Profet Daniel 10:17 - Buka Blahi Ka Cheke Holo

¹⁷ Iara kegra ke ulumu iagho jateula kaisei mae gloku te kegra ke ulugna nogna mae funei na ia eghu. Iara theome tangomana te cheke na, naugna iara jateula mae tela lehehira eghu.”

Profet Daniel 10:17 ပူးပေါင်းရင်းမြစ်များ

Jone 1:18

Funu tifa te ghilei thoke ka narane gognarogne, theo kaisei naikno te thofno filoni God na. Nu mae Jisas Kraes thofno mae Thugna God te au balugna Mama na ngala te mei fatakleni God ka tahati na.

Nonomho Te Keli Teke Risoi Mae Mak 12:36

Nu mae Tharunga te Blahi na neke nhaꞌa lao gaoghatho ka mae King Devet neke cheke eghu: “ ‘God ne cheke ranghini nogu mae funei iara na, iagho gnokro agne fei nhetagu iara. Naugna iara ginauna lisei soru nou naoka iagho re ke parigna nou nolaghi na.’

Jajis 6:22

Kate laseni Gidion mana te filoni nogna Engel Lord na, mana mhaghu nogna ne cheke eghu, “Lord God, iara diꞌa nagnafagu fara! Iara ginauna lehe naugna iara la filodi tathagna nei foflogna teu nou engel iagho na!”

Eksodas 33:20

Nu iara theome tangomana te snakreni ka iagho te filoni tathagu nei foflogu teu iara na, naugna theome tangomana kaisei naikno te filo ghau iara na, jame te eghu na, mana ginauna lehe.

Jenesis 32:20

Ghotilo mala cheke eghu ka mana, ‘Uve, nou mae gloku iagho Jekop na ke leghumi ghehati mei!’ ” Mae Jekop ne cheke eghu ka gaoghathogna thegna na, “Ka puhi igne mae thabusigu iara na ginauna na ke ghatho ihodi teke diꞌatagna ka iara ra. Eghuteuna ka te thafo ghau iara na, mana ginauna nake keli tagna ka iara eghu.”

Profet Daniel 4:19

Mae Daniel mhaghu nogna fara te chekeni gaoghatho gna glepo igne. Aonu king ne cheke eghu, “Beltesasa, thosei mhaghu. Thosei snakreni gaoghathogna mifi igne mala famamhaghu nigho.” Aonu mae Beltesasa ne cheke eghu, “King, iara theome magnahagheni mifi igne te kahi nigho iagho na. Nu iara magnahagheni glepo igne te kahidi kolho nou naoka iagho re.

Profet Daniel 10:8

Iara thegu kolho te au ka vido tuana, iara filoni mifi igne ne jaglo nogu fara. Aonu iara mhaghu nogu fara ne ghilei glaꞌe soru thinigu na.