Profet Daniel 11:30 - Buka Blahi Ka Cheke Holo

³⁰ Naugna soldiadi Rom ginauna mei ka vaka mala magra ka mana ginauna thono mhaghu nogna fara ne figri neke pulo. Naugna igne, mana ginauna na thono diꞌatagna fara. Eghume, mana nake pulo magridi nogna naikno God re, eghuteuna fariu riu goigoni ni puhi te mala pogho soruni God na. Eghuteuna mana ghatho tahudi naikno te diꞌa tela kokohi puhi te keli te mala tufru soruni God na.

Profet Daniel 11:30 ပူးပေါင်းရင်းမြစ်များ

Jenesis 10:4

Thugna mae Java re neke mae Elisa, mae Tarsis, nei naikno te au ka moumolu Saeprus nei moumolu Rodes.

Naba 24:24

Mare ginauna jifla mei funudi ka moumolu Saepras. Eghuteuna mare ginauna mei goigonidi naiknodi Asua nei vikegna Heba. Nu ke leghu, mare jaola ginauna groꞌehi.”

Profet Daniel 11:28

King gna Siria ginauna hata gobigna lepo teke uludi ka magra na. Eghuteuna ka puhi igne, mana jaola magnahaghei te goigoni nodi puhi te mala pogho soruni God naiknore. Mana ginauna edi kolho unha te ghathodi thegnare, eghuteuna gnafa teuna mana ke figri ka nogna kantri na.

Profet Jeremaea 2:10

Ghotilo atha vaka tei ke mosu Saeprus mala laseni puhidi mare na. Ghotilo neke kuruni kaisei mae neke tei ke maghati kantri Keda mala filoni puhidi mare na. Ba, unha nafnata puhi te keli nate tei filoni ghotilo jare na?

Profet Isaia 23:12

Lord ne cheke eghu, “Ghotilo naiknomi Saedon ra! Tifa na ghotilo neke glealeꞌa nomi fara, nu nomi narane te keli ghotilo tura la gnafahi. Gognarona ghotilo au ke parigna nodi nolaghi nomi naoka ghotilo are. “Eghuteuna jame te magnahaghei rikha ghotilo na, neubane tei posa ghotilo Saepras, nu ghotilo ginauna theome au fakeli kolho.”

Profet Isaia 23:1

Igne unha nate thoke mei ka namono biꞌo Taea. Ghotilo mae te loku ka vaka ra, ghotilo tanhi nei diꞌanagnafa eghu, naugna nomi namono ghotilo igne la groꞌehi ka mae naoka, eghuteuna theo kaisei suga te kegra teu ka namono Taea. Ghotilo ginauna filoni igne kate pulo mei funu ka moumolu Saeprus.

Thakle 12:12

Naugna igne, kligna nei ghotilo hui te au jare ra mala kafe gleale'a! Nu nauthoglu nei nhorora teura fiofilo ghami! Naugna mae Satan, mae funeidi naitu te gnafare neke soruhi ka ghotilo. Mana thono diꞌatagna fara, naugna mana lasenihi te kmo'e farahi nogna narane te mala baubatudi naikno te gnafare ka nakhibo.”

Matiu 24:10

Ka narane tuana kmana naikno teke fatutuanire ginauna nake theome fatutuani. Mare ginauna majora fari thedi, eghuteuna kehare ginauna theome magnahaghedi kehare.

Profet Daniel 7:25

Eghuteuna king igne ginauna cheke faparini kolho God mae ihei te fnakno ka maloa kligna igne, nei jaola goigonidi fara nogna naikno mana re. Mana ginauna na fariu riu tuthughu vetula nei narane biꞌo mala tarai teu igre. Eghuteuna nogna naikno God igre ginauna au ke parigna nogna nolaghi mana nabagna thilo finogha namno nhigra.

Profet Esikiel 27:6

Mare neke horo nou gorha iagho re, ka famane gaju funudi Basan, eghuteuna mare neke horo nou dek iagho na, ka gaju saepras funudi ka moumolu Saepras, eghuteuna lalaoni nou dek iagho na ka kheꞌi elefant.

Nehemaea 6:12

Ke leghu na iara neke ghatho fakelini cheke igne eghuteuna iara laseni God neke theome chekeni igne ka mae Semaea. Theo. Mae Tobaea ghe mae Sanbalat neke folini mana mala eni mana cheke igne ka iara.

Ululahu Kronikols 1:7

Eghuteuna kokholo gna mae Javan re, neke mae Elisa, nei iheire te au Spen, Saepras nei Roj.

Profet Daniel 11:29

“Ka narane teke vavahi God igne, king gna Siria ginauna nake tei magra Ijep. Nu ka narane tuana mana ginauna na theome uluni magra na jateula teke ululahu ia teuna.