Profet Daniel 10:20 - Buka Blahi Ka Cheke Holo

^20-21 Eghuteuna mana ne cheke eghu, “Ba, iagho laseni unha te meini iara ka iagho gognarogne? Iara mei mala falalase ka iagho unha teke rioriso mare ka Buka na Cheke te Tutuani igne. Nu iara gognarona nake ghosei ke pulo mala magrini engel te diꞌa te reireghidi naiknodi Pesia. Ke leghugna igne, keha engel te diꞌa te reireghi naiknodi Gris igne ginauna mei. Nu engel Maekol, mae ihei te reireghi ghami ghotilo mae Israel gre ngala te togho ghau iara na.”

Profet Daniel 10:20 ပူးပေါင်းရင်းမြစ်များ

Profet Daniel 8:21

Eghuteuna nanigot nalhaꞌugna te filoni iagho igne, tuana eigna kantri Gris nate funei fruni ke leghu na. Eghuteuna hona biꞌo te kegra farihoteidi phei tathagnare igne, tuana king biꞌo ululahu gna Gris.

Profet Daniel 10:13

Iara neke theome tangomana te mei ka iagho tifa na, naugna engel te diꞌa te reireghini kantri Pesia igne neke fanogra ghau iara nabagna varadaki kaisei narane. Nu engel Maekol mae funeidi engel te keli igre mei ne togho ghau iara. Naugna iara thegu kolho te au agne Pesia te mala magrini engel te diꞌa igne.

Mae Khuru 12:23

Eghuteuna mae Herod ne snakredi naiknore mala cheke fakelini thegna kolho nei theome cheke ranghidi mala kilo fnaknoni God. Aonu kaisei engel nogna God ne fafograni mae Herod. Eghuteuna momogo ikodi ne ghamu ka thinigna mana na ne ghilei lehe.

Profet Daniel 7:6

Kate filo teu iara na, iara ne filoni fatilo glepo na ne jifla mei. Glepo igne kaisei khurau biꞌo jateula lepad eghu, nu au fati baghi ka thagrugna na, jateula baghi nanghaji eghu. Glepo igne au fati phaꞌugna, eghuteuna au nolaghi te mala funei frunidi gobigna lepo fateote'o.

Profet Isaia 37:36

Aonu ka bongi igne kaisei engel nogna Lord ne mei ka vido te au teu mae soldiadi Asiria igre ne aknu falehe kaisei gobi nhana salei glima thogha ka mare. Kate dofra haghe mare hamerane boibongi na, mare ne filodi thinidi mae soldia te lehere.

Esra 4:4

Aonu naikno te au ka namono te au faligohodi mare igre ne fariuriu famamhaghudi nei fabebeadi eghu gaoghathodi naiknodi Juda mala lilisei mare gloku igne.