Profet Daniel 12:12 - Buka Blahi Ka Cheke Holo

¹² Iheire te au rheta ka God te ghilei thokedi kaisei thogha thilo gobi tolufulu glimai narane igre, God ginauna fablahidi.

Profet Daniel 12:12 ပူးပေါင်းရင်းမြစ်များ

Profet Daniel 8:14

Eghuteuna iara nomhini keha engel na ne cheke eghu, “Glepo te diꞌa igre na au nabagna kaisei thogha kaisei gobi glimafulu narane. Ka narane igre nogna naikno God re ginauna na theome fafara hamerane nei grafi jateula teke tifa ra teuna. Eghuteuna ke leghudi narane igre, mare ginauna nake eni nogna Sugablahi God igne mala blahi fara.”

Profet Isaia 30:18

Nu Lord na kokhoni ghami ghotilo. Leuleghu fata na mana eni koba glepo te doglo na. Eghuteuna ihei te fatutuani ni mana na, mana ginauna glealeꞌa nogna fara.

Thakle 20:4

Iara ne filodi keha nodi sape nafnakno mae king. Tharungadi naikno teke kusu mare pha'udire tifa ra gnokro neu jare. Nogna naoka God re neke falehedi mare naugna mare neke fatutuani ni fabrahu chekegna God na nei toutonuni eigna u cheke tuana. Mae igre neke theome pogho soru ka bosu ba ka mumuju gna na. Eghuteuna mare jaola neke theome hata nogna fagaglana bosu na ka greredire ba ka khamedire. Nu mare neke karha fapulo mala funei fruni balugna Kraes kaisei thogha finogha.

Letas Teke Riso Tei Mae Pol Ka Khiloau Rom 11:15

Naugna kate figri fadelei God ka ghehati mae Jiu gre, keha naikno ka nauthoglu gne na tangomana teke kheragna God na. Ginauna jateula unha eghu kate keli tagna God ka mae Jiu gre? Mae Jiu gre ginauna jateula teke karha fapulo ka glehe eghu!

Thakle 11:2

Nu iagho thosei fananaba vido ke kosigna Sugablahi ana, naugna vido tuana la snakrenihi mare ka hatimare mae te theome Jiu are. Mare ginauna goigoni ni Jerusalem naba phia tutu phei nhigra.

Thakle 12:6

Gaꞌase na ne rikha ne tei ka namono nagou aheva God teke kulu tarabanahi jare kaisei namono malagna naꞌa. Mare ginauna reireghi fakelini naꞌa ka vido tuana nabagna thilo finogha namno nhigra.

Thakle 13:5

God ne snakreni bosu tuana mala cheke fahaehaghe nei mala cheke faparini eghu thegna naba thilo finogha namno nhigra. God jaola snakreni mana mala eni unha mana te magnahagheni kate funei frunidi naiknore.

Profet Esikiel 4:6

“Kate ari iagho te thokeni khukrugna narane tuana, iagho ginauna nake thuru soru fei nhetamu, mala hata iagho naꞌau papara eidi nakhibodi naiknodi Juda. Iagho ginauna eni jateula tuana eghu nabagna phiatutu narane, gaoghathogna na phiatutu finogha mare ginauna au papara.