Profet Daniel 12:8 - Buka Blahi Ka Cheke Holo

⁸ Iara nomhini nogna cheke mana na, nu iara theome lase fakelini gaoghathogna cheke mana igne. Aonu iara ne ghusna eghu ka mana, “Mae biꞌo, unha glepo nate thofno thoke mei leghu lahu na?”

Profet Daniel 12:8 ပူးပေါင်းရင်းမြစ်များ

Mae Khuru 1:7

Mae Jisas ne cheke eghu ka mare, “Theome nomi ghotilo te mala laseni u narane ba u nhigra teke nhaꞌa soru mae Mama kau nogna nolaghi thegna na.

Ululahu Pita 1:11

Tharunga gna mae Kraes na neke au baludi mare. Eghuteuna mae Tharunga na neke chekeni eigna mae Kraes nate kulu au papara, eghuteuna ke leghugna igne God ginauna tusu ranghini mana siasigla balu nolaghi biꞌo. Hatimare mae profet neke fariuriu hironi faneha ba niha nau nate thokei mei glepo igne ginauna.

Jone 12:16

Kate kilo fafnaknoni mae Jisas naiknore, nogna mae fanomho mana re ne theome laseni gaoghathogna te eni naiknore ka mana igne. Eghuteuna kate karha fapulo nei ke haghe kligna teu mana na, mare neke ghatho fapuloni unha teke eni naiknore ka mae Jisas na. Eghume, mae fanomhore ne cheke eghu, “Tutuani fara, igne siba gaoghathogna teke rioriso eigna mana hatimare mae profet tifa ra!”

Luku 18:34

Nu mae fanomhore theome lasedi u gaoghathodi cheke mana igre. Naugna gaoghathodi cheke mana igre ne poru fara ka nagnafadi mare re.

Profet Daniel 12:6

Kaisei mae ka phei mae igre ne cheke eghu ka mae te pipichi famane pohe kegra teu delei ka khoꞌu na, “Niha nau gnafadire nafnata glepo igre?”

Profet Daniel 10:14

Iara mei mala cheke ka iagho unha nate thoke mei ka nou naikno iagho igre mala lasedi iagho glepo igre. Unha te filodi iagho ka mifi igre, u thotoghaledi glepo te theome thoke mei nga teu.”

Profet Daniel 8:13

Iara ne nomhini kaisei engel ne ghusna eghu ka keha engel na, “Niha nau gnafadire gobigna lepo te fakakhana God ka mifi na igre? Niha nau gnafadire puhi te diꞌa te tughu fabrahu nodi fafara nogna naikno God igre? Niha fata tapla fabrahu ke klignadi nogna naikno God igre balugna Sugablahi igne si hona ikoi ignea?”

Profet Daniel 12:7

Aonu mae te kegra teu ke mata khoꞌu igne ne ngafa haghe phei khamegnare ka maloa na ne nhaꞌa cheke ka nanghagna God mae ihei te karha te tifa igne. Iara ne nomhini mana te cheke eghu na, “Glepo igre ginauna na theome tughu nabagna thilo finogha namno nhigra. Kate theo nodi nolaghi nogna naikno God igre te mala magra na, glepo igre ginauna na jaola ari gnafa.”

Profet Daniel 12:9

Mana ne cheke eghu ka iara, “Ghema Daniel, iagho thosei nanga nou ka glepo igre. Naugna cheke igre mala theome thakle ghilei thokeni narane leghu lahu na.