Profet Daniel 11:4 - Buka Blahi Ka Cheke Holo

⁴ Nu kate nheta te salaꞌui na, nogna kantri na ginauna fnota ka fati vido. Keha fati mae king delei ngau nate funei frunidi fati vido igre, nu mae igre theome mei ka vikegna mana, eghuteuna mae igre theo nodi nolaghi jateula mana eghu.

Profet Daniel 11:4 ပူးပေါင်းရင်းမြစ်များ

Profet Daniel 8:22

Eghuteuna fati hona te kegra tughuni hona ululahu te klopa igne, tuana eigna kantri Gris igne ginauna fnota ka fati vido. Eghuteuna fati king igre ginauna funei fruni ka fati vido ke lamnagna kantri igne, nu mae igre ginauna na theome rheta jateula mae king teke kulu funei ke uludi mae igre eghu.

Profet Daniel 8:8

Aonu nanigot igne ne faheaheta fara. Nu kate biꞌo te biꞌo puhi faheaheta na, hona biꞌo igne ne klopa. Keha fati hona majaghani neke kegra haghe ka vido teke augna na. Fati hona igre ne filo tei ka soasopaigna vido, kaisei ke raru, kaisei ke mata, kaisei ke maghati nei kaisei ke mosu.

Profet Jeremaea 12:17

Jame te eghu mare na, mare tangomana te mala kaisei ka nogu naikno iara igre. Nu jame te tirodi fanomho nei leghu ghau iara teu mare na, iara ginauna atha fajifladi gnafa mare. Iara Lord te chekeni igne!”

Profet Daniel 7:8

“Kate filo teu iara ka nabotho hona igre, iara ne filoni kaisei hona ikoi ne kotu haghe fari hotei keha hona re. Hona majaghani igne ne kegra haghe ne hata koko thilo hona teke kulu au ra. Eghuteuna hona majaghani igne au tatha naikno, eghuteuna foflogna na cheke fahaehaghe nei pala hagheni nanghagna thegna na.”

Profet Daniel 7:2

Mae Daniel ne cheke eghu, “Ka mifi igne, iara ne filoni kaisei nuri gna kligna te ghaghafa mei ke maghati, ke mosu, ke raru nei ke mata, ne malu thongna na.

Profet Jeremaea 18:7

Jame keha fata iara cheke ka naiknogna kaisei kantri, eghuteuna iara ginauna roꞌe soru nodi namono mare igne, eghuteuna iara ginauna goigonidi mare.

Profet Jeremaea 12:15

Nu ke leghu na, iara ginauna nake kokhonidi, eghuteuna iara ginauna nake atha fapulodi ka nodi namono re.

Luku 12:20

“Nu God ne cheke eghu ka mae tuana, ‘Iagho mae meomekro! Bongi na iagho na lehe. Keha mae ngau nate hata gobigna lepo teke tarabana iagho malamu themu teku igre!’

Matiu 12:25

Mae Jisas ne lasedi unha te au kau nagnafadi mae Farasi gre, ne cheke eghu ka mare, “Jame naiknogna kaisei namono mare magra fari thedi, namono tuana ginauna groꞌe kolho. Jame kaisei tharakna ba naiknogna kaisei namono biꞌo mare magra fari thedi, mare ginauna na theome au fakeli kolho.

Profet Daniel 7:6

Kate filo teu iara na, iara ne filoni fatilo glepo na ne jifla mei. Glepo igne kaisei khurau biꞌo jateula lepad eghu, nu au fati baghi ka thagrugna na, jateula baghi nanghaji eghu. Glepo igne au fati phaꞌugna, eghuteuna au nolaghi te mala funei frunidi gobigna lepo fateote'o.

Profet Jeremaea 45:4

Ghema Baruk, Lord na cheke ranghi ghau iara mala toutonu ka iagho nogna cheke mana igne: Iara ginauna paꞌe soru unha teke babana haghe iara igre, nei atha fadelei unha teke joꞌu iara igre, heva heva ka kantri Juda.

Profet Jeremaea 31:40

Eghuteuna glogu ke mata na mala koko thinidi naikno te lehe nei mala koko nakrofu khaꞌaghi, eghuteuna ka nagare ke holo Glogu Kedron te tei posa ke maghati Grengatha Hos, vido igne thofno blahi fara ka iara Lord. Eghuteuna namono igne ginauna na theo ihei nate roꞌeni ba nate goigoni ni na.”

Eklesiasti 4:8

Jame kaisei mae au sopa thegna, mae igne theo thabusigna, ba thugna, nu leuleghu narane na mana loku heta fabrahu theome gnafa kaisei narane, naugna mana magnahaghei sileni biꞌo. Nu mae igne theome ghusna eghu ka thegna, “Mala toghoni ihei si gloku biꞌo te edi iara leuleghu narane te theome gnafa igrea?” Nafnata puhi te eni mana igne thofno diꞌa fara nei theo nafugna eghu kolho.

Nodi Khoje Hatimare Mae Jiu 39:6

“Nakarhagna naikno na jateula naungo gaju eghu kolho. Gobigna lepo te magnahaghei mana te loku brana di mana re na ari theo nafudi kolho. Eghuteuna unha te salo fodu mana malagna thegna teure tahati theome laseni ihei nate khotodi ginau re.

Thakle 7:1

Ke leghugna igne, iara ne filodi fati engel kegra neu ka fati sulukhugna nauthoglu gne. Mare kegra fanogradi fati nuri ka nauthoglu gne mala thosei ghaghafa mei ka namono ba gaju ba ka nhorora.

Profet Jeremaea 49:36

Iara ginauna kuru mei naoka funu ke raru, ke mata, ke maghati nei ke mosu mala mei roꞌedi mare. Igne ginauna mei jateula nuri biꞌo eghu ka mare. Eghuteuna nuri biꞌo igne ginauna pala tafridi mare tei ke raru, ke mata, ke maghati, nei ke mosu eghu ka nauthoglu igne.

Profet Esikiel 37:9

Lord ne cheke eghu, “Maegna ka nauthoglu. Iagho mala cheke eghu ka nuri, ‘Lord God cheke ranghi nigho iagho mala ghaghafa mei ka vido te gnafa ke maghati, ke mosu, ke raru, ke mata eghu mala phanga lao karha na ka nhubra igre, mala ke karha fapulo mare.’ ”

Profet Sekaraea 2:6

Lord ne cheke eghu ka nogna naiknore, “Rikha mei! Jifla jare, naugna iara neke khi ghami ghotilo mala rikha tei Babilonia mala au tafri ka vido te gnafa.

Profet Sekaraea 6:5

Mana ne cheke eghu, “Gaoghathogna na, igre fati nuridi kligna te jifla mei funu ka Lord mae ihei te mae Funei gna nauthoglu igne.