Profet Daniel 10:9 - Buka Blahi Ka Cheke Holo

⁹ Kate nomhini iara naoglagna mana na, iara thabliu phaꞌugu na ne khoko soru pari ka glose na tathagu nei foflogu teure ne thuru iho pari jateula mae tela lehehi ra neu.

Profet Daniel 10:9 ပူးပေါင်းရင်းမြစ်များ

Profet Daniel 8:18

Kate cheke teu mana ka iara na, iara ne iho phaꞌugu na ne thuru pari ka vido tuana ne thuru iho fara. Nu mana loku ka iara ne korho haghe ghau iara.

Thoutonu Eigna Mae Job 4:13

Igne kaisei mifi mei bongiro kate thofno thuru iho teu iara na, eghuteuna iara ne mhaghu nogu fara.

Jenesis 15:12

Kate plulu naprai na, mae Ebram ne roi thuru fara. Kate thuru teu mana na, mana ne filoni kaisei glepo te jateula gromno teu te mei toku tafruni mana na. Eghuteuna mana ne mhaghu nogna fara!

Luku 22:45

Ke leghugna te gnafa tharai na, mana kegra haghe neke pulo mei ka nogna mae fanomhore. Mare thuru iho neu, naugna mare babaꞌo fara ka diꞌanagnafa.

Luku 9:32

Mae Pita baludi phei mae kheragnare thilomare ne thuru fara. Nu kate dofra haghe na thilomare ne filoni nogna naphae God te siasigla faligohoni mae Jisas na. Eghuteuna jaola thilomare ne filodi phei mae ne kegra neu balugna mana.

Famane Khoje 5:2

Kate thuru na, iara mala ghathoni kolho kheragu na. Iara mifini te filoni mana, te kikidi mei ka nogu grengatha iara na. Fanomho mei! Mana eha mei eghu ka iara, “Kheraguo, tora grengatha! Iagho thofno famane fara filomu na, eghuteuna iagho thofno keli. Snakre ghau mala mei lamna. Phaꞌugu iara na bothu ka khoꞌu bongiro, eghuteuna khaklagu re bothuhi tagna.”

Thoutonu Eigna Mae Job 33:15

Kate thuru teu naiknore, God tangomana te cheke mei ka mifi.

Jenesis 2:21

Aonu Lord God ne fathuruni mana ne thuru iho fara. Kate thuru iho teu mana na, God ne hata kaisei gaogaro ka thinigna mana na, eghuteuna ke lilisei fapulo guli ka vido aheva teke hata fajifla mana u gaogaro tuana.

Thakle 1:17

Kate filo lao iara ka mana na, iara ne mhaghu nogu fara ne uka ke uludi ghahegna mana re jateula kaisei mae tela lehehi neu. Nu mana ne loku ka iara khame nhetagna na, ne cheke eghu, “Thosei mhaghu. Iara kulu au neke vuavuha nga gobigna lepore nei iara na au fabrahu kate ari te gnafadi gobigna lepore.

Profet Daniel 10:16

Mae igne fadoglo mei khamegna na ne haboni foflogu iara na. Aonu iara ne cheke eghu ka mana, “Mae biꞌo, iara filoni mifi igne ne mhaghu nogu fara ne glaꞌe soru thinigu na.

Profet Habaku 3:16

Iara nomhidi gobigna lepo teke edi iagho igre ne thono bobolo nogu fara balu mhaghu ne fififri foflogu na. Ghahegu nei khamegu teure kafe glaꞌe soru theome tangomana te kegra haghe na. Nu te laseni iara na, iagho Lord ginauna mei mala paradi iheire te mei goigoni ghami ghehati igre. Eghume iara au kmu ofoniu narane igne.