Profet Daniel 1:17 - Buka Blahi Ka Cheke Holo

¹⁷ God ne tusu lao glalase te keli ka fati mae majaghani igre. Mae igre lase iu'iju nei rioriso eghu ka buka, eghuteuna nodi cheke re thofno keli fara. Aonu God jaola ne tusu lao glalase ka mae Daniel mala rurutha mifi.

Profet Daniel 1:17 ပူးပေါင်းရင်းမြစ်များ

Jemes 1:5

Nu ihei te theo nogna gaoghatho te keli na, toreni God. Naugna God ginauna na gleale'a te tufa fabiꞌo ranghini mana gaoghatho te keli na. Eghuteuna God ginauna na theome fafuafuna ka mae ihei te tore ka mana na.

Ululahu Kings 3:12

Eghume, iara ginauna eni unha te toreni iagho na. Iara ginauna tusu ranghi nigho kmana gaoghatho te keli nei glalase eghu uludi iheire teke kulu karha ka iagho nei iheire nate karha mei ke leghumu iagho.

Profet Daniel 2:21

God na funei frunidi narane, nei naprai, nei nakhete. Mana tusu lao nolaghi ka hatimare mae king, eghuteuna mana jaola hata koko nolaghi na ka mare. Mana ngala te tusu lao gaoghatho te keli nei glalase biꞌo teu ka naikno na.

Thoutonu Eigna Mae Job 32:8

Theome mae biꞌo kolho te au gaoghatho te keli na, eghuteuna theome mae biꞌo kolho te laseni unha te doglo na. Tharunga te Blahi nogna God mae ihei te au nolaghi fateote'o igne, te tusu ranghini mana gaoghatho te keli nei glalase teuna.

Profet Daniel 2:23

Iagho nodi God mae kuꞌegu iara ra. Iara kilo fnakno nigho nei cheke fakeli nigho! Iagho tusu mei glalase nei nolaghi eghu ka iara. Iagho nomhidihi nomi tharai ghehati igre, eghuteuna iagho falalasehi ka ghehati gaoghathogna nogna mifi mae king igne.”

Kolose 1:9

Naugna mana neke farirhiu ghami nei togho ghami mala fatutuani ni mae Jisas, ghehati tarai ghami ghotilo fabrahu funu ka narane te nomhini ghehati igne eimi ghotilo na. Ghehati toreni God mala fodu ghotilo ka gaoghatho te keli nei glalase te keli, eghume ka nogna thotogho mae Tharunga te Blahi na ghotilo mala lase fakelini unha te magnahagheni God na.

Proveb 2:6

Naugna, Lord ngala nafugna gaoghatho te keli na, eghuteuna chekegna na tusu ranghi nigho u glalase.

Mae Khuru 6:10

nu mae Tharunga te Blahi na ne toghoni mae Stivin mala cheke balu glalase te biꞌo. Eghuteuna hatimare mae Jiure theome tangomanadi te cheke faparini mana na, naugna nogna cheke mana re thono nolaghi fara.

Jemes 1:17

Glepo te famane keli te gnafa igre neke mei funudi kligna ka God, eghuteuna mana theome tangomana teke tughu puhigna na. Mana theome jateula glepo teke hohoro thegna te siasigla mei ka maloa na are eghu, naugna glepo tuare jateula naungogna gaju te tuthughu vido fabrahu ra eghu. Tutuani, God na theome tangomana tughu puhigna thegna na.

Mae Khuru 7:22

Eghuteuna maedi Ijep re ne farirhiuni mae Moses glepo te gnafa te lasedi mare re. Mana ne biꞌo haghe ne kaisei mae nolaghi fara ka nogna cheke ba ka nogna glokure.

Profet Daniel 10:1

Ka fatilo finogha te mei King Saerus funugna ka kantri Pesia te funei ka kantri Babilonia, God ne tusu mei kaisei nonomho ka iara. Nonomho igne thofno tutuani fara, nu thofno ninhigrana fara te laseni na. Gaoghathogna cheke teke tusu mei God ka iara igne ne thakle mei ka iara ka kaisei mifi.

Profet Esikiel 28:3

Uve, iagho lalase fara salaꞌuni mae Danel, eghuteuna theome tangomana kaisei glepo te poru ka iagho na.

Fapea Kronikols 26:5

Eghuteuna ka narane te king Iusaea igre, Pris Sekaraea ne farirhiuni Iusaea mala ghatho tahuni, nei hironi eghu puhigna Lord. Eghume Lord ne fablahini mana leghu fata.

Naba 12:6

Aonu Lord ne cheke eghu ka repa, “Ghopa fanomho fakeli ka nogu cheke iara gre! “Ne au nga kaisei mae profet balumi ghotilo nu, iara ginauna mei ka nogna mifi mana re, eghuteuna iara ginauna facheke balugna ka nogna mifi mana tuare.

Mae Khuru 7:10

nei fakarhini ka puhi biꞌo te gnafa teke edi mana re. God jaola neke tusu ranghini glalase te keli mala tangomana mae King Fero te magnahagheni mana na. Eghuteuna mae King Fero neke vahini mana mala mae gavana gna Ijep, nei mala reireghidi la naikno te gnafa ke lamnagna nogna suga biꞌo na.

Profet Daniel 7:1

Ka finogha ululahu te funei fruni King Belsasa Babilonia igne, mae Daniel thuru ne filoni kaisei mifi. Aonu mana ne rioriso soru unha teke filodi mana ka mifi igne.

Profet Daniel 2:19

Ka bongi igne, God ne fakakhana ka mae Daniel glepo igre ka mifi. Aonu mae Daniel ne cheke fakelini God,

Luku 21:15

Naugna iara ginauna na tusu ari ka ghotilo glalase te mala chekedi kmana glepo te theome tangomana nomi mae naoka ghotilo re te cheke fapari ghami ghotilo ne jafra ghotilo teuna.

Profet Isaia 28:26

Mae igne laseni fara puhi te mala edi gloku igre, naugna God neke farirhiuni mana.

Eklesiasti 2:26

Leuleghu narane na God tusu lao gaoghatho te keli nei glalase eghu ka iheire te leghuni manare, mala jaola glealeꞌa mare. Nu God tusu lao gaoghatho ka naikno te diꞌa re mala loku heta mala hata kmana glepo te keli nei dedei. Eghuteuna keha narane ke leghu, glepo igre tangomana te tei toghodi naikno te keli re. Puhi igne jaola theo nafugna ka gaoghathogu iara na. Eigna igne jateula mae ihei te ngolho leghu ka nuri na ia eghu kolho.

Fapea Kronikols 1:10

Iara magnahaghei nigho iagho te tusu mei gaoghatho te keli nei glalase eghu ka iara, mala tangomana iara te batudi nei saghe leghudi teu nou naikno iagho igre ka puhi te doglo.”

Ululahu Kings 3:28

Kate nomhini naikno gna Israel eigna puhi te famane fadoglini King Solomon puhi biꞌo farihoteidi phei gaꞌase vine igre, mare ne thofno ghatho tahuni mana. Naugna mare laseni God neke tusu lao ka King Solomon famane gaoghatho te keli mala fate fadoglidi mana naiknore.

Profet Daniel 8:1

Ka fatilo finogha te funei fruni King Belsasa igne, iara ne filoni fapea mifi na.

Profet Daniel 5:14

King ne cheke eghu, “Uve, iara nomhini te tharungadi god te blahi ra au balumu iagho, eghuteuna gaoghatho te keli nei glalase biꞌo teuna jaola au ka iagho.

Fapea Kronikols 1:12

Eghume iara ginauna tusu ranghi nigho iagho gaoghatho te keli nei glalase, eghuteuna iara ginauna jaola tusu ranghi nigho iagho dedei, nei kmana glepo te keli, eghuteuna naiknore ginauna tusu ranghi nigho iagho nangha te biꞌo. Iara ginauna fafnakno nigho iagho ke tulaodi hatimare mae king teke kulu funei ke ulumu iagho ra, ba iheire na teke funei ke leghumu iagho re.”

Profet Daniel 1:4

Mae igre ne hirodi keha mae majaghani te glalase, nei keha mae te au tadi gaoghatho te keli, ba mae iheire te ghosei te hata glalase, nei theo kaisei glafi thona ka thinidire, nabadi te mala loku ka sugagna king. Eghuteuna king jaola ne cheke ka mana mala farirhiudi mae igre mala lase iu'iju nei rioriso eghu ka cheke gna Babilonia. Eghuteuna mae igre mala lasedi kastom nei glalase eghu te rioriso mare ka kantri igne.

Profet Daniel 1:18

Kate gnafadi thilo finogha igre, mae Aspenas hata ne tei fati mae igre ka King Nebukadnesa.

Profet Daniel 2:30

Glepo te poru igre God na la falalasehi ka iara. Theome eigna te lalase fara te salaꞌudi iara keha mae glalase igre. Nu mala laseni iagho gaoghathogna mifi igne, nei mala lase fakelidi iagho unha te au ka gaoghathomu iagho na.

Profet Daniel 4:6

Aonu, iara neke kilo meidi hatimare mae glalase di Babilonia mala rurutha gaoghathogna mifi igne.