Nogna Buka Esta 9:28 - Buka Blahi Ka Cheke Holo

²⁸ Funu gognaro te haghe na, tharakna te gnafa, phagusu nate karha mei thogheiro, nei naikno te au ka provins te gnafa nei ka namono biꞌo te gnafa teu igre mala ghatho tahuni leuleghu finogha Narane Biꞌo Purim igne.

Nogna Buka Esta 9:28 ပူးပေါင်းရင်းမြစ်များ

Nodi Khoje Hatimare Mae Jiu 103:2

Iara mala cheke fakelini nanghagna God na, eghuteuna iara ginauna na theome tangomana te ghatho ihodi glepo te keli teke edi mana re.

Josua 4:7

Tahati ginauna cheke eghu ranghidi, ‘Igne tuthuana eigna narane teke pala mae pris nogna Bokis Blahi Nhaꞌa Cheke Lord na teke kasa ka Khoꞌu biꞌo Jordan igne, eghuteuna khoꞌu biꞌo igne neke krango. Thina igre ginauna au fabrahu ka vido igne, eghuteuna iheire nate karha mei ke leghuda tahati re ginauna ghathoni fabrahu unha teke eni ka tahati ka vido igne.’ ”

Profet Sekaraea 6:14

Eghuteuna khepi nafnakno igne ginauna au fabrahu ka nogna Sugablahi Lord jateula kaisei tuthuana mala ghatho tahudi mae Heldae, mae Tobaeja, mae Jedaea, nei mae Josaea thugna mae Sefanaea.

Eksodas 12:17

“Ghotilo mala ei Gaghamu biꞌo eigna u Bret te Theo Isi gna na. Igne kaisei nomi narane biꞌo ghotilo te mala ghathoni ghotilo leuleghu finogha na. Naugna ka narane ulu lahu ka fafitu narane na, iara neke atha fajifla ghami ghotilo Ijep.

Nogna Buka Esta 9:27

Mare ne lilisei vetula igne maladi mae Jiu nei iheire nate karha mei thogheiro, ba iheire te magnahaghei leghuni puhidi mae Jiu. Mare ne ghatho tahudi phei narane igre leuleghu finogha leghuni unha te chekeni mae Modikae ka letas na igne.

Nogna Buka Esta 9:29

Ke leghugna igne, Kuin Esta thugna Abihael ghe mae Modikae neke rioriso fapea letas eigna narane Purim. Repa rioriso igne mala laseni naiknore letas teke rioriso mae Modikae ululahu ia tutuani fara.

Nodi Khoje Hatimare Mae Jiu 145:4

Lord God, nou naikno iagho gre ginau kilo fnakno nigho eidi glepo te keli teke edi iagho ranghidire baludi goro sua teke karha mei ka vikedi mare gre. Uve, mare ginauna cheke thakledi koba nou gloku biꞌo iagho ra.