Profet Daniel 10:8 - Buka Blahi Ka Cheke Holo

⁸ Iara thegu kolho te au ka vido tuana, iara filoni mifi igne ne jaglo nogu fara. Aonu iara mhaghu nogu fara ne ghilei glaꞌe soru thinigu na.

Profet Daniel 10:8 ပူးပေါင်းရင်းမြစ်များ

Profet Daniel 7:28

“Igne ngala thoutonu eigna mifi teke filoni iara na. Uve, iara neke mhaghu nogu fara neke nhogri tathagu nei foflogu teu gre. Eghuteuna iara neke ghathodi fabrahu glepo igre ka gaoghathogu na.”

Profet Habaku 3:16

Iara nomhidi gobigna lepo teke edi iagho igre ne thono bobolo nogu fara balu mhaghu ne fififri foflogu na. Ghahegu nei khamegu teure kafe glaꞌe soru theome tangomana te kegra haghe na. Nu te laseni iara na, iagho Lord ginauna mei mala paradi iheire te mei goigoni ghami ghehati igre. Eghume iara au kmu ofoniu narane igne.

Profet Daniel 8:27

Iara ne diꞌanagnafagu fara ne fogra keha narane kate nomhini igne, eghuteuna ke leghudi phei ba thilo narane ke leghugna igne, iara neke keli fapulo. Kate ke ghaota fapulo na, iara kegra haghe neke figri ka gloku teke tusu ranghi ghau king. Neuba, kate loku na iara ghathoni fabrahu mifi igne, nu iara theome raꞌe lase fakelini kolho gaoghathogna na.

Thakle 1:17

Kate filo lao iara ka mana na, iara ne mhaghu nogu fara ne uka ke uludi ghahegna mana re jateula kaisei mae tela lehehi neu. Nu mana ne loku ka iara khame nhetagna na, ne cheke eghu, “Thosei mhaghu. Iara kulu au neke vuavuha nga gobigna lepore nei iara na au fabrahu kate ari te gnafadi gobigna lepore.

Nonomho Te Keli Teke Risoi Mae Mak 9:6

Mana theome laseni kaisei unhanga te mala chekeni na, naugna thilomare ne mhaghu nodi fara.

Matiu 17:6

Kate nomhini thilo mae fanomhore cheke igne, thilomare mhaghu fara ne pogho soru pari.

Fapea Korin 12:7

Kaisei khabru te thoke ghau iara na jateula kaisei nila eghu ka thinigu iara na. Khabru igne jateula nogna mae gloku Satan te puri ghau iara eghu. Naugna igne iara theome tangomana te fahaehaghe fara eidi glepo biꞌo te fatakle meidi God ka iara gre.

Profet Daniel 8:7

Eghuteuna iara ne filoni nanigot igne ne thono diꞌatagna fara ne tei magrini sipu nalhaꞌugna igne ne klopa phei honagna re. Sipu igne theo kaisei nogna nolaghi te mala magra te mala tapla faparini nanigot igne. Aonu nanigot igne ne koko soruni sipu igne pari ne tapla ke kligna gna. Theo kaisei mae te tangomana te toghoni sipu igne na.

Jenesis 32:31

Naprai na la haghehi kate jifla mana Peniel na. Mae Jekop ne theome nonolo fakeli naugna nhubra ghahegna na la klasuhi la.

Jone 16:32

Fanomho ghotilo ia. Narane te mala sopa thei ghotilo na la namohi. Ka narane tuana ghotilo ginauna kafe tei koko ghau iara nake pulo ka nomi namono themi re. Narane tuana agne hi gognarona. Nu iara ginauna theome au thegu eghu, naugna mae Kmagu iara na au balugu iara.

Eksodas 3:3

Aonu mae Moses ne cheke eghu, “Unha nafnata glepo signea? Khaꞌaghi na deudeplu, nu theome gnhubra kolho khaklagna gaju igne eghu. Iara na tei namo rhegnai mala filo fakelini.”

Profet Daniel 10:16

Mae igne fadoglo mei khamegna na ne haboni foflogu iara na. Aonu iara ne cheke eghu ka mana, “Mae biꞌo, iara filoni mifi igne ne mhaghu nogu fara ne glaꞌe soru thinigu na.

Profet Daniel 10:17

Iara kegra ke ulumu iagho jateula kaisei mae gloku te kegra ke ulugna nogna mae funei na ia eghu. Iara theome tangomana te cheke na, naugna iara jateula mae tela lehehira eghu.”