Profet Daniel 10:11 - Buka Blahi Ka Cheke Holo

¹¹ Aonu mae igne ne cheke eghu ka iara, “Daniel, God na namha nigho iagho fara. Iagho kegra haghe mala fanomho fakeli ka cheke nate chekeni iara ka iagho igne. God neke kuru mei ghau iara mala filo nigho iagho.” Kate cheke eghu mana igne, iara ne kegra haghe, nu thinigu iara na ne ngegra ne fififri tongana.

Profet Daniel 10:11 ပူးပေါင်းရင်းမြစ်များ

Mae Khuru 26:16

Ghosei kegra haghe! Iara neke thakle ka iagho naugna iara neke vahi nigho mala nogu mae gloku iara. Iagho ginauna mala toutonu ka naiknore eidi glepo teke filodi iagho nei glepo nate falalase ranghi nigho iara thogheiro.

Nonomho Te Keli Teke Risoi Mae Mak 16:8

Rehati rikha ne jifla ka gluma na, naugna reꞌe ne faꞌihodi fara ne fififri balu mhaghu. Nu reꞌe ne theome toutonuni kaisei glepo ka ihei nga, naugna reꞌe ne mhaghu nodi fara.

Profet Esikiel 2:1

Lord ne cheke eghu ka iara, “Maegna ka nauthoglu, iara magnahaghei nigho iagho te kegra haghe mala fanomho.”

Mae Khuru 9:6

Kegra haghe sagho mala tei ka namono gno. Kaisei mae jare ginauna na cheke ranghi nigho iagho unha te mala eni iagho thogheiro na.”

Jone 21:20

Mae Pita figri ne filoni mae fanomho te namhani fara mae Jisas te mei ke leghudi phiamare na. Mana kaisei mae teke gnokro rhegna mae Jisas ka teke ghamu mare Gaghamu Ghasa-Polho na teke ghusna eghu ka mana ia, “Lord, mae ihei si nate majora nigho iagho na ia?”

Jone 13:23

Kaisei mae fanomho te namhani fara mae Jisas na ne gnokro rhegna mae Jisas.

Profet Daniel 10:19

Eghuteuna mana ne cheke eghu ka iara, “Iagho thosei nanga nou, ba mhaghu, naugna God na namha nigho iagho fara. Iagho kegra heta!” Kate cheke eghu mana igne, iara thofno haimini neke rheta fapulo thinigu na, ne cheke eghu, “Mae biꞌo, cheke mei ka iara unha te magnahaghei chekeni iagho ka iara na naugna iara gognaro na kela nheta fapulo.”

Profet Daniel 10:3

Iara theome ghamu kaisei gano te keli, ba ghamu kaisei nafnahi, ba koꞌu kaisei waen. Eghuteuna iara jaola theome ghiha oel ka thinigu na mala famane siri keligu.

Nodi Khoje Hatimare Mae Jiu 45:11

Te eghu iagho na, king ginauna filo nigho nei magnahaghei nigho eghu iagho, naugna iagho kaisei famane gaꞌase fara. Mana mala nou mae funei iagho, eghume iagho mala ghatho tahuni mana.

Thoutonu Eigna Mae Job 37:1

“Kate ghathoni iara igne, nagnafagu iara na nghali tongana jateula khoburu eghu. Uve, kroukrofu fara.

Famane Khoje 7:10

Iara nogna naꞌa, eghuteuna naꞌa magnahaghei ghau iara fara.

Profet Esikiel 14:14

Neuba thilo mae igre, mae Noa, nei mae Danel, nei mae Job au balumi ghotilo ka narane igre, nu puhidi thilo mae te doglo igre ginauna fakarhidi kolho nakarhadi thedi re. Igne nogu cheke iara Lord.