Profet Daniel 10:6 - Buka Blahi Ka Cheke Holo

⁶ Thinigna na thono siasigla fara jateula naprai eghu, eghuteuna foflogna nei tathagna teure famane sigla fara jateula nakafli eghu, eghuteuna phei tathagnare deudeplu jateula khaꞌaghi eghu. Phei khamegna nei phei gahegna teure siasigla fara jateula famane bras eghu, eghuteuna naoglagna na jateula naogladi kmana naikno te uareghe ka gaghamu ra eghu.

Profet Daniel 10:6 ပူးပေါင်းရင်းမြစ်များ

Thakle 19:12

Tathagnare siasigla jateula khaꞌaghi eghu, eghuteuna mana au kmana khepi nafnakno ka pha'ugna na. Kaisei nangha na mare rioriso ka greregna mana na, nu theo kaisei naikno te laseni na eghu, thegna mana ngala te laseni na nangha tuana.

Matiu 17:2

Kate filo teu thilomare na, thilomare ne filoni thinigna mae Jisas na ne tughu. Tathagna nei foflogna teu manare ne siasigla fara jateula naprai neu. Eghuteuna nogna pohere ne jaola ne thono vegha fara.

Profet Esikiel 10:9

Eghuteuna kate filo teu iara na, iara ne filodi fati wil te au teu ka geridi fati engel igre. Wil igre siasigla fara jateula famane thina te kiloi tasis eghu.

Profet Esikiel 1:24

Kate flalo glepo igre, iara ne nomhidi naogladi baghidi re, naogla igre jateula naogla galo biꞌo te poha ke kligna khalaꞌe ra eghu. Eghuteuna naogla igne jateula naogladi armi biꞌo te tei ka magra ra eghu, nei jateula naoglagna God mae ihei te au nolaghi fateote'o ra eghu. Kate theome flalo na, mare lolhopo baghidire.

Profet Esikiel 1:16

Fati wil igre kaisei nanabadi ngala, eghuteuna kafe siasigla jateula thina te kiloni tasis eghu. Eghuteuna wil igre aula keha wil ke lamnadi.

Profet Esikiel 1:14

Glepo karha igre ghosei tugha faꞌulu nei tugha faleghu eghu jateula naphaegna nakafli eghu.

Thakle 21:20

Falima na onikis, fafamno na konilian, fafitu na kuots, fahana na beril, faheva na tapas, fabotho na kalsedoni, fabotho kaisei na tokuoes, fabotho pea na amitis.

Thakle 10:1

Iara ne filoni kaisei engel te nolaghi fara ne soru mei funu kligna. Mana pipichi ka kaisei grokho balugna kaisei maja ka pha'ugna na. Eghuteuna tathagna na siasigla jateula naprai eghu, eghuteuna phei ghahegnare jateula khegra biꞌo te phae teu ka khaꞌaghira eghu.

Luku 9:29

Kate tarai teu mana na, thinigna mae Jisas na ne nhogri eghuteuna nogna pohere ne vegha fara.

Profet Esikiel 1:7

Ghahedire doglo, eghuteuna khokotodire jateula khokoto buluka eghu. Ghahe igre siasigla fara jateula bras te fasiasigla ra eghu.

Eksodas 28:20

Eghuteuna fafati thura na, mare na famamhaku kaisei thina rija mare kiloi tasis, eghuteuna kaisei thina ukru mare kiloi soham, eghuteuna kaisei thina kakarha mare kiloi iasefa. Eghuteuna mare na atha famane gol mala edi nabotho phei glepo jateula sisi ikoi te mala atha thina ra eghu.

Matiu 28:3

Tathagna nei foflogna teu mana re ne siasigla jateula nakafli neu. Eghuteuna nogna phoko manare ne thono vegha fara.

Thakle 2:18

Mae igne neke cheke eghu ka iara, “Iagho rioriso tei kaisei letas ranghini engel gna khiloau Taetira, eghuteuna iagho cheke eghu ka mana: Igne nogu cheke iara mae Thugna God na. Tathagu iara re jateula khaꞌaghi te ngaja ia eghu, eghuteuna ghahegu iara re siasigla jateula bras eghu.

Famane Khoje 5:14

Phei khamegna re famane rheta fara, jateula gol te lilisei thofno thina mare tagna. Thiꞌa nei babango teu mana re salhu nei maku jateula kaisei famane glepo te lalaoni mare ka kheꞌi elefant eghuteuna lalaoni ka famane thina blu.

Profet Esikiel 40:3

Lord hata ghau iara ne tei namo fara, eghuteuna iara ne filoni kaisei mae te siasigla jateula bras teu thinigna na. Mana kegra neu ka grengatha gna namono igne, mana louloku kaisei rula brahu nei kaisei tep mesa mala fafaja teke horo ka famane pohe vegha.

Profet Esikiel 8:2

Ka mifi igne, iara ne filoni kaisei glepo te jateula naikno eghu fifilogna na. Funu ka soro na te soru na, thinigna na jateula khaꞌaghi eghu, eghuteuna te funu ka soro na te haghe na, thinigna na thono siasigla fara jateula bras eghu.