Profet Daniel 1:2 - Buka Blahi Ka Cheke Holo

² God neke snakreni king Nebukadnesa neke uluni King Jehoakim. Aonu King Nebukadnesa ne hata famane glepo teke mala loku mare ka sugagna God na. Mana hata glepo ka sugagna God na igre ne tei nhaꞌa fodu baludi nogna gobigna lepo te keli thegnare ka sugagna nogna god thegna na.

Profet Daniel 1:2 ပူးပေါင်းရင်းမြစ်များ

Fapea Kronikols 36:7

Mana hata ne tei glepo blahi gna nogna Sugablahi Lord na hata nei Babilonia ne lilisei ka nogna suga biꞌo na.

Profet Sekaraea 5:11

Mana ne cheke eghu, “Repa atha tei ka kantri Babilonia. Ka vido tuana mare ginauna horo kaisei Sugablahi malagna kharaꞌo tuana, eghuteuna kate gnafahi suga igne, mare ginauna lilisei kharaꞌo tuana lamna ka nogna vido na.”

Jajis 4:2

Eghume, Lord ne snakreni Jabin king gna Kenan mala funei frunidi naiknodi Israel. Nogna namono mana na Haso, eghuteuna nanghagna nodi lida nogna soldia mana re Sisera. Lida igne mei funugna namono Haroset-Ha-Goeim.

Jajis 3:8

Aonu Lord brana ne salaꞌui diꞌatagna na ranghini Israel. Eghuteuna mana ne snakre laodi ka khamegna King Kusan-Risataem gna Mesopotemia, mala uludi mare ka magra. Eghuteuna mare ne au ke parigna mana nabagna nhana finogha.

Jajis 2:14

Diꞌatagna Lord na ne thono brana fara ka mare ne snakre laodi ka khamedi nodi naoka te au faligohodi mare. Eghuteuna nodi naoka mare igre raꞌe ne nheta fara, eghuteuna naiknodi Israel igre ne theome tangomana te reireghidi thedire. Eghuteuna naoka igre blau koba nodi gobigna lepo re.

Diutronomi 32:30

Ghathodi nogu ghusna iara gre. Faꞌunha eghu tangomana kaisei soldia kolho te uludi kaisei thogha mae ka magra na? Faꞌunha eghu tangomana phei soldia kolho te ngolhi teidi nabotho thogha mae ka magra na? Ghotilo mala filo glani tuana: Glepo igne na thoke mei naugna Lord nomi vido keli mala poru ghotilo naiknomi Israel igne tei koko ghami ghotilo.

Jenesis 11:2

Naikno igre jifla mei funudi ke maghati neke soru filoni kaisei sare biꞌo jare Babilonia ne au soru jare.

Jenesis 10:10

Fati namono biꞌo te funei frunidi mana re, Babel, Erek, Akat nei Kalneh. Fati namono biꞌo igre au jare Babilonia.

Profet Habaku 1:16

Nodi nolaghi mare te mala hata naikno na, jateula nodi god eghu mare. Uve, mare jateula nodi god eghu pogho soruni kolho fangna te mala ugra sasa igne. Eghuteuna mare fafara ka fangna igne eghuteuna gahu insens mala tarai. Mare eni igne, naugna fangna igne toghodi mare mala salo kmana glepo te keli.

Profet Daniel 5:18

“Fanomho sagho. God mae ihei te fnakno kligna lahu igne teke vahini mae kuꞌemu iagho, King Nebukadnesa ia mala funei frunini kantri igne.

Profet Jeremaea 51:44

Iara ginauna jaola parani Bel, nodi god mae Babilonia. Iara ginauna faluꞌani mana mala luꞌa fajifladi mana gobigna lepo teke tomno soru mana ra. Naikno gna nauthoglu igne ginauna nake theome pulo mei mala pogho soru, eghuteuna iara ginauna paꞌe soru gringni gna nogna namono mana na!

Profet Isaia 11:11

Ka narane tuana, Lord ginauna fakakhana nogna nolaghi na mala ke hata fapulo nogna naiknore ka nodi thofno namono re, naikno te au teu Asiria, Ijep, Sudan, Elam, Babilonia, Hamat nei ka moumolu te au ka nhorora Mediterenian.

Esra 1:7

Eghuteuna King Saeras jaola neke hata fajifla glepo teke hata fajifla King Nebukadnesa tifa ka nogna Sugablahi Lord na Jerusalem hata neke tei Babilonia, neke lilisei ka sugagna nogna god na.

Ululahu Samuel 5:2

Aonu mare tei ne lilisei lamna ka nogna Sugablahi kaisei nodi god mare te kiloi Degon. Mare ne lilisei rhegna mumuju gna Degon teke horo mare ka thina na.

Profet Isaia 42:24

Ba, ihei teke snakredi mae naoka igre te mei goigoni ni Israel nei blau nomi gobigna lepo ghotilo re teku ra? Lord thegna ngala teke snakre meidi re, naugna tahati neke theome leghudi puhigna nei nogna vetula teu mana re.

Fapea Kings 24:1

Ka narane te king mae Jehoiakim Juda igre, King Nebukadnesa gna Babilonia neke haghe magra neke hata kantri Juda. Aonu King Nebukadnesa ne vahini mae Jehoiakim mala kaisei nogna mae gloku, eghuteuna mana ne loku ranghini king gna Babilonia nabagna thilo finogha. Nu ke leghudi thilo finogha igre, mana ne funu tirognani King Nebukadnesa.

Profet Jeremaea 25:1

Ka fafati finoghagna mae Jehoiakim, thugna mae Josaea te king Juda tuare, Lord ne cheke ka mae Jeremaea eidi naiknodi Juda. Igne finogha ulu lahu te king mae Nebukadnesa ka kantri Babilonia.

Profet Jeremaea 27:16

Aonu iara ne toutonuni chekegna Lord igne ranghidi mae pris nei naikno teu igre ne cheke eghu, “Igne unha te chekeni Lord na: Ghotilo thosei fanomho ka nodi cheke mae profet te cheke eghu igre, ‘Theome raugha mare ginauna nake atha glepo gna nogna Sugablahi Lord te au teu Babilonia gognaro gre, mala atha ke pulo mei Jerusalem.’ Mae profet igre chaghi ghami ghotilo!

Profet Jeremaea 28:3

Ame salaꞌu nga phei finogha igre teuna, glepo gna Sugablahi teke atha teke tei Babilonia King Nebukadnesa ira, iara ginauna nake atha fapulo agne Jerusalem.

Profet Jeremaea 35:11

Nu kate mei King Nebukadnesa gna Babilonia balu nogna armi te magra ke lamnagna kantri igne, ghehati rikhadi mare ne mei poru agne Jerusalem. Naugna igne te mei au teu ghehati ka namono igne.”

Profet Jeremaea 50:2

“Tei toutonu cheke igne ka kantri heva te heva ka nauthoglu igne! Thosei cheke pouporu! Ghotilo tei famane toutonu fakeli! Ghotilo rafe haghe flagi mala filoni naiknore mala mei fanomho fakeli ka thoutonu te cheke eghu igne, ‘Namono biꞌo Babilon na la groꞌehi! Nogna nolaghi nodi god biꞌo mare Merodak igne la khokohi pari la mamaja nogna fara. Uve, nodi nolaghi nogna mumuju naꞌa igre la gnafahi, eghuteuna mamaja kolho te thokeni naꞌa na.’

Profet Daniel 5:13

Aonu mare tei ne hatani mae Daniel ne mei ka king. Eghuteuna king ne cheke eghu ka mana, “Iagho si mae Daniel teke hata mae kuꞌegu iara King Nebukadnesa teke mei funu Juda na ia?” Aonu mae Daniel ne cheke eghu ka mana, “Uve, iara ngala.”

Fapea Kronikols 36:5

Ka narane te king Jehoakim Juda na, mana neke varadaki glima finogha gna. Eghuteuna mana king Jerusalem nabotho kaisei finogha. King igne mana edi glepo te diꞌa ka tathagna Lord nogna God.