ihei te cheke nolini mae kheragna fofodu na, mana ginauna tei Gehena kau khaꞌaghi te karha fabrahu na.

Profet Daniel 2:24

Mae Daniel ne tei filoni mae Ariok, mae ihei king te vahini te mala falehedi mae glalase igre. Mae Daniel ne cheke eghu ka mana, “Iagho thosei falehedi mae glalase igre. Iagho hata ari ghau iara ka king. Iara ginauna rurutha ranghini mana gaoghathogna nogna mifi mana tuana.”

Profet Daniel 5:19

Mana neke kaisei mae biꞌo fara. Eghuteuna naikno ka kantri te gnafa, ka kokholo te gnafa nei ka cheke te gnafa teu igre neke mhaghuni mana. Jame te magnahaghei faleheni ihei na, mana ginauna faleheni naikno tuana. Jame te magnahaghei fakarhini ihei na, mana ginauna fakarhini naikno tuana. Mana au nogna nolaghi te mala nhaꞌa hagheni ihei, ba te mala nhaꞌa faparini ihei.