Nogna Buka Esta 9:20 - Buka Blahi Ka Cheke Holo

²⁰ Mae Modikae ne chekedi hatimare mae sekretri mala rioriso ripot eidi unha te edi ka narane igne. Eghuteuna fatei letas ka hatimare mae Jiu te au namo ba te au khaba heva heva ka provins te gnafa ke lamnagna kantri te funei fruni mae King Sekses.

Nogna Buka Esta 9:20 ပူးပေါင်းရင်းမြစ်များ

Nogna Buka Esta 8:9

Mare ne eni igne ka narane varadaki thiloi gna fatilo nhigra, Sivan. Mae Modikae ne kilo fodudi hatimare nogna mae sekretri te gnafa mae king igre ne rioriso soru kaisei cheke ka nanghagna King. Cheke igne ne tei ka mae Jiu te gnafa, ka nogna tothoghei minista te gnafa, ka nogna tothoghei mae primia te gnafa nei ka hatimare mae biꞌo te gnafa ke lamnadi kaisei gobi varadaki fitu provins, funu ka kantri India ke maghati na tei posa ka kantri Itiopia ke mosu na. Mare ne rioriso cheke igne ka nodi cheke provins te gnafa nei ka nodi cheke hatimare mae Jiu.

Nogna Buka Esta 3:12

Eghume, ka narane nabotho thiloi gna nhigra ulu lahu, mae Haman ne kilodi nogna sekretri te gnafa mae King ka kantri tuana mala mei ka mana. Aonu mare ne rioriso soru nogna cheke mana igne ka buka vetula na. Mare ne rioriso vetula igne ka cheke te gnafa ka provins te gnafa te au ke lamnagna kantri igne. Aonu mae Haman ne hata ring igne ne lilisei soru nanghagna mae king Sekses ka letas igre mala laseni naiknore te letas igre neke mei funudi ka mae king. Aonu letas igre ne tei ka nogna minista te gnafa, ka mae funei te gnafa nei ka vike te gnafa teu king ka provins te gnafa ke lamnagna nogna kantri na.

Nogna Buka Esta 1:22

Mana ne kilodi hatimare mae sekretri mala rioriso cheke igre ka nodi soasopai cheke naikno te au ka provins te gnafa ke lamnagna kantri Pesia, “Mae nalhaꞌu na ngala te mala funei fruni ni tharakna thegna na.”

Nogna Buka Esta 1:1

Igre glepo teke edi king Sekses ka finogha teke khegra funei mana ka kantri Pesia. Mana neke funei frunidi kaisei gobi varadaki fitu provins, funu India tei posa ke mosu ka kantri Kus. Eghuteuna mana au soru ka namono biꞌo Susa.

Eksodas 17:14

Ke leghugna igne Lord ne cheke eghu ka mae Moses, “Rioriso eigna magra igne nei unha cheke igne eghu, eigna iara ginau na dalu koko fahui naiknodi Amalek gre mala theo kaisei naikno ka nauthoglu igne nate ghathodi re. Eghuteuna iagho iu'iju fabiꞌo ranghini mae Josua mala nomhini la ngau mana eghu.”

Ululahu Kronikols 16:12

Tahati neke karha mei ka vikegna Israel, nogna mae gloku Lord. Eghuteuna tahati goro thugna mae Jekop, mae ihei Lord teke vahini. Leuleghu fata na tahati mala ghathodi kofubobhoi teke edi mana ra, ba puhi te fatedi mana mae naoka ra.

Nogna Buka Esta 9:19

Naugna igne, mae Jiu te au ka namono te ikodi igre, mare ghathoni narane nabotho fati gna nhigra Ada igne leuleghu finogha na. Narane igne kaisei nodi narane mala gnafa, mala ei gaghamu biꞌo, nei mala gleale'a biꞌo eghu mare. Eghuteuna soasopai tharakna na, mare tangomana te edi ghedi gano nei tufa namha eghu ka kheradire.

Nogna Buka Esta 9:21

Aonu mana ne cheke ranghidi naiknore mala ghathodi phei narane, nabotho fati nei nabotho glimai gna nhigra Ada leuleghu finogha.

Nogna Buka Esta 9:26

Naugna igne, mae Jiu gre kilodi phei narane igre Purim, ba Lalahu Khale. Mare neke eni puhi igne, naugna mare neke ghatho fapulodi unha glepo teke edi ka mare igre. Naugna eidi gobigna lepo teke rioriso ka letas teke fatei mae Modikae igne, naiknore ne gnafa nei ei gaghamu biꞌo ka narane igne.

Nogna Buka Esta 9:27

Mare ne lilisei vetula igne maladi mae Jiu nei iheire nate karha mei thogheiro, ba iheire te magnahaghei leghuni puhidi mae Jiu. Mare ne ghatho tahudi phei narane igre leuleghu finogha leghuni unha te chekeni mae Modikae ka letas na igne.

Nogna Buka Esta 9:29

Ke leghugna igne, Kuin Esta thugna Abihael ghe mae Modikae neke rioriso fapea letas eigna narane Purim. Repa rioriso igne mala laseni naiknore letas teke rioriso mae Modikae ululahu ia tutuani fara.

Profet Jeremaea 29:1

Profet Jeremaea au neu Jerusalem ne riso tei kaisei letas ranghidi mae mala baubatu nei mae pris, nei mae profet, nei keha naiknodi Juda te tei au Babilonia. King Nebukadnesa atha naikno igre Jerusalem neke tei au Babilonia.