Profet Daniel 11:32 - Buka Blahi Ka Cheke Holo

³² King ginauna famaemahedi iheire te theome thofno fatutuani mala figri tagruni God. Nu naikno te leghuni puhigna God te doglo na ginauna kegra heta na theome leghuni nogna cheke mana na.

Profet Daniel 11:32 ပူးပေါင်းရင်းမြစ်များ

Ululahu Kronikols 28:9

King Devet ne cheke eghu ka Solomon, “Thuguo, ghatho tahuni Lord noda God. Iagho mala thofno leghuni mana, nei iagho mala sasaꞌa fara mala edi nogna gloku mana re. Lord na lasedi gaoghathoda tahatire, eghuteuna mana lasedi fara gobigna lepo te magnahaghedi tahati re eghu. Jame te hironi mana iagho na, iagho ginauna tangomana te filoni mana na, nu jame te figri tagruni iagho mana na, mana ginauna figri tagru nigho iagho fabrahu.

Nodi Khoje Hatimare Mae Jiu 9:10

Naikno te lase nigho re mare ginauna na fatutuani nigho. God, thosei figri tagrudi naikno te mei ka iagho te mala toghodi iagho re.

Jone 17:3

Eghuteuna karha fei tifa igne gaoghathogna na naiknore mala lase nigho, iagho kaisei God ngala te tutuani, eghuteuna naiknore mala lase ghau la iara mae Thumu Jisas Kraes, mae teke kuru mei iagho kau nauthoglu igne.

Profet Sekaraea 10:12

Iara ginauna toghodi nogu naiknore mala rheta ka nogna nolaghi Lord, mala kilo fnakno ghau iara nei leghu ghau iara fabrahu. Iara Lord, te chekeni igne!”

Profet Jeremaea 31:34

Ginauna na theo kaisei naikno nate farirhiuni kheragna ba thabusigna na ka puhi te cheke eghu igne, ‘Ghotilo mala laseni Lord!’ Naugna ka narane tuana, naikno te gnafa igre ginauna lase ghauhi iara, neuba ihei ne fnakno ba theo. Iara ginauna atha fadelei thua glepo te diꞌa teke edi mare re, eghuteuna iara ginauna nake theome ghathodi nakhibodire.” Igne chekegna Lord.

Ululahu Jone 5:20

Eghuteuna tahati lasenihi Thugna God ne mei tusu ranghi ghita glalase mala laseni tahati thofno God. Eghuteuna tahati au balugna mae ihei te tutuani, tulao balugna mae Jisas Kraes. Mana thofno God nei mae ihei te tusu ranghi ghita u karha fei tifa na.

Profet Malakai 4:2

Nu ghotilo naikno te ghatho tahuni nanghagu iara na igre nogu nolaghi iara na ginau soru mei ke klignami ghotilo jateula naphaegna naprai te agha soru mei funu klignara eghu mala fablahi ghami ghotilo. Eghume, ghotilo ginauna na snagla nomi nei glealeꞌa nomi eghu, jateula sua buluka te jifla balu glealeꞌa ka bara na te ghasa tafri ra eghu.

Proveb 26:28

Mae te chaghi na tirognadi naikno te goigonini re. Cheke te mamahe na goigonidi gobigna lepore.

Proveb 19:5

Te chaghi ka fate na, iagho ginauna au papara. Te chaghi fabrahu na, iagho ginauna theome snagla.

Thakle 6:11

Aonu mare ne tusu lao pohe vegha ka mae tharunga te gnafare, ne cheke eghu, “Ghotilo mala ofou katha vido kmoꞌei. Naikno khiloau te gnafa teke loku jateula ghotilo teu igre ginauna jaola na lehe jateula nomi mae naoka ghotilo teke falehe ghami ghotilo tifa ra eghu. Eghuteuna God ginauna nake foli fapulo ka mare nakarhami ghotilo te gnafare. Nu ulu lahu na ghotilo ofou ghilei kafe lehe naikno khiloau gre.”

Profet Daniel 11:21

Mae igne neke cheke eghui ka iara, “Aonu, kaisei mae ginauna kegra king ka kantri Siria. Mae igne kaisei mae thono diꞌa fara puhigna na. Eghuteuna mana jaola theo nogna nolaghi te mala funei frunidi naiknore. Nu mana ginauna edi kmana nafnata cheke chaichaghi nei fahaehaghe eghu mala kegra king ka vido narane te theome tangomana kaisei naikno te laseni.

Profet Daniel 11:34

Nu kate aknu falehedi koba king nogna naikno God igre na, katha vido thotogho kolho nate mei ka mare na. Neubane kmana naikno te ruma mei ka nogna naikno God igre na, nu kehare chaichaghi kolho.

Nehemaea 4:14

Iara filodi naiknore ne mhaghu nodi fara, aonu iara ne eha fabiꞌo ka mae biꞌo, nei ka mae mala baubatu, nei ka keha naikno ka namono na, ne cheke eghu ka mare, “Tore! Ghotilo thosei mhaghudi mae naoka gre! Ghathoni noda Lord mae ihei te au nolaghi fateote'o, nei haghe fara! Tahati kegra haghe mala magra fanogradi mae naoka gre mala theome tangomana mare te mei goigonidi kherada, nei thuda, nei khetoda, nei noda suga la teu igre!”