Profet Daniel 11:17 - Buka Blahi Ka Cheke Holo

¹⁷ King gna Siria igne ginauna mei balu nogna armi biꞌo mala eni kaisei nhaꞌa cheke te mala loku fodu balugna king gna Ijep. Te mala loku fodu phei kantri igre, king gna Siria igne jaola ne snakreni thugna gaꞌase na mala tolaghi ka king gna Ijep. Mana eni igne mala tangomana mana te au nogna nolaghi biꞌo balugna thugna gaꞌase nate kuin frunini Ijep. Nu nogna gaoghatho mana igne ne theome loku kolho.

Profet Daniel 11:17 ပူးပေါင်းရင်းမြစ်များ

Profet Esikiel 4:7

Eghuteuna iagho ginauna filo tei ka thotoghale gna Jerusalem teke eni iagho ka brik aheva hatimare mae naoka teke kegra falithuinihi, jateula iagho teke diꞌatamu fara ka mare teke kaikaliti mala magra tekuia, nei iagho chekeni nogu cheke iara igne ranghidi naikno te gnafa te au ka namono tuana.

Profet Esikiel 4:3

Aonu, hata kaisei frae pan mala fakegra haghe jateula gringni eghu farihoteimu iagho nei thotoghalegna namono igne. Eghuteuna filo tei ka thotoghalegna namono igne jateula mae ihei te diꞌatagna fara te magra fothini vido te gnafa ra eghu. Iagho mala jateula mae naoka eghu tei faligohoni namono igne, eghuteuna thosei snakredi naiknore mala jifla kosi. Igne fagaglana eidi naiknodi Israel.

Fapea Kings 12:17

Ka narane tuana, King Hasael gna Siria tei ne magra Gat ne hata namono biꞌo tuana. Ke leghugna igne, mana ghaoghatho mala mei snura Jerusalem.

Letas Teke Riso Tei Mae Pol Ka Khiloau Rom 8:31

Eghume faꞌunha eghu tahati chekedire glepo igre? Tutuani, te kafe phile God baluda tahati na, theo kaisei naikno te tangomana te tapla soru ghita na.

Luku 11:23

“Tutuani, mae ihei te theome leghu ghau iara na, mana tirogna ghau iara. Eghuteuna mae ihei te tirogna togho ghau iara te mala hata meidi naiknore ka God na, mana jateula te brue fadeleidi eghu naiknore ka God.”

Luku 9:51

Narane God te mala hata fapuloni mae Jisas kligna na la namohi. Aonu mae Jisas ne thono magnahaghei te kulu tei Jerusalem.

Matiu 12:30

“Tutuani, mae ihei te theome leghu ghau iara na, mana tirogna ghau iara. Eghuteuna mae ihei te tirogna togho ghau iara te mala hata meidi naiknore ka God na, mana jateula te brue fadeleidi eghu naiknore ka God.

Profet Daniel 11:19

King igne ginauna nake figri ka nogna vido mala poru ke lamnagna nogna kantri na. Nu nogna naoka mana na ginauna uluni mana ka magra, eghuteuna mare ne aknu faleheni mana.

Profet Daniel 9:26

Ka gnafadi narane igre, mae te vavahi God igne, mare ginauna faleheni mana ka puhi te theome doglo. Nogna armi kaisei mae king te rheta fara na ginauna ruma mei ke lamnagna namono biꞌo Jerusalem. Mare ginauna mei goigoni namono biꞌo igne balugna nogna Sugablahi God na. Armi igne ginauna mei jateula kaisei nabritha biꞌo te mei goigoni gobigna lepo ra eghu. Magra biꞌo igne ginauna na theome gnafa ghilei thokeni narane leghu lahu na. Glepo igre ginauna thoke mei leghuni unha teke chekeni God na.

Profet Esikiel 25:2

“Maegna ka nauthoglu. Filo tei ka kantri Amon, eghuteuna cheke ranghini nate goigonidi iara naiknogna kantri tuana.

Profet Esikiel 17:17

Eghuteuna nogna soldia king gna Babilonia ginauna mei nali thina nei glose eghu ka pesigna gringni thina Jerusalem, mala bligi ranghidi mare te ruma lamna na. Eghuteuna mare ginauna pulei mei glose falithuini namono igne mala tangomana mare poru ke leghudi glose igre te mala fada falehedi mae naokare. Neuba soldiadi Ijep igre ne rheta fara, nu mare ginauna theome tangomana te toghoni mana te mala magra ka mare na.

Proveb 19:21

Naiknore tangomana te gaoghatho te mala edi kmana nafnata glepo. Nu glepo te ghathoni Lord mala eni teu igne ngala nate kegra na.

Nodi Khoje Hatimare Mae Jiu 56:9

Tutuani, ka narane nate kilo nigho iara na, iagho ginauna na bruedi nogu naoka iara gre mala rikha tei mare delei. Kate filoni iara te rikha mare na iara na laseni iagho togho ghau iara na.

Fapea Kronikols 20:3

King Jehosafat nomhini igne ne mhaghu nogna fara, aonu mana ne tarai ka Lord. Mana ne fatei cheke ka naiknodi Juda mala dangna ka vido narane te mala tarai igre.

Profet Habaku 1:9

Kate kafe mei mare ka magra na, theome tangomana kaisei naikno te kegra fanogradire. Kate mei namo armi igne te mala magra na, naiknore mhaghu nodi fara ne fififri tongana. Leuleghu fata na mae soldia igre hata kmana naikno te theome tangomana kaisei naikno te kahadire.