Profet Daniel 11:14 - Buka Blahi Ka Cheke Holo

¹⁴ “Ka narane tuare, kmana naikno ginauna kegra haghe mala magra ka King Ijep. Eghuteuna keha mae mala ei puhi biꞌo ginauna mei funudi ka nou naikno iagho are mala magra ka king, leghuni kaisei mifi teke filoni mare na. Nu mare ginauna theome tangomana te uluni magra igne.

Profet Daniel 11:14 ပူးပေါင်းရင်းမြစ်များ

Thakle 17:17

Mare na eni igne, naugna God neke lilisei gaoghatho tuana ka nagnafadire, nei mala eni mare unha te magnahagheni mana na. Mare ne kaisei gaoghatho ne mala snakre lao ka bosu na nodi nolaghi te mala funei fruni na. U bosu na ginauna funei frunidi naiknore ghilei thokeni narane God nate roꞌeni namono Babilon jateula teke chekeni mana tifa ia eghu.

Profet Daniel 11:13

King gna Siria igne ginauna nake figri mala tarabana kaisei armi biꞌo te heta fara uluni teke tifa na. Eghuteuna mana ginauna nake pulo mei Ijep balu nogna armi biꞌo nei kmana glepo mala magra.

Profet Daniel 11:15

King gna Siria igne ginauna mei balu nogna soldia mala bara ligohoni kaisei nogna namono rheta king gna Ijep. Eghuteuna mare ginauna lilisei thina balu glose ka pesigna baragna namono na mala tangomana mare te apla te tei lamna te mala hata namono igne. Neuba, mae Ijep igre ne au nodi armi te keli, mare ginauna theome naba te magra ka mare na.