Profet Daniel 1:8 - Buka Blahi Ka Cheke Holo

⁸ Nu mae Daniel gne mana ne theome magnahaghei te ghamu nei koꞌu teu ka sugagna king. Naugna mana laseni glepo igre ginauna fa thonani mana ka tathagna God na. Aonu mana ne toreni mae Aspenas mala toghoni.

Profet Daniel 1:8 ပူးပေါင်းရင်းမြစ်များ

Nodi Khoje Hatimare Mae Jiu 141:4

Togho mei ghau mala theome edi iara glepo te diꞌa gre, nei togho ghau mala theome fofodu iara ka naikno te diꞌa puhidi gre. Uve, togho ghau iara sagho mala theome ghamu iara ka gano te fafara mae bongihehe gre ka nodi mumuju god re.

Ululahu Korin 7:37

Jame kaisei mae te au gaoghathogna fara te mala tirogna tolaghi ka khupi na teuna, gaoghatho te eni mana igne keli fara. Naugna theo kaisei naikno te huhuruni mana te mala tolaghi na.

Nodi Khoje Hatimare Mae Jiu 119:115

Ghotilo naikno te diꞌa ra! Ghotilo tei nomi, mala leghudi kolho iara nogna cheke God re.

Nodi Khoje Hatimare Mae Jiu 119:106

Iara la nhaꞌa chekehi ka iagho te mala leghudi nou famane cheke re. Eghume iara ginauna theome tangomana te chaichaghi nigho na.

Profet Daniel 1:5

Eghuteuna king jaola ne cheke ka mae Aspenas mala faghamudi ka famane gano nei waen, nafnata gano te ghamu king baludi naikno te loku ka sugagna na. Mae igre ginauna sikolu nabagna thilo finogha. Eghuteuna ke leghugna igne, mare tangomana te loku ranghini king.

Mae Khuru 11:23

Mae Banabas gne kaisei mae keli nei Tharunga te Blahi na au balugna mana, eghuteuna mana ne biꞌo nogna fatutuani na. Kate posa mana ka namono na, mana ne gleale'a fara, naugna mana laseni God na la kulu fablahidihi naiknore. Mana ne cheke faheta ka naikno khiloaudi Antiok re mala thofno leghuni noda Lord. Eghuteuna ka narane tuana kmana naikno ne funu fatutuani ni Lord.

Fapea Korin 9:7

Naikno te gnafare mala tufa unha te ghathoni ka nagnafagna thegna na. Mana theome tangomana te diꞌanagnafa kate tufa na. Mana theome tangomana te tufa naugna keha naiknoi te huhuruni mana na. Tutuani God namhani ihei te tufa balu gleale'a na.

Diutronomi 32:38

Ghotilo neke faghamudi ka garofadi nafnahi teke fafara ghotilo ra, eghuteuna tusu ranghidi waen mala koꞌu mare, nu god igre theome togho ghami nei reireghi ghami eghu ghotilo.

Nodi Khoje Hatimare Mae Jiu 106:28

Naugna mare ne kegra fodu baludi naikno khulumono re mala tarai ka mumuju Baal ka thogele Pio. Mare ne kafe ima nafnahi teke fafara naiknodi Pio re ka mumuju te theo karha tagna na.

Ululahu Kings 5:5

Eghume, gognarona iara magnahaghei te babana kaisei Sugablahi te mala kilo fnaknoni nanghagna Lord nogu God, jateula Lord teke chekeni mana ka mae kmagu iara Devet. Lord neke cheke eghu ka mana, ‘Mae thumu iagho mae ihei nate gnokro ka sape nafnakno te mala tughu nigho iagho igne ginauna babana Sugablahi te mala kilo fnaknoni nanghagu iara na.’

Mae Khuru 15:20

Te keli na, tahati rioriso kaisei letas ranghidi mare. Igre glepo jame te mala chekedi tahati ranghidi re, ‘Thosei ghamu gano teke fafara ka mumuju. Thosei eni puhi te diꞌa. Thosei ghamu gano teke lalamho falehe. Thosei koꞌu dadara.’

Proveb 23:3

Thosei kelitamu ka gano keli te nhaꞌa soru king ke ulumu na. Glahula chaghi nigho kolho mana gano tuana.

Profet Daniel 5:4

Kate koꞌu teuna, mare ne kilo fnaknoni nodi mumuju god teke horo ka gol, silva, bras, aean, gaju nei thina.