Profet Daniel 1:7 - Buka Blahi Ka Cheke Holo

⁷ Mana ne nhaꞌa lao nangha majaghani ka mare. Mae Daniel gne mana ne kiloni mae Beltesasa, mae Hananaea gne mana ne kiloni mae Sadrak, mae Misael gne mana kiloni mae Misak, eghuteuna mae Asaraea gne mana ne kiloni mae Abenegho.

Profet Daniel 1:7 ပူးပေါင်းရင်းမြစ်များ

Profet Daniel 5:12

Naugna mae igne thofno lalase fara salaꞌudi keha mae glalase igre. Mae igne au nogna glalase biꞌo te mala rurutha gaoghathodi mifi igre. Eghuteuna mana jaola filo glanidi gaoghathodi faghusna te edi naiknore. Mae igne nanghagna na, Daniel. Eghuteuna tifa na King Nebukadnesa neke kiloni mana, Beltesasa. Chekedi sagho keha mae mala tei hata meini agne mala rurutha mana gaoghathogna grioriso igne.”

Profet Daniel 4:8

Ke leghugna igne, mae Daniel keha nanghagna na mae Beltesasa, (Bel teu igne nanghagna nogu god iara na) mei ne filo ghau iara, eghuteuna tharungadi god te blahi igre au balugna mana. “Iara ne toutonu ka mana gobigna lepo te filodi iara ka mifi igne ne cheke eghu ka mana,

Profet Daniel 2:49

Mae Daniel ne toreni mae king eidi mae Sadrak, mae Misak nei mae Abenegho mala funeidi gloku te gnafa ke lamnagna provins Babilonia. Eghuteuna mae Daniel ne loku ka sugagna mae king.

Profet Daniel 1:3

King Nebukadnesa ne cheke faheta ka mae Aspenas, mae ihei te phaꞌudi nogna mae glokure mala vavahi keha mae ka teke hata teke pulo mei funudi Juda igre, ka thugna mae Jehoakim nei thudi hatimare mae funei.

Fapea Kings 24:17

Eghuteuna mae Nebukadnesa ne vahini mae Matanaea, kaisei nebugna King Jehoiakin mala king gna Juda. Aonu mana ne tughu nanghagna mana na ne kiloni mana, Sedekaea.

Fapea Kings 23:34

King Neko ne vahini mae Eliakim, kaisei thugna King Josia neke king tughuni kmagna na Juda. Eghuteuna mana neke tughu nanghagna mae Eliakim igne neke kiloni mana Jehoiakim. Aonu mae Neko hata mae Jehoahas igne ne tei sosolo Ijep ne ghilei lehe jare.

Profet Daniel 2:26

King ne ghusna eghu ka mae Daniel, “Beltesasa, iagho tangomana te cheke meini nogu mifi iara igne balu gaoghathogna?”

Jenesis 41:45

Mae king ne kiloni mae Josep “Safenat Panea” ka chekegna Ijep. Eghuteuna tusu lao kaisei gaꞌase ka mana. Nanghagna gaꞌase igne na Asenat, thugna mae Potifera, mae pris gna suga tharai te au ka namono biꞌo Heliopolis. Aonu mae Josep ne mae funei ka namono Ijep.

Profet Daniel 1:19

King ne cheke ka mare gnafa. Nu theo kaisei mae ka keha mae majaghani te au ka sugagna king na igre te nanaba ka mae Daniel, mae Hananaea, mae Misael nei mae Asaraea. Nogna faghusna, ba unha nafnata glepo te magnahaghedi king ka fati mae majaghani igre na mare thofno lasedi fara salaꞌudi nogna mae glalase te gnafa nei nogna mae kastom te gnafa teu king gna Babilonia. Aonu, king ne vahidi fati mae igre mala nogna mae gloku.

Profet Daniel 10:1

Ka fatilo finogha te mei King Saerus funugna ka kantri Pesia te funei ka kantri Babilonia, God ne tusu mei kaisei nonomho ka iara. Nonomho igne thofno tutuani fara, nu thofno ninhigrana fara te laseni na. Gaoghathogna cheke teke tusu mei God ka iara igne ne thakle mei ka iara ka kaisei mifi.

Profet Daniel 4:5

Nu kaisei fata kate thuru teu iara na, iara ne filoni kaisei mifi. Kate filoni mifi igne iara ne thono mhaghu nogu fara.