Profet Daniel 1:4 - Buka Blahi Ka Cheke Holo

⁴ Mae igre ne hirodi keha mae majaghani te glalase, nei keha mae te au tadi gaoghatho te keli, ba mae iheire te ghosei te hata glalase, nei theo kaisei glafi thona ka thinidire, nabadi te mala loku ka sugagna king. Eghuteuna king jaola ne cheke ka mana mala farirhiudi mae igre mala lase iu'iju nei rioriso eghu ka cheke gna Babilonia. Eghuteuna mae igre mala lasedi kastom nei glalase eghu te rioriso mare ka kantri igne.

Profet Daniel 1:4 ပူးပေါင်းရင်းမြစ်များ

Profet Daniel 5:11

Fanomho sagho! Iara laseni kaisei mae glalase au agne ka nou kantri iagho igne. Eghuteuna tharungadi god te blahi igre au ka mana. Ka narane teke kegra funei kuꞌemi King Nebukadnesa ia, mana laseni mae igne au tagna glalase te keli. Eghuteuna nogna gaoghatho nei glalase teure biꞌo fara jateula god eghu. Eghume, kuꞌemu iagho King Nebukadnesa neke vahini mana mala mae funeidi hatimare nogna mae kastom te gnafa nei keha mae glalase teu igre.

Mae Khuru 7:22

Eghuteuna maedi Ijep re ne farirhiuni mae Moses glepo te gnafa te lasedi mare re. Mana ne biꞌo haghe ne kaisei mae nolaghi fara ka nogna cheke ba ka nogna glokure.

Proveb 22:29

Mae te laseni fara nogna gloku na, mana na theome eni nogna gloku fiti mae na, nu mana ginauna na loku ranghini mae funei.

Fapea Samuel 14:25

Mae Absalom gne kaisei mae famane tutuani fara, eghuteuna theo kaisei glafi te au ka thinigna mana na. Theo kaisei maegna Israel te famane jateula mae Absalom teuna. Eghuteuna naikno te gnafa Israel igre keli tadi fara kate filoni mana na.

Profet Daniel 2:10

Aonu, mae igre ne cheke eghu ka mana, “King, theo kaisei naikno ka nauthoglu igne te tangomana te rurutha ka iagho glepo te magnahaghei laseni iagho igne. Theo kaisei king, ba kaisei mae biꞌo te toreni glepo jateula igne teku ka nogna mae khaekae nei nogna mae kastom teku na.

Mae Khuru 7:20

“Ka vido igne teke karha mae Moses na. Mana kaisei mae famane sua nalhaꞌu. Mare neke tajini mana naba thilo nhigra lamna suga.

Profet Daniel 5:7

Aonu mana ne ehadi hatimare mae biꞌo mala kilo meidi nogna mae khaekae, nogna mae kastom, nogna mae naitu nhaghe nei hatimare mae glalase. Kate mei mare na, mana ne cheke eghu ka mare, “Ihei ka ghotilo te tangomana te iu'ijuni grioriso igne, eghuteuna rurutha gaoghathogna grioriso igne teuna? Iara ginauna vahini mana mala fatilo mae funei biꞌo ke lamnagna kantri Babilonia. Eghuteuna iara ginauna fapichi lao nogna pohe king na ka mana. Eghuteuna fabaꞌo lao kaisei chen gol ka graragna mana na mala fafnaknoni mana.”

Profet Daniel 4:7

Nogu mae glalase, nogu mae khaekae nei nogu mae kastom teu igre neke kafe mei filo ghau iara. Iara neke toutonu mifi igne ka mare, nu mare theome tangomana te rurutha gaoghathogna mifi igne.

Eklesiasti 7:19

Gaoghatho te keli na tangomana te toghoni kaisei mae mala uludi nodi nanheta nabotho mae funei te funei frunini kaisei namono biꞌo.

Jajis 8:18

Gnafa teuna, Gidion ne ghusna eghu ka Seba ghe Salmuna, “Ba, mae teke aknu falehe ghopa ka thogele Teboa ra ba?” Aonu phiamare ne cheke eghu, “Tathadi nei foflodi teu mare re jateula iagho eghu kolho. Te filodi ghehati re mare te gnafa na thofno jateula thugna kaisei king eghu.”

Efesus 5:27

Naugna kate hata mei Kraes khiloau na ka thegna na, mana magnahagheni khiloau na te famane keli fifilogna na mala theo kaisei najafra tagna, nu mala thofno doglo fara nei blahi eghu.

Profet Daniel 3:8

Ka narane igne, keha maedi Babilonia ne goghotudi mae Sadrak, mae Misak, nei mae Abenegho. Aonu mare tei ka king ne fathoethoke ka mana.

Profet Daniel 2:2

Aonu mana ne kilo meidi nogna mae glalase te gnafa, nogna mae khaekae te gnafa, nogna mae kastom te gnafa, nei nogna mae glalase te lasedi gobigna lepo fateote'o te gnafa. Mana ne kilo meidi mae igre mala rurutha ranghini gaoghathogna mifi igne.

Profet Isaia 36:11

Aonu mae Eliakim, mae Sebna nei mae Joa eghu ne nomhidi nogna cheke mana igre ne cheke eghu ka mana, “Komanda, cheke sagho ka chekegna Asiria, naugna ghehati laseni cheke igne. Iagho thosei cheke Hibru, glahu nomhidi mae te kegra teu kligna ka gringni thina na are nou cheke iagho are.”

Profet Jeremaea 5:15

Iara Lord, iara na cheke ranghi ghami ghotilo naiknomi Israel. Iara ginauna atha mei naiknodi keha kantri delei are mala magra ka ghotilo. Naikno igre neke au funu tifa ka nomi kantri ghotilo igne, nu ghotilo neke theome nomhini nodi cheke mare na.

Profet Daniel 9:1

Darius, thugna King Sekses ka kantri Media te king gna Babilonia gognarona.

Profet Sekaraea 2:4

Eghuteuna keha engel igne ne cheke eghu, “Iagho chari tei mala tei cheke ka mae majaghani te louloku glepo mala fafaja ana eigna Lord neke cheke eghu, ‘Keha narane Jerusalem ginauna fodu ka naikno nei jaola fodu vuragha ka glepo tautagu. Namono igne ginauna biꞌo krepa fara, eghuteuna mare ginauna theome naba na teke ringni thina te lithui.

Jenesis 41:46

Mae Josep gne neke tolufulu finogha gna neke funu loku nga ranghini mae king gna Ijep. Eghuteuna mae Josep ne jifla ka sugagna mae king na ne tei tongana heva heva ka namono Ijep.