Profet Daniel 2:11 - Buka Blahi Ka Cheke Holo

¹¹ Glepo te toreni iagho igne thofno ninhigrana fara! Theo kaisei naikno te tangomana te eni igne. Jame keha god are te tangomana na, nu god igre theome au baluda tahati.”

Profet Daniel 2:11 ပူးပေါင်းရင်းမြစ်များ

Profet Daniel 5:11

Fanomho sagho! Iara laseni kaisei mae glalase au agne ka nou kantri iagho igne. Eghuteuna tharungadi god te blahi igre au ka mana. Ka narane teke kegra funei kuꞌemi King Nebukadnesa ia, mana laseni mae igne au tagna glalase te keli. Eghuteuna nogna gaoghatho nei glalase teure biꞌo fara jateula god eghu. Eghume, kuꞌemu iagho King Nebukadnesa neke vahini mana mala mae funeidi hatimare nogna mae kastom te gnafa nei keha mae glalase teu igre.

Fapea Korin 6:16

Nogna Sugablahi God na theome mala fodu ka mumuju. Jaola ghotilo laseni eigna tahati na nogna Sugablahi God mae ihei te karha te tifa! Naugna God neke cheke eghu, “Iara ginauna mala au baludi nogu naiknore, eghuteuna iara ginauna mala tei baludi. Iara ginauna mala nodi God mare, eghuteuna mare ginauna mala nogu naikno iara.”

Jone 14:23

Mae Jisas ne cheke eghu ka mana, “Tutuani fara, mae ihei te namha ghau iara na, mana ginauna leghudi nogu farirhiu iara re. Mae Mama ginauna jaola namhani mana, eghuteuna ghepa mae Mama ginauna mei ka mana mala au fabrahu balugna mana.

Jone 1:14

Eghume Chekegna God igne neke karha mei fei thini jateula tahati neku, neke au balumi ghehati. Ghehati neke filonihi u nogna nolaghi mana na. Nolaghi tuana neke tusu lao mae Mama ka mae thofno Thugna na. Eghuteuna mae Chekegna God igne fodu kau khokofakasai nei tutuani.

Matiu 19:26

Mae Jisas ne filo tutu ka mare ne cheke eghu, “Tutuani fara, God na tangomana te eni unha te theome tangomana te eni naikno na.”

Profet Isaia 57:15

Lord mae ihei te haghe nei blahi fara, nei karha fabrahu te tifa te tifa igne, mana ne cheke eghu, “Iara au ka vido te haghe nei blahi, nu iara jaola au baludi naikno te nhaꞌa faparidi thedi nei au diꞌanagnafa fara eidi nakhibodi re teu igre, eghuteuna iara tusu lao ranghidi nakarha majaghani.

Eksodas 29:45

Iara ginauna au baludi naiknodi Israel mala nodi God mare fabrahu.

Jenesis 41:39

Aonu mae king ne cheke eghu ka mae Josep, “God na la falalasehi ka iagho glepo igre, eghume theo kaisei mae te au gaoghatho te keli nei lalase teu jateula iagho teuna.

Thakle 21:3

Aonu iara ne nomhini kaisei cheke ne jifla mei ka nogna sape nafnakno mae King na, ne eha eghu fabiꞌo, “Filo si ghotilo, gognaro na God au baludi nogna naiknore. Tutuani fara, God thegna ginauna au baludi mala nodi God mare.

Profet Isaia 8:18

Tore! Ghotilo fanomho fakeli! Lord mae ihei te au nolaghi fateote'o igne mana au ka Thogele Saion, eghuteuna mana noda king tahati. Iara au agne baludi goro sua teke tusu mei Lord ka iara igre, eghuteuna mana vahi ghami ghehati mala jateula kaisei fagaglana eghu mala tangomana ghotilo naiknomi Israel ra te filoni na.

Nodi Khoje Hatimare Mae Jiu 132:14

Mana neke cheke eghu, “Igne vido nate au fabrahu iara tagna na. Vido igne ginauna mala namonogu iara, naugna iara ne khaeni fara.

Nodi Khoje Hatimare Mae Jiu 68:18

Kate haghe mana ka Thogele Saion na, mana hata ne haghe balugna kmana naikno teke hata mana ka magra re mala tei au jare ka sosolo. Eghuteuna iheire teke huhughuni mana tifa ra ne jaola neke tusu ranghini mana keha namha. Lord God ginauna au ka thogele igne tifa tifa.

Fapea Kronikols 6:18

“Lord, iagho ginauna na mei au balumi ghehati naiknogna nauthoglu igne sia? Kligna na namono biꞌo fara theome nabamu iagho te au tagna na. Sugablahi te eni iara igne jaola ikoi fara theome nabamu iagho te au tagna na.

Ululahu Kings 8:27

“Lord! Iagho tangomana te mei au ka nauthoglu igne na? Neuba maloa kligna igne ne krepa fara, nu maloa kligna igne theome naba te mala au iagho tagna na. Sugablahi igne ikoi fara theome naba te mala au iagho tagna na.

Naba 35:34

Ghotilo thosei lisadi kaisei glepo mala fathonani nomi glose ghotilo gne ka tathagu iara na, naugna iara Lord, iara au balumi ghotilo naiknogna Israel ka glose te au teu ghotilo tagna igne.”

Eksodas 8:19

Aonu hatimare mae meresin gre ne cheke eghu ka mae king, “Jame God thegna ngala te eni igne!” Neuba, mae king na thono maku fara nagnafagna na ne tirogna fanomho ka mae Moses ghe mae Eron.

Jenesis 41:8

Hamerane mae king ne kmana gaoghathogna fara ka mifi igre ne kilodi hatimare mae glalase di Ijep, nei hatimare mae kastom te tangomana te mala lasedi ba filodi unha glepo te poru re. Mana ne toutonu ka hatimare eidi phei mifi igre. Nu theo kaisei mae ka hatimare mae igre te tangomana te ruthadi ka mana u gaoghathodi phei mifi igre na.

Profet Isaia 47:12

“Ediu sagho nou kastom meresin teke edi teke mei iagho funu suamu ra. Glahula togho nigho, ba glahu edi iagho kastom meresin tuare mala mhaghu nodi nou naokare.

Profet Daniel 4:4

King Nebukadnesa ne cheke eghu, “Iara au fakeli ka nogu suga na, eghuteuna iara au nogu kmana glepo te magnahaghedi iara re.