Nogna Buka Esta 9:25 - Buka Blahi Ka Cheke Holo

²⁵ Nu kate nomhini King gaoghatho te diꞌa te eni mae Haman igne, mana neke fatei cheke ka nogna kantri na. Eghuteuna gaoghatho te diꞌa teke eni mae Haman ranghidi mae Jiu gre igne neke figri ka thegna. Aonu mare ne fagefe hagheni mana baludi nabotho mae thugnare ka gaju na.

Nogna Buka Esta 9:25 ပူးပေါင်းရင်းမြစ်များ

Nodi Khoje Hatimare Mae Jiu 7:16

Eghume, najafra teke eni mare igne ginauna nake figri ka thedi. Eghuteuna magra teke eni mare ranghidi keha naiknore igne ginauna jaola nake figri neke fakokhoanadi kolho thedi.

Matiu 21:44

Mae ihei te uka ke kligna thina igne, thina igne ginauna fadidiꞌani mana. Nu te soru thina igne ke kligna gna mana na, mana ginauna nghuja vuhai nakrofu kolho.”

Nodi Khoje Hatimare Mae Jiu 141:10

Nu iara ginauna na theome snoꞌo ka phighoro tuare, te keli na phighoro tuare mala ke snoꞌo kolho thedi.

Nodi Khoje Hatimare Mae Jiu 140:9

Thosei snakredi sagho mae naokare mala tapla fapari ghau iara ka magra na. Ke figri sagho nodi fangiri ngiri nei cheke te diꞌa teu are mala ke pulo ka thedi.

Nogna Buka Esta 7:5

Aonu King ne ghusna eghu, “Mae ihei te magnahaghei eni puhi igne?”

Nogna Buka Esta 3:6

Kate laseni mana te kaisei mae Jiu mae Modikae na, mana fariu riu hiro phoge mala faleheni mae Modikae baludi mae Jiu te gnafa te au ke lamnagna nogna kantri mae king Sekses.

Nogna Buka Esta 7:4

Kaisei mae la fatei chekehi te mala falehe ghau iara baludi nogu naikno iara igre. Mana magnahaghei te falehe ghami ghehati hui gognarona. Jame magnahaghei ghami ghehati mala nou naikno gloku kolho iagho meuna, iara jame theome chekeni igne. Naugna igne theome puhi biꞌo mala nanga nou iagho. Nu mae igne magnahaghei te kafe falehe ghami ghehati hui!”

Nodi Khoje Hatimare Mae Jiu 140:8

Lord God, thosei tusu lao ka naikno te diꞌa gre unha te magnahagheni mare na. Thosei snakredi groghe te diꞌa tuare mala edi mare.

Profet Isaia 22:25

“Ka narane tuana, thagho te chakhi teu ka gringni na igne ginauna blogho khoko pari. Eghuteuna kate khoko pari na, gobigna lepo teke gefe ka thagho igne ginauna khoko phosa diꞌa tongana.” Igne chekegna Lord mae ihei te au nolaghi fateote'o na.

Ululahu Samuel 25:39

Kate nomhini mae Devet te lehe mae Nabal igne, mana ne cheke eghu, “Iara cheke fakelini Lord! Eigna mana togho ghau iara ne theome eni iara kaisei glepo te diꞌa. Mana kolho teke tughu fapulo unha teke eni mae Nabal ka iara na. Lord ne parani mae Nabal eidi najafra gna thegnare.” Mae Devet ne fatei cheke ka Abigel mala tolaghi repa.

Ululahu Kings 8:32

Ka narane igne, neuba iagho ne au neu kligna, iagho fanomho mei mala fadoglini puhi igne. Jame te theome doglo tutuani mana na, iagho fateni nei parani eghu leghuni unha teke eni mana na. Nu jame te doglo kolho mana na, iagho tangomana te chekeni te mana theome naba te papara na.

Nogna Buka Esta 7:10

Aonu mare ne fagefe hagheni mae Haman ka gaju teke lisei haghe mana malagna mae Modikae teku igne. Kate eni te gnafa mare igne diꞌatagna mae king na ne hui.

Nodi Khoje Hatimare Mae Jiu 7:17

God na eni koba unha te doglo na, eghuteuna iara na cheke fakelini mana. Iara ginauna na koje ranghini Lord ka maloa kligna mala pala hagheni nanghagna mana na.

Nodi Khoje Hatimare Mae Jiu 94:23

Mana ginauna paradi naikno te diꞌa puhidire. Uve, Lord mae ihei te noda God tahati na, ginau roꞌe fahuidi eidi nakhibodire.

Proveb 5:22

Nakhibogna naikno te diꞌa na tangomana te haru famakuni mana na, jateula phighoro te haru famakudi nanghaji ra eghu.

Proveb 26:27

Mae te dokha khora na, ginauna snoꞌo tagna. Mae te pili thina biꞌo na, thina na ginauna soru tagna.

Profet Obadaea 1:15

Lord ne cheke eghu, “Nogu Narane iara te mala fatedi naikno te theome leghu ghau iara igre la namo meihi. Unha te thono diꞌa fara teke edi ghotilo maemi Idom ra, iara nake tughu fapulo ka ghotilo. Ghotilo ginauna kabru ka puhi teke edi ghotilo ka naiknodi Juda ra.