Profet Daniel 12:1 - Buka Blahi Ka Cheke Holo

¹ Mae tuna ne cheke eghu ka iara, “Ka narane igne, engel Maekol mae funeidi hatimare mae engel te mala reireghidi nou naikno iagho igre ginauna thakle mei. Ka narane igne puhi biꞌo ginauna thoke mei. Tifa na nafnata puhi biꞌo igne neke theome thokeni kaisei kantri ka nauthoglu igne. Kate thoke mei narane igne, God ginauna nake hata fapulo nogna naiknore, naugna nanghadire la auhi ka nogna buka na.

Profet Daniel 12:1 ပူးပေါင်းရင်းမြစ်များ

Profet Jeremaea 30:7

Tore. Narane igne ginauna na thono ninhigrana fara. Theo kaisei narane te jateula igne teuna. Ginauna puhi biꞌo fara na thoke mei ka vikegna Israel, nu theo kaisei naikno nate lehe na.

Matiu 24:21

Naugna ka narane tuana ginauna kmana naikno au papara fara. Ginauna kmana naikno naꞌau papara fara ke tulaodi teke edi tifa ka fufunu gna nauthoglu igne. Eghuteuna ginauna theo kaisei naꞌau papara te biꞌo fara jateula tuana teuna.

Nonomho Te Keli Teke Risoi Mae Mak 13:19

Naugna puhi igne ginauna na biꞌo fara, ke uludi puhi teke edi tifa funu ka teke vuvuhagna God nauthoglu igne te posa gognaro gne. Eghuteuna ginauna na theo kaisei puhi jateula la igne teuna.

Profet Daniel 10:13

Iara neke theome tangomana te mei ka iagho tifa na, naugna engel te diꞌa te reireghini kantri Pesia igne neke fanogra ghau iara nabagna varadaki kaisei narane. Nu engel Maekol mae funeidi engel te keli igre mei ne togho ghau iara. Naugna iara thegu kolho te au agne Pesia te mala magrini engel te diꞌa igne.

Thakle 12:7

Aonu kaisei magra biꞌo na ne fufunu kligna. Mae engel biꞌo Maekol baludi nogna engel re ne magra ka pholi biꞌo na. Eghuteuna pholi biꞌo na baludi nogna engel re neke magra fapulo ka mare.

Thakle 20:15

Eghuteuna ihei te theome rioriso soru nanghagna na ke lamnagna nogna buka God na, mala koko lao ke lamnagna kholo te deudeplu ka khaꞌaghi na.

Thakle 20:12

Eghuteuna iara ne filodi naikno te gnafa teke lehe ra, mae teke fnakno ba mae teke theome fnakno tifa ra, mare kegra ke ulugna nogna sape nafnakno mae King na. Eghuteuna mare ne tothora bukare mala toutonudi unha teke edi teke mei naikno te gnafare ka nakarhadire. Aonu mare jaola ne tothora nogna buka God na. Mana neke rioriso soru nanghadi naikno te mala karha fabrahu tifa tifa ka buka igne. Mana ne kafe fatedi naiknore leghudi unha teke edi mare re.

Thakle 3:5

Iheire te leghu ghau iara fabrahu te ghilei lehe na, mare ginauna pipichi pohe vegha. Eghuteuna iara ginauna theome hata koko nanghadi teke rioriso ka nogu buka iara na. Iheire te au nanghadi ka nogu buka iara na igre na au fabrahu tifa tifa. Eghuteuna iara ginauna chekeni ke ulugna mae Mama nei ke uludi nogna engel mana re, ‘Naikno igre thofno nogu iara tutuani.’

Luku 10:20

Nu ghotilo thosei gleale'a, naugna te leghu ghami naiture, nu ghotilo gleale'a naugna God na la riorisohi nanghami ghotilo re kligna.”

Profet Daniel 9:12

Iagho para ghamihi ghehati baludi nomi mae mala baubatu gre, jateula teke chekeni iagho tifa ia eghu. Iagho ngala teke snakreni glepo te diꞌa igne mala goigonini fara namono biꞌo Jerusalem, salaꞌudi keha namono teke goigoni ka nauthoglu igne.

Thakle 13:8

Aonu naikno te gnafa ka nauthoglu gne, mare ginauna pogho soru ranghini bosu te diꞌa tuana. Nu iheire teke rioriso soru nanghadire ka nogna buka God na, mare ngala nate theome pogho soruni bosu na. Igne nogna buka Lam, mae ihei God teke ghaoghaho eigna mana kani theome vuvuha nga teku nauthoglu gne te mala ginauna lehe ranghidi nogna naiknore.

Thakle 1:5

Eghuteuna khokofakasai nei pharikeli teu igre jaola mei funu ka mae Jisas Kraes mae ihei teke toutonuni chekegna God na ka thofno puhi te tutuani fabrahu tifa tifa. Mae ihei teke kulu karha fapulo kau glehe, nei au nolaghi ke klignadi hatimare mae king te gnafa ka nauthoglu igne. Mana namha ghita fara, nei lehe jateula kaisei fafara mala foli fajifla ghita gnafa ka nakhibo.

Letas Teke Rioriso Mae Jud 1:9

Tulao mae Maekol mae funeidi engel gre neke theome eni igne. Mana neke fapholai balugna mae Satan eigna mae ihei ka phiamare nate hata thinigna mae Moses. Nu mae Maekol neke theome chekeni kaisei cheke te diꞌa ranghini mae Satan. Mana neke khogla cheke eghu kolho, “God ginauna para nigho iagho.”

Filipae 4:3

Iara jaola tore nigho iagho thofno mae kheragu te keli ia mala toghodi repa ka puhi igne. Naugna repa igre loku heta balugu iara mala toutonuni u Nonomho te Keli eigna mae Jisas Kraes. Repa jaola loku heta balugna mae Klement nei baludi keha nogu mae gloku iara gre. God la kulu riorisohi nanghadire ka nogna buka na. U buka tuana kafe au nanghadi naikno nate athini u karha fei tifa na.

Efesus 1:21

Tutuani, Kraes na au kligna mala funei frunidi hatimare mae King te gnafa, nei hatimare mae engel, nei keha nafnata nolaghi fateo langau ka maloa gne. Kraes au nangha te biꞌo tulao ke uludi keha nangha te au nolaghi biꞌo ka nauthoglu igne, ba ka keha narane te mei ginau.

Letas Teke Riso Tei Mae Pol Ka Khiloau Rom 11:26

Eghuteuna ka nabrou tuana, God ginauna fakarhidi gnafa naiknodi Israel gre, jateula te chekeni ka grioriso te blahi na, “Mae fakarhai te mala fakarhidi naiknore ginauna jifla mei ka hatimare mae Jiu. Mana ginauna hata fadelei puhi te diꞌa te gnafa ka vikegna mae Jekop.

Profet Esikiel 13:9

Iara ginauna paradi mae profet chaichaghi te gnafa te chaichaghi eidi mifi igre, eghuteuna mare jaola cheke eidi glepo nate thoke mei. Eghuteuna ghotilo mae profet chaichaghi ra ginauna theome tangomana te au baludi mae te mala baubatudi nogu naikno iara kate mei salofodu mare ka faidu na. Nanghami ghotilo re ginauna theome au ke lamna thura naiknodi Israel, eghuteuna ghotilo ginauna theome tangomana teke pulo Israel. Ka narane tuana, ghotilo naiknomi Israel ra ginauna laseni te iara Lord.

Profet Isaia 9:7

Puhigna mana te mala funei frunidi nogna naiknore ginauna thofno keli fara. Eghuteuna namono aheva te funei fruni mana igne ginauna au ka pharikeli fabrahu. Uve, mana ginauna kaisei king ka vikegna King Devet. Nogna nolaghi nei puhigna teu mana te mala fatedi naiknore ginauna au fabrahu tifa tifa. Lord, iagho au nou nolaghi fateote'o, eghuteuna iagho au nou gaoghatho rheta te mala edi gobigna lepo te magnahaghedi iagho themu re.

Profet Isaia 4:3

Naikno te karha teu Jerusalem igre Lord neke kilodi nogna naiknore, naikno blahi. Eghuteuna mana riorisohi nanghadire ka nogna buka na.

Nodi Khoje Hatimare Mae Jiu 69:28

Te keli na iagho ghiha koko nanghadi mae naokare ka buka te au nanghadi naikno te au ka karhare, thosei kaha fodu baludi ka nou naikno iagho re.

Nodi Khoje Hatimare Mae Jiu 56:8

Iagho laseni puhi biꞌo te au ka iara igne. Iara gne au diꞌanagnafa nei tanhi eghu nogu fara. Uve, iagho neke ghathoni igne neke kulu riorisonihi ka nou buka na.

Thakle 17:14

King igre balugna bosu na ginauna magra ka Lam. Nu Lam baludi nogna naikno teke vavahi nei kilodi teku thegna te mala au heta ka nodi fatutuani, ginauna tapla sorudi kolho. Naugna Lam na funei frunidi Lord te gnafa nei King te gnafa.”

Letas Teke Riso Tei Mae Pol Ka Khiloau Rom 11:15

Naugna kate figri fadelei God ka ghehati mae Jiu gre, keha naikno ka nauthoglu gne na tangomana teke kheragna God na. Ginauna jateula unha eghu kate keli tagna God ka mae Jiu gre? Mae Jiu gre ginauna jateula teke karha fapulo ka glehe eghu!

Profet Daniel 11:45

Eghuteuna king ginauna babana haghe nogna suga tapuale biꞌo na farihotei Thongna Mediterenian ghe Thogele blahi Saion. Nu mana ginauna lehe jare, eghuteuna ginauna na theo kaisei naikno nate au teu te toghoni mana na.”

Profet Esikiel 34:24

Eghuteuna iara Lord ginauna nodi God mare, eghuteuna nogu mae gloku iara ka vikegna Devet igne ginauna king mala funei frunidi mare. Iara Lord te chekeni igne!

Thakle 7:14

Iara ne cheke eghu ka mana, “Mae biꞌo, iara theome lasedi. Iagho ngala te lasedire.” Mana ne cheke eghu ka iara, “Naikno igre neke theome lehe ka papara biꞌo. God neke hata fadelei nakhibodire naugna Lam na neke thofa dadaragna na neke lehe. Eghume gognaro na mare klino fara ke ulugna God.

Profet Esikiel 5:9

Naugna te edi koba ghotilo glepo te diꞌa te theome magnahaghedi iara igre, iara ginauna eni ka ghotilo unha teke theome eni iara tifa na, na para ghami fara ghotilo, eghuteuna iara ginauna nake theome eni igne ke leghu na.

Profet Daniel 7:10

Eghuteuna khaꞌaghi te jifla mei ka sape nafnakno igne loloro jateula khoꞌu eghu. Eghuteuna kmana thogha naikno te theome tangomana te kahadi re kegra ke ulugna Mana. Eghuteuna kehare tothora nodi bukare tarabana mala fate.

Profet Joel 2:2

Narane igne ginauna kafe romno soru, eghuteuna maloa igne ginauna thafru ka gromno. Aonu kaisei tothoghei cheche ginauna mei toku tafru vido te gnafa jateula kaisei armi eghu ke kligna thogele, ba jateula gromno te haghe te toku naprai na ra eghu. Theo kaisei glepo jateula igne teku tifa na, eghuteuna theo kaisei glepo nate jateula igne teu ginauna.

Profet Malakai 3:16

“Ke leghu na, naikno te ghatho tahuni Lord igre ginau cheke fari thedi, eghuteuna Lord ginauna fanomho ka unha te chekedi nogna naikno te ghatho tahuni Lord igre, nei mhaghu teu igre ginauna rioriso soru ka buka mala ghathodiu.

Profet Jeremaea 30:10

“Eghume, ghotilo vikegna Israel, nogu naikno gloku iara ra ghotilo thosei mhaghu. Iara ginauna atha fapulo ghami ghotilo ka kantri te tei au sneka teu ghotilo igne. Uve, iara ginauna atha fajifla ghami ghotilo ka vido aheva te funei fruni ghami teu mae naoka igre. Ghotilo ginauna nake pulo mei ka nomi thofno namono na mala ke au fakeli nei au ka pharikeli. Theo kaisei naikno nate goigoni ghami ba famamhaghu ghami teu ghotilo ginauna. Theo.