Profet Daniel 11:8 - Buka Blahi Ka Cheke Holo

⁸ Mana ginauna hata nodi mumuju god mare re, baludi keha glepo teke horo mare ka gol nei silva eghu teke fafara mare ka mumuju god igre, ne hata ne tei Ijep. Keha finogha, phei kantri igre ginauna na theome magra.

Profet Daniel 11:8 ပူးပေါင်းရင်းမြစ်များ

Profet Isaia 37:19

Eghuteuna mare gnubra fahui nodi god naiknore ka khaꞌaghi, nu god igre theome tutuani, naugna neke horo kolho naikno ka gaju nei thina eghu.

Profet Hosia 13:15

Vikegna mae Ifreim igre la kmana fara salaꞌudi keha vike te gnafa Israel igre. Nu iara ginauna na kuru meini kaisei nuri biꞌo te brana fara funu ka namono nagou ke maghati. Eghuteuna khoꞌu seu igre ginauna na kafe krango. Eghuteuna nuri igne ginauna na hata tei nodi glepo te keli mae igre delei.

Profet Hosia 8:6

Kaisei maegna Israel neke eni mumuju god igne. Eghuteuna glepo teke eni mana igne theome God tutuani. Iara ginauna na puri nguanguja mala vuhai nakrofu mumuju tuana.

Profet Daniel 10:3

Iara theome ghamu kaisei gano te keli, ba ghamu kaisei nafnahi, ba koꞌu kaisei waen. Eghuteuna iara jaola theome ghiha oel ka thinigu na mala famane siri keligu.

Profet Jeremaea 46:25

Igne nogna cheke Lord mae ihei te au nolaghi fateote'o, nodi God mae Israel. Mana ne cheke eghu, “Theome raugha iara ginauna mei mala parani god Amon, nodi god naikno te au ka namono biꞌo Tebes. Eghuteuna iara ginauna na jaola paradi naikno te gnafa Ijep, balu nodi king, nodi god, mae biꞌo nei iheire fateo te au ke parigna king.

Profet Isaia 2:16

Mana ginauna jaola fapluludi vaka biꞌo mala luja kako, nei keha nafnata vaka langau.

Jajis 18:24

Aonu Maeka ne cheke eghu, “Ghotilo laseni unha te jafra na! Ghotilo hata nogu pris iara na baludi mumuju teke horo iara ra. Iara theo kaisei glepo te salaꞌu na!”

Diutronomi 12:3

Ghotilo mala paꞌe sukha nodi olta re, eghuteuna goigoni nodi mumuju thina re. Eghuteuna ghotilo gnubra ka khaꞌaghi mumujugna god gaꞌase Astarot, eghuteuna kato sukha mumujudi nodi god re. Eghuteuna ghiha koko nanghadi nodi god re ka vido tuare mala theome tangomana kaisei naikno na teke ghathodi re.

Naba 33:4

Ka narane tuana, naiknodi Ijep gre ne giugilu mae thudi nalhaꞌu teke kulu karha teke falehe Lord mala paradi nodi god naiknodi Ijep ia.

Eksodas 12:12

“Ka bongi igne iara ginau na tei ka vido te gnafa Ijep igre mala falelehe goro mae sua nalhaꞌu teke kulu karha ka mae Ijep gre, nei nodi sua dongki, hose, kamel, buluka, sipu nei nanigot teu mare teke kulu karha are eghu. Iara ngala Lord na, iara ginau na paradi fara nodi mumuju god te pogho sorudi maedi Ijep are.

Jenesis 31:30

Iara lase nigho iagho magnahaghei te jifla koko ghau iara mala ke pulo ka namono aheva teke karhamu na teuna. Nu naugna unha sagho te rikha balumu nogu mumujura te mala reireghi gna nogu suga ia?”

Profet Daniel 11:9

Ke leghugna igne, king gna Siria ginauna tei magra Ijep. Nu mana ginauna nake pulo ka nogna kantri na.

Fapea Samuel 5:21

Maedi Filistia igre rikha ne lisei faleghu nodi mumujure Baal Perasim. Aonu mae Devet baludi nogna soldia re hata mumuju igre ne tei baludi.