Profet Daniel 1:19 - Buka Blahi Ka Cheke Holo

^19-20 King ne cheke ka mare gnafa. Nu theo kaisei mae ka keha mae majaghani te au ka sugagna king na igre te nanaba ka mae Daniel, mae Hananaea, mae Misael nei mae Asaraea. Nogna faghusna, ba unha nafnata glepo te magnahaghedi king ka fati mae majaghani igre na mare thofno lasedi fara salaꞌudi nogna mae glalase te gnafa nei nogna mae kastom te gnafa teu king gna Babilonia. Aonu, king ne vahidi fati mae igre mala nogna mae gloku.

Profet Daniel 1:19 ပူးပေါင်းရင်းမြစ်များ

Profet Daniel 1:5

Eghuteuna king jaola ne cheke ka mae Aspenas mala faghamudi ka famane gano nei waen, nafnata gano te ghamu king baludi naikno te loku ka sugagna na. Mae igre ginauna sikolu nabagna thilo finogha. Eghuteuna ke leghugna igne, mare tangomana te loku ranghini king.

Proveb 22:29

Mae te laseni fara nogna gloku na, mana na theome eni nogna gloku fiti mae na, nu mana ginauna na loku ranghini mae funei.

Jenesis 41:46

Mae Josep gne neke tolufulu finogha gna neke funu loku nga ranghini mae king gna Ijep. Eghuteuna mae Josep ne jifla ka sugagna mae king na ne tei tongana heva heva ka namono Ijep.

Profet Jeremaea 15:19

Aonu Lord ne cheke eghu ka iara, “Nou cheke iagho igre fameomekro kolho. Jame figri iagho gaoghathomu na teke figri mei ka iara na, iagho ginauna nake nogu mae gloku iara. Eghuteuna jame te toutonuni iagho chekegu iara te keli igne ka naiknore, iagho ginauna na jateula foflogu eghu iara.

Ululahu Kings 17:1

Profet Elija mae gna Tisbe, ka nohi Gilead. Mana tei ne cheke eghu ka King Ehab, “Iara nogna mae gloku Lord, nodi God mae Israel te karha te tifa. Ka nanghagna Lord iara na cheke fadoglo ari ka iagho, ginauna na theome nakhete keha finogha. Jare ginauna theo kaisei nakhete ba nabubla nate soru mei na ghilei chekeni iara na teke soru mei nakhete na.”

Profet Daniel 1:6

Aonu mae Aspenas ne vavahi keha mae baludi fati mae majaghani di Juda igre: mae Daniel, mae Hananaea, mae Misael nei mae Asaraea.

Profet Daniel 1:7

Mana ne nhaꞌa lao nangha majaghani ka mare. Mae Daniel gne mana ne kiloni mae Beltesasa, mae Hananaea gne mana ne kiloni mae Sadrak, mae Misael gne mana kiloni mae Misak, eghuteuna mae Asaraea gne mana ne kiloni mae Abenegho.

Profet Daniel 1:18

Kate gnafadi thilo finogha igre, mae Aspenas hata ne tei fati mae igre ka King Nebukadnesa.

Profet Daniel 2:13

Aonu, king ne cheke faheta fara te mala falehedi mae glalase te gnafa igre balugna mae Daniel nei thilo mae kheragna mana igre.

Profet Daniel 3:29

Eghume, igne nogu cheke iara na. Jame ihei te cheke faparini nodi God thilo mae igre na, neubane unha kantri, ba kokholo, ba cheke, iara ginauna puri faleheni mana, eghuteuna iara ginauna paꞌe soru nogna suga mae tuana. Naugna theo kaisei god te fakarha naikno jateula God te fakarhidi thilo mae igre teuna.”

Profet Daniel 1:4

Mae igre ne hirodi keha mae majaghani te glalase, nei keha mae te au tadi gaoghatho te keli, ba mae iheire te ghosei te hata glalase, nei theo kaisei glafi thona ka thinidire, nabadi te mala loku ka sugagna king. Eghuteuna king jaola ne cheke ka mana mala farirhiudi mae igre mala lase iu'iju nei rioriso eghu ka cheke gna Babilonia. Eghuteuna mae igre mala lasedi kastom nei glalase eghu te rioriso mare ka kantri igne.