Profet Daniel 10:1 - Buka Blahi Ka Cheke Holo

¹ Ka fatilo finogha te mei King Saerus funugna ka kantri Pesia te funei ka kantri Babilonia, God ne tusu mei kaisei nonomho ka iara. Nonomho igne thofno tutuani fara, nu thofno ninhigrana fara te laseni na. Gaoghathogna cheke teke tusu mei God ka iara igne ne thakle mei ka iara ka kaisei mifi.

Profet Daniel 10:1 ပူးပေါင်းရင်းမြစ်များ

Profet Daniel 8:26

“Unha te filodi iagho ka mifi igne king te theome snakredi naiknore te fafara bongi narane teu igne thofno tutuani fara. Nu iagho thosei toutonu ka keha naiknore eigna mifi igne, naugna glepo igre ginauna theome faghose thakle mei.”

Profet Daniel 6:28

Eghuteuna ka naranedi King Darius ghe King Saeras Pesia igre, mae Daniel neke kaisei mae biꞌo fara.

Profet Daniel 1:21

Mae Daniel ne loku ka sugagna king na ne ghilei posani finogha ululahu te King mae Saeras gna Pesia igne te funei frunini Babilonia.

Profet Daniel 1:7

Mana ne nhaꞌa lao nangha majaghani ka mare. Mae Daniel gne mana ne kiloni mae Beltesasa, mae Hananaea gne mana ne kiloni mae Sadrak, mae Misael gne mana kiloni mae Misak, eghuteuna mae Asaraea gne mana ne kiloni mae Abenegho.

Profet Daniel 1:17

God ne tusu lao glalase te keli ka fati mae majaghani igre. Mae igre lase iu'iju nei rioriso eghu ka buka, eghuteuna nodi cheke re thofno keli fara. Aonu God jaola ne tusu lao glalase ka mae Daniel mala rurutha mifi.

Thakle 19:9

Mae engel na ne cheke eghu ka iara, “Rioriso soru sagho cheke igre, ‘Naikno teke kilodi God te mala mei ka gaghamu tholaghi gna Lam na, mare tangomana te gleale'a na.’ ” Eghuteuna engel na neke cheke eghu ka iara, “Cheke igne thofno chekegna God.”

Profet Daniel 12:9

Mana ne cheke eghu ka iara, “Ghema Daniel, iagho thosei nanga nou ka glepo igre. Naugna cheke igre mala theome thakle ghilei thokeni narane leghu lahu na.

Profet Daniel 12:4

Aonu mana ne cheke eghu ka iara, “Ghema Daniel, fofotho sagho buka na, eghuteuna iagho lilisei kaisei fagaglana tagna mala theome laseni kaisei naikno ghilei thokeni narane leghu lahu na. Ame thoke mei nga narane leghu lahu teuna, kmana naikno ginauna magnahaghei te lasedi gaoghathodi cheke te au ke lamnagna buka na igre.”

Profet Daniel 10:14

Iara mei mala cheke ka iagho unha nate thoke mei ka nou naikno iagho igre mala lasedi iagho glepo igre. Unha te filodi iagho ka mifi igre, u thotoghaledi glepo te theome thoke mei nga teu.”

Profet Daniel 5:17

Aonu mae Daniel ne cheke eghu ka mana, “King, iagho thosei famei ka iara glepo igre. Iagho tathajiu glepo tuare malamu themu, ba iagho tusu lao ka keha mae are. Neuba, iara ginauna na iu'iju ranghi nigho grioriso te au ka gringni na are. Eghuteuna iara ginauna na jaola rurutha ranghi nigho gaoghathogna grioriso tuana.

Profet Daniel 2:21

God na funei frunidi narane, nei naprai, nei nakhete. Mana tusu lao nolaghi ka hatimare mae king, eghuteuna mana jaola hata koko nolaghi na ka mare. Mana ngala te tusu lao gaoghatho te keli nei glalase biꞌo teu ka naikno na.

Profet Isaia 44:28

Saeras ne kaisei mae king biꞌo. Iara ngala teke vahini mana te mala reireghidi naiknore ka nanghagu iara, eghuteuna mana ginauna edi unha te magnahaghedi iara re. Mana ginauna na cheke faheta ka naiknore mala ke babana fapulo namono biꞌo Jerusalem balugna Sugablahi ia.”

Esra 6:14

Eghuteuna nodi lida mae Jiu igre ne loku heta ka gloku igne nei kelitadi ka nodi cheke Profet Hagae ghe Profet Sekaraea thugna mae Ido. Mare ne loku fahui Sugablahi igne, jateula teke chekeni nodi God mae Israel, nei cheke ka Saeras, Darius, nei Atasekses thilo king di Pesia.

Esra 6:3

“Ka finogha ulu lahu funei fruni King Saeras Babilonia, mana neke cheke faheta ka mare mala ke babana fapulo nogna Sugablahi God igne Jerusalem: “Mala tangomana naiknore teke gahu fafara, ba keha nafnata glepo te mala tusu lao ka nodi God. Mare mala lisei fakeli thina pari mala babana Sugablahi igne ke kligna gna. Eghuteuna haghegna na mala thokeni varadaki fitu mita eghuteuna krepagna na jaola thokeni varadaki fitu mita.

Esra 4:5

Eghuteuna naikno igre jaola ne falao sileni ka gavman gna Pesia, mala famaemahedi mare mala goigoni ni nodi gloku maedi Juda. Mae naoka gre eni fabrahu puhi igne funu ka narane te funei fruni King Saeras, ghilei mei posa ka narane Darius te tughuni mana te khegra king gna Pesia.

Esra 4:3

Nu Serubabel ghe mae Jesua baludi phaꞌu maedi tharaknadi mare re ne cheke eghu ka mare, “Ghehati Israel kolho te nogna naikno Lord na, ghotilo theome tangomana te loku balumi ghehati ka gloku te mala ke babana fapulo nogna Sugablahi nomi God ghehati igne. Nu ghehati themi kolho nate loku ka nogna Sugablahi Lord igne, leghuni unha teke chekeni King Saeras gna Pesia ka ghehati na.”

Fapea Kronikols 36:22

Ka finogha ululahu te funei fruni King Saeras Babilonia igne, Lord ne loku ka gaoghathogna king igne mala eni kaisei cheke. Nogna sekretri mana re ne rioriso sukha cheke igne, eghuteuna mana ne fatei nonomho igne ka namono te gnafa ke lamnagna nogna kantri na, mala iuꞌiju fajifla ka naiknore. Lord ne eni igne mala thoke mei tutuani nogna nonomho Lord teke chekeni Profet Jeremaea ia. Cheke igne neke cheke eghu,

Jenesis 41:32

God neke fakakhana ari ka iagho phei mifi te kaisei nanaba ngala u gaoghathodire igre, naugna mana magnahaghei te falalase ka iagho unha teke ghathonihi mana nate thoke mei na. Eghuteuna mana neke jaola neke magnahaghei te falalase ari ka iagho glepo nate theome raugha nate thoke mei ginau igre.

Luku 1:20

Nu fanomho ka igne! Iagho ginauna iho cheke naugna iagho ne theome fatutuani ni nogu cheke iara na. Glepo te chekedi iara ka iagho igre ginauna na thoke mei tutuani. Ke leghugna igne, iagho ginauna nake tangomana teke cheke na.”

Profet Daniel 11:2

“Eghuteuna gognarona iara ginauna toutonuni glepo te tutuani igne. Thilo mae king ginauna funei frunini kantri Pesia. Eghuteuna ke leghu na, fafati king na ginauna kegra haghe. Mae igne kaisei mae dedei fara uludi keha thilo mae king ululahu igre. Eghuteuna kate haghe te thono nheta fara naugna te dedei fara na, mana ginauna tei magra ka king gna Gris.

Profet Daniel 8:16

Aonu iara ne nomhini kaisei mae ne eha ka keha phile Khoꞌu Ulae, mana ne eha eghu mei, “Gabriel, chekeni sagho gaoghathogna mifi igne.”

Profet Daniel 5:12

Naugna mae igne thofno lalase fara salaꞌudi keha mae glalase igre. Mae igne au nogna glalase biꞌo te mala rurutha gaoghathodi mifi igre. Eghuteuna mana jaola filo glanidi gaoghathodi faghusna te edi naiknore. Mae igne nanghagna na, Daniel. Eghuteuna tifa na King Nebukadnesa neke kiloni mana, Beltesasa. Chekedi sagho keha mae mala tei hata meini agne mala rurutha mana gaoghathogna grioriso igne.”

Profet Daniel 4:8

Ke leghugna igne, mae Daniel keha nanghagna na mae Beltesasa, (Bel teu igne nanghagna nogu god iara na) mei ne filo ghau iara, eghuteuna tharungadi god te blahi igre au balugna mana. “Iara ne toutonu ka mana gobigna lepo te filodi iara ka mifi igne ne cheke eghu ka mana,

Esra 3:7

Aonu naiknore ne falao sileni mala folidi mae kapenta baludi mae iheire te lase kato thina. Eghuteuna mare ne fatei gano, nei waen, nei oliv oel eghu ka phei namono Taea ghe Saedon, mala foli gaju sida gna Lebanon mala horo gna Sugablahi na, leghuni unha teke chekeni King Saeras gna Pesia. Mare tangomana te lilisei gaju igre tongna, mala hata soru ka naprona biꞌo Jopa.