Profet Daniel 11:29 - Buka Blahi Ka Cheke Holo

²⁹ “Ka narane teke vavahi God igne, king gna Siria ginauna nake tei magra Ijep. Nu ka narane tuana mana ginauna na theome uluni magra na jateula teke ululahu ia teuna.

Profet Daniel 11:29 ပူးပေါင်းရင်းမြစ်များ

Mae Khuru 17:26

Vike te gnafa te au ka nauthoglu thongana igne neke fufunu mei ka kaisei mae ngala eghuteuna God tusu ranghidi soasopaigna nodi vido glose te mala au na ke lamnagna u nauthoglu igne. Mana la kulu lilisei naranedihi te mala karha ba te mala lehe na, ba ka vido glose aheva te mala thuru sorudire.

Profet Daniel 11:25

“Mae king igne ginauna kegra heta balugna kaisei armi biꞌo mala magra ka king gna Ijep. Nu king gna Ijep igne ginauna tarabana kaisei armi biꞌo te rheta tulao mala magra ka king gna Siria.

Profet Daniel 11:23

Neuba mana ne funei frunini kaisei kantri ikoi, mana fofodu fakeli baludi keha mae ka keha kantri are. Nu mana ginauna chaghidi fara mare, naugna mana magnahaghei te au nogna nolaghi biꞌo.

Profet Daniel 10:1

Ka fatilo finogha te mei King Saerus funugna ka kantri Pesia te funei ka kantri Babilonia, God ne tusu mei kaisei nonomho ka iara. Nonomho igne thofno tutuani fara, nu thofno ninhigrana fara te laseni na. Gaoghathogna cheke teke tusu mei God ka iara igne ne thakle mei ka iara ka kaisei mifi.

Profet Daniel 8:19

Eghuteuna mana ne cheke eghu ka iara, “Iara ginauna falalase ka iagho unha nate thoke mei ginauna, naugna God na diꞌatagna fara. Mifi te filoni iagho igne thotoghale eidi gobigna lepo fateote'o igre ginauna hui ka narane leghu lahu na. Gobigna lepo igre ginauna thoke mei jateula teke filodi iagho ka mifi na igne eghu.

Profet Isaia 14:31

“Ghotilo naikno te au ka namono biꞌo Filistia! Ghotilo mhaghu tanhi fabiꞌo! Naugna ghotilo ginauna filoni gagahu biꞌo te haghe ke mosu kate nako mae naokare namono tuana. Eghuteuna mare te gnafa na ghosei tarabana mala jaola mei goigoni ghami ghotilo.”

Galesia 4:2

Keha naiknoi nate reireghini mana nei reireghidi nogna glepo mana re, ghilei thokeni thofno narane teke lilisei mae kmagna na.

Profet Daniel 11:28

King gna Siria ginauna hata gobigna lepo teke uludi ka magra na. Eghuteuna ka puhi igne, mana jaola magnahaghei te goigoni nodi puhi te mala pogho soruni God naiknore. Mana ginauna edi kolho unha te ghathodi thegnare, eghuteuna gnafa teuna mana ke figri ka nogna kantri na.

Profet Daniel 11:30

Naugna soldiadi Rom ginauna mei ka vaka mala magra ka mana ginauna thono mhaghu nogna fara ne figri neke pulo. Naugna igne, mana ginauna na thono diꞌatagna fara. Eghume, mana nake pulo magridi nogna naikno God re, eghuteuna fariu riu goigoni ni puhi te mala pogho soruni God na. Eghuteuna mana ghatho tahudi naikno te diꞌa tela kokohi puhi te keli te mala tufru soruni God na.