Profet Daniel 11:36 - Buka Blahi Ka Cheke Holo

³⁶ “King gna Siria ginauna leghuni unha te ghathoni thegna na. Mana ginauna cheke fahaehaghe nei fafnaknoni eghu thegna salaꞌuni God mae ihei te fnakno ke klignadi god fateote'o. Mana ginauna eni fabrahu puhi igne ghilei thoke mei narane teke vahini God te mala parani mana na. Eghuteuna God ginauna eni unha teke ghathoni mana na.

Profet Daniel 11:36 ပူးပေါင်းရင်းမြစ်များ

Fapea Tesalonika 2:4

Mana ginauna cheke fadiꞌadi gobigna lepo te tufru sorudi naiknore balu nodi thua nafnata god. Eghuteuna ginauna mana na ghatho tahuni thegna jateula kaisei mae te uludi gobigna lepo te tufru sorudi naikno igre eghu, eghuteuna mana ginauna tei gnokro lamna nogna Sugablahi God eghuteuna mana na chekeni te mana ngala God na.

Profet Daniel 8:19

Eghuteuna mana ne cheke eghu ka iara, “Iara ginauna falalase ka iagho unha nate thoke mei ginauna, naugna God na diꞌatagna fara. Mifi te filoni iagho igne thotoghale eidi gobigna lepo fateote'o igre ginauna hui ka narane leghu lahu na. Gobigna lepo igre ginauna thoke mei jateula teke filodi iagho ka mifi na igne eghu.

Diutronomi 10:17

Lord nomi God ghotilo igne, mana God frunidi god te gnafa nei Lord frunidi Lord te gnafa teu igre. Mana Thofno God mae ihei te au nolaghi fateote'o eghuteuna naikno te gnafa ka nauthoglu igne mhaghuni mana. Kate fateni ihei na, mana theome tangomana te phile ka ihei, eghuteuna mana theome tangomana te hata sileni ka ihei te mala theome fate ka puhi te doglo.

Profet Daniel 11:16

King gna Siria balu nogna armi ginauna eni kolho unha te magnahagheni thedi na, eghuteuna theome tangomana kaisei naikno te fanogradi mare na. Mana ginauna mei ruma haghe lamna namono Israel, eghuteuna mana ginauna au nogna nolaghi te mala goigonini namono igne.

Profet Daniel 2:47

Mana ne cheke eghu ka mae Daniel, “Tutuani fara, nou God iagho igne haghe fara salaꞌudi keha god te gnafa te tufru sorudi ghehati igre. Mana nodi Lord hatimare mae king te gnafa igre. Eigna Mana tangomana te fakakhana gaoghathodi gobigna lepo te poru ka iara igre. Gognarona iara laseni igne, naugna iagho la rurutha la thofno glola fakeli ka iara.”

Profet Isaia 14:13

Iagho cheke eghu ka gaoghathomu themu na, ‘Iara ginauna haghe kligna! Iara ginauna fakegra haghe nogu sape nafnakno na ke klignadi nogna nathunu God ka maloa na are. Eghuteuna iara ginauna gnokro ka sape nafnakno igne ke kligna thogele blahi aheva keha god are nate salo fodu mei tagna.

Profet Isaia 10:25

Na theome raugha, diꞌatagu iara ka ghotilo igne ginauna ari gnafa. Iara ginauna nake figri nake paradi maedi Asiria, naugna iara ne diꞌatagu fara ka mare.”

Nodi Khoje Hatimare Mae Jiu 136:2

Lord God na mae biꞌo fara salaꞌudi god te gnafa, nei mae funei te gnafa teu ka nauthoglu igne. Mana ne namha ghita tahati tifa tifa.

Thakle 17:17

Mare na eni igne, naugna God neke lilisei gaoghatho tuana ka nagnafadire, nei mala eni mare unha te magnahagheni mana na. Mare ne kaisei gaoghatho ne mala snakre lao ka bosu na nodi nolaghi te mala funei fruni na. U bosu na ginauna funei frunidi naiknore ghilei thokeni narane God nate roꞌeni namono Babilon jateula teke chekeni mana tifa ia eghu.

Thakle 17:3

Aonu nogna nolaghi Tharunga te Blahi na ne mei ka iara eghuteuna engel na ne baubatu ghau iara ne tei ka kaisei namono nagou. Ka vido tuana iara ne filoni kaisei gaꞌase gnokro neu ke kligna gna kaisei bosu te ukru fara thinigna na. Bosu igne iko tongana nangha lausasaba ka thinigna na. Nangha igre thofno cheke faparini God. Eghuteuna aula fitu pha'u nei nabotho honagna.

Thakle 12:14

Nu God ne tusu ranghini naꞌa phei baghi gaghata mala tangomana naꞌa te flalo te tei ka namono nagou te khaba ka pholi biꞌo na. Jare ka vido tuana mare ginauna reireghi fakelini naꞌa thilo finogha namno nhigra.

Mae Khuru 4:28

Iagho la kulu ghathonihi unha te mala eni na, naugna iagho au nolaghi biꞌo. Eghuteuna naikno igre ne fathokeni ngala nou gaoghatho iagho na, ne horoghoto fara ka unha teke magnahagheni iagho na.

Jone 6:38

Naugna iara neke mei funu kligna mala edi unha te magnahaghedi mae Mama mae ihei teke kuru mei ghau iara na theome mala edi unha te magnahaghedi iara thegu re.

Jone 5:30

Iara theome tangomana te eni kaisei glepo leghuni u nogu gaoghatho thegu na. Iara tangomana te fateni naikno na leghuni unha te chekeni mae Mama na. Eghume unha te fatedi iara naiknore thofno doglo fara, naugna iara theome fariuriu loku leghudi kolho unha glepo te magnahaghedi iara thegu re, nu iara loku leghudi kolho unha glepo te magnahaghei mae teke kuru mei ghau na.

Profet Daniel 12:7

Aonu mae te kegra teu ke mata khoꞌu igne ne ngafa haghe phei khamegnare ka maloa na ne nhaꞌa cheke ka nanghagna God mae ihei te karha te tifa igne. Iara ne nomhini mana te cheke eghu na, “Glepo igre ginauna na theome tughu nabagna thilo finogha namno nhigra. Kate theo nodi nolaghi nogna naikno God igre te mala magra na, glepo igre ginauna na jaola ari gnafa.”

Profet Daniel 11:3

Ke leghu, kaisei mae king gna Gris te nheta fara ginauna kegra haghe. Mana ginauna funei frunidi kmana kantri, eghuteuna mana ginauna na edi gobigna lepo te magnahagheni thegna re.

Profet Daniel 8:4

Sipu nalhaꞌugna igne tei ne magra ke mosu, ke raru, nei ke mata. Theo kaisei glepo te tangomana te kegra fothini, ba te rikhani na, naugna naꞌa thono heta fara. Mana eni kolho unha te magnahagheni thegna na.

Profet Daniel 7:8

“Kate filo teu iara ka nabotho hona igre, iara ne filoni kaisei hona ikoi ne kotu haghe fari hotei keha hona re. Hona majaghani igne ne kegra haghe ne hata koko thilo hona teke kulu au ra. Eghuteuna hona majaghani igne au tatha naikno, eghuteuna foflogna na cheke fahaehaghe nei pala hagheni nanghagna thegna na.”

Profet Daniel 4:35

Naikno te gnafa ka nauthoglu igne theome glepo ulu ka tathagna mana na. Tothoghei engel te gnafa te au kligna nei naikno te gnafa te au ka nauthoglu pari igne au kolho ke parigna nogna nolaghi mana. Theo kaisei naikno ka nauthoglu igne te kegra fothini mana na, jaola theo kaisei naikno tangomana te ghusna eghu ka mana na, ‘Unha gne te eni iagho na?’

Profet Isaia 46:10

Funu tifa te mei na, iara neke chekedi unha nate thoke mei na. Funu tifa na iara neke chekenihi unha nate thoke mei ke leghu na. Uve, nogu gaoghatho iara na ginauna thoke mei tutuani, eghuteuna iara ginauna edi unha glepo te magnahaghedi iara re.

Profet Isaia 26:20

Ghotilo nogu naikno iara ra! Ghotilo ruma lamna ka nomi sugare eghuteuna bobotho grengatha re! Ghotilo tei poru katha vido mala ghilei gnafa te diꞌatagna Lord igne.

Proveb 19:21

Naiknore tangomana te gaoghatho te mala edi kmana nafnata glepo. Nu glepo te ghathoni Lord mala eni teu igne ngala nate kegra na.

Nodi Khoje Hatimare Mae Jiu 33:10

Lord na rorhoꞌe nodi groghei hatimare mae bongihehe re. Mana theome snakredi mare te eni unha te vaovatoni mare na.

Josua 22:22

“Lord kolho te thofno God na! Lord, God mae ihei te au nolaghi fateote'o igne, mana tangomana te lasedi unha te edi ghehati re! Eghuteuna ghotilo tangomana te laseni jame te huhughuni ghehati Lord, nei theome fatutuani ni mana teuna, jame te keli na ghotilo falehe ghami ghehati kolho!

Fapea Tesalonika 2:3

Thosei snakreni kaisei naikno me chaghi ghami, naugna narane meigna noda Lord Jisas Kraes na theome tangomana te mei ghilei thoke mei narane kmana naikno nate figri tagruni God. Eghuteuna mae tuana mare kiloni mana, “Mae mala huhughuni vetula,” mana na kulu meila. God ginauna roꞌeni mae te diꞌa tuana.

Fapea Tesalonika 2:8

Ke leghugna igne, mae mala huhughuni vetula na ginau thakle mei. Noda Lord Jisas ginauna faleheni mae tuana ka phaphanga te jifla mei ka foflogna. Uve, ka narane pulo meigna mae Jisas na, nogna nolaghi biꞌo mae Jisas na ginauna siasigla mei mala roꞌeni mae tuana.

Thakle 13:1

Ke leghu na iara ne fapea fata filoni bosu na ne thakle ka nhorora na. Bosu tuana au fitu pha'ugna nei nabotho honagna. Ka honagnare kafe au khepi nafnakno nei ka pha'ugnare jaola au teke rioriso mare nangha te thofno cheke faparini God.

Profet Esikiel 35:13

Iara neke nomhidi ngala kani teke cheke fahaehaghe nei cheke fadiꞌa ghau iara teu ghotilo ra.

Profet Daniel 5:19

Mana neke kaisei mae biꞌo fara. Eghuteuna naikno ka kantri te gnafa, ka kokholo te gnafa nei ka cheke te gnafa teu igre neke mhaghuni mana. Jame te magnahaghei faleheni ihei na, mana ginauna faleheni naikno tuana. Jame te magnahaghei fakarhini ihei na, mana ginauna fakarhini naikno tuana. Mana au nogna nolaghi te mala nhaꞌa hagheni ihei, ba te mala nhaꞌa faparini ihei.

Profet Daniel 5:20

Nu mae kuꞌemu iagho igne kaisei mae fahaehaghe fara, eghuteuna patugama fara, eghuteuna mana paradi koba naiknore. Naugna igne, God neke hata fadelei ka mana nolaghi te mala funei frunidi naiknore. Eghuteuna theo kaisei naikno te ghatho tahuni mana na.

Profet Daniel 11:37

King igne ginauna theome ghathodi keha god teke pogho sorudi mae kuꞌegna tifa ra, ba god teke namhadi fara goro gaꞌase ra. Mana ginauna na theome ghatho tahuni kaisei god delei, naugna te ghathoni mana na, mana thegna ngala te fnakno kligna lahu ka keha god te gnafa igre.

Profet Isaia 10:5

Lord ne cheke eghu, “Kokhoni ni fara kantri Asiria! Iara ginauna kilodi mare mala jateula nogu khodo eghu mala aknu falehe ghami ghotilo naiknomi Juda ghe Israel.

Profet Isaia 14:14

Iara ginauna haghe ke kligna khoveo, eghuteuna iara ginauna kaisei nanaba balugna God mae ihei te thofno haghe fara!’

Profet Isaia 30:33

Lord tarabanahi kaisei glave biꞌo mala horo khaꞌaghi mala gnubrani king biꞌogna Asiria. Glave igne mamhara fara, eghuteuna mare tarabanahi kmana gaju jare. Eghuteuna Lord ginauna phanga mei khaꞌaghi brana. Naugna phaphanga gna Lord na brana fara jateula khaꞌaghi eghu.

Profet Isaia 57:9

Leuleghu fata na ghotilo ghiha oel te famane siri keligna ka thinimi re mala tei tarai ka god Molek. Ghotilo kurudi nomi mae glokure mala tei ka keha kantri te khaba delei mala hiro mumuju god mala tarai tadi. Neubane ka Beku mare jaola tei hiro mei tagna.

Profet Esikiel 28:2

“Maegna ka nauthoglu. Cheke ranghini mae funei gna Taea iara Lord God te cheke igne: Iagho kaisei mae fahaehaghe fara cheke eghui, ‘Iara jateula kaisei god eghu, eghuteuna iara gnokro ka chea ka nogu nolaghi, aheva thongna te faligoho ghau iara. “ ‘Nu neuba iagho ne cheke eghu, iara jateula kaisei god eghu sia neu, iagho kaisei maemu ka nauthoglu igne kolho, eghuteuna iagho theome kaisei god.

Profet Sekaraea 11:16

Glepo igne kaisei fagaglana eigna iara ginauna lilisei kaisei mae te diꞌa mala reireghi sipu mala funei frunini glose igne. Mae tuana ginauna theome reireghidi kolho sipu te tei ka vido te mala lehe tagna na, ba hirodi sipu te tei tafri. Mana ginauna theome toghodi sipu te thubu, ba tufa gano ka sipu majaghani. Nu mana ginauna aknu falehe sipu te famane mala ghamu, nei jaola atha koko tathabla dire.