Nogna Buka Esta 9:4 - Buka Blahi Ka Cheke Holo

⁴ Naikno te gnafa ka kantri igne ne kafe laseni mae Modikae. Mana gognarona thofno nolaghi biꞌo, naugna King neke vahini mana mala mae praeminista.

Nogna Buka Esta 9:4 ပူးပေါင်းရင်းမြစ်များ

Ululahu Kronikols 11:9

Nogna nolaghi mae Devet na rheta fara, naugna Lord mae ihei te au nolaghi fateote'o igne ne au fabrahu balugna mana.

Fapea Samuel 3:1

Kaisei narane ke leghugna igne, magra farihoteidi naikno te leghuni king Sol nei naikno te leghuni king Devet teu igre ne theome gnafa. Eghuteuna mae te leghuni mae Devet igre ne nheta fara ne tapla sorudi mae te leghuni king Sol igre.

Profet Sefanaea 3:19

Ka Narane tuana iara ginauna paradi mae naoka teke fakokhoana ghami nei para ghami teku ghotilo ra. Ghotilo iheire te diꞌa ghahemi ra, nei iheire te au tafri ka keha kantri ra, iara ginauna nake hata fapulo ghami ka nomi thofno namono na. Gognarona ghotilo mamaja nomi ka tathadi keha vike igre, nu iara ginauna na hata fadelei mamaja igne mala tusu ari nafnakno biꞌo ka ghotilo. Eghuteuna naikno te gnafa teke filo fapari ghami ghotilo ka nauthoglu igne ra ginauna filo haghe ghami ghotilo.

Proveb 4:18

Puhigna naikno te doglo na jateula naprai te haghe hamerane boibongi, eghuteuna ke agha fabiꞌo farai aublatha thongana ra eghu.

Nodi Khoje Hatimare Mae Jiu 18:43

Kate naoka ghau iara naiknore, iagho neke mei togho ghau iara te mala tapla sorudi iara mare. Eghuteuna iagho neke snakre ghau iara mala funei frunidi keha naikno teke theome lasedi iara tifa re.

Nodi Khoje Hatimare Mae Jiu 1:3

Nakarhadi naikno igre na jateula gaju te karha ka geri khoꞌura eghu na keli fara. Kate thoke mei nodi thofno narane na, gaju igre ginauna ure, eghuteuna khakladire ginauna theome brango. Aonu unha te edi naikno igre na ginauna na jateula igne eghu mala keli fara.

Ululahu Kronikols 14:17

Eghuteuna naikno te gnafa te au heva heva ka namono te gnafa ka nauthoglu igne ne nomhini thoutonu eigna unha te eni mae Devet igne ne fafnaknoni mana, Lord neke eni igne ka mae naokare mala mhaghuni mana.

Ululahu Samuel 2:30

“Naugna igne iara Lord nodi God mae Israel, igne unha te chekeni iara na: Tifa na iara neke nhaꞌa cheke ka kuꞌemu iagho Eron ba iheire te gnafa ka tharaknagna mana na igre, mare ginauna mala mae pris mala edi fabrahu nogu gloku iara re. Nu gognarona, iara na cheke fadoglo ari ka iagho, u nhaꞌa cheke igne la gnafahi ka mae thumu iagho ra! Gognarona, mae ihei te ghatho tahu ghau iara na, iara ginauna ghatho tahuni mana. Nu mae ihei te tirogna ghau iara na, iara ginauna na jaola tiroguni mana.

Josua 6:27

Mae Josua ne fnakno fara heva heva Kenan eidi glepo te edi mana igre. Eghuteuna Lord na ne au fabrahu balugna mana.

Matiu 4:24

Thoutonu eigna mae Jisas na ne tei tongana heva heva ka Provins Siria, eghuteuna mare hata ne mei ka mana naikno te gnafa te fogra re. Naikno igre au tadi soasopai khabru. Keha au naitu, keha snosnogho, nei keha lehe ghahedi nei khamedi teure. Tutuani, mae Jisas ne kafe fakarhadi.

Profet Isaia 9:7

Puhigna mana te mala funei frunidi nogna naiknore ginauna thofno keli fara. Eghuteuna namono aheva te funei fruni mana igne ginauna au ka pharikeli fabrahu. Uve, mana ginauna kaisei king ka vikegna King Devet. Nogna nolaghi nei puhigna teu mana te mala fatedi naiknore ginauna au fabrahu tifa tifa. Lord, iagho au nou nolaghi fateote'o, eghuteuna iagho au nou gaoghatho rheta te mala edi gobigna lepo te magnahaghedi iagho themu re.

Nogna Buka Esta 10:2

Mare rioriso soru thoutonu eigna nogna nafnakno nei nogna nolaghi eghu king Sekses. Nei unha teke edi mae King ranghini mae Modikae, eghuteuna vahini mana mala kaisei nogna mae funei biꞌo ka nogna kantri na. Mare ne rioriso soru cheke igre ka nodi buka hatimare mae king di phei kantri Pesia ghe Media.

Eksodas 11:3

Lord ne tusu lao gaoghatho te keli ka nagnafadi naiknodi Ijep gre mala ghatho tahudi naiknodi Israel re. Tutuani fara, mae Moses gne jaola kaisei mae biꞌo fara ka tathadi hatimare nogna mae funei nei nogna naikno teu mae king re.

Nodi Khoje Hatimare Mae Jiu 92:13

Uve, mare ginau au fabrahu ka nogna Sugablahi Lord. Eghuteuna mare ginau kegra maku fabrahu jateula gaju te karha ka famane glose te kelira eghu.