Profet Daniel 1:12 - Buka Blahi Ka Cheke Holo

¹² Ne cheke eghu ka mana, “Iagho fariu riu hata mei keha gano ka nagare nei keha khoꞌu jemnu eghu kolho ka ghehati mala ghamu nei koꞌu eghu ghehati nabagna nabotho narane.

Profet Daniel 1:12 ပူးပေါင်းရင်းမြစ်များ

Letas Teke Riso Tei Mae Pol Ka Khiloau Rom 14:2

Nogna fatutuani kaisei mae na snakreni mana mala ima thua nafnata ganore. Nu kehare ghatho peapea unha te keli ranghidi naikno khiloaure, mana theome ima nafnahi.

Profet Daniel 1:16

Aonu funu ka narane igne, mana theome ke tufa gano nei waen eghu ka mae igre. Nu mana ne tufa gano teke hata ka nagare re kolho ka mare.

Diutronomi 8:3

Uve, mana neke magnahaghei te fariuriu ghami ghotilo neke rofo eghuteuna faghamu ghami ka ‘manna’, kaisei gano te theome laseni ghotilo nei kuꞌemi ghotilo tifa ra. Mana neke eni igne mala farirhiu ghami ghotilo te naikno na theome tangomana te karha ka gano kolho, nu tahati karha ka cheke te gnafa te mei ka foflogna Lord.

Thakle 2:10

Ghotilo thosei mhaghuni kaisei glepo neubane para ghami mare. Filo si ghotilo! Satan ginauna fariuriu ghami ghotilo mala laseni te thofno leghuni mana kate lilisei ka suga sosolo keha naikno ka tothoghei ghotilo gne. Eghuteuna ghotilo ginauna au papara jare nabagna nabotho narane. Nu ghotilo mala fatutuani ghau iara ngala, neuba mare falelehe ghami ghotilo. Eghuteuna naugna te eni iagho igne, iara ginauna tusu ari nakarha te theo huigna na ka ghotilo, jateula mare te tusu lao taba biꞌo ka mae ihei te uluni fangenghele ia eghu.

Profet Daniel 1:11

Aonu, mae Daniel tei ne filoni mae ihei teke vahini mae Aspenas te mala reireghini mana nei thiloi mae kheragna re.

Profet Daniel 1:13

Ke leghudi nabotho narane igre, iagho ginauna filo fananaba ka ghehati baludi keha mae majaghani te ghamu famane gano ka sugagna king are. Ghehati kafe nanaba kolho, ba theo? Ke leghu ame vahidi nga iagho gano te nabami ghehati re eghu.”