Nogna Buka Esta 9:2 - Buka Blahi Ka Cheke Holo

² Hatimare mae Jiu te au ka nogna namono biꞌo King igre, mare tarabana mala magra fapulo ka iheire te magnahaghei falehedi mare igre. Eghuteuna keha naiknore ne mhaghudi mae Jiu igre, eigna mare theome naba te eni kaisei glepo ka mare.

Nogna Buka Esta 9:2 ပူးပေါင်းရင်းမြစ်များ

Nogna Buka Esta 8:17

Nogna cheke mae King igne ne tei tongana ka naikno Jiu te au ka namono biꞌo te gnafa ka provins te gnafa igre. Naiknore kelitadi fara ne eni kaisei gaghamu biꞌo. Eghuteuna kate filoni igne, kmana naikno ka keha vike igre ne mhaghu nodi fara ne salofodu mei baludi mare.

Nogna Buka Esta 8:11

Cheke igne cheke ranghidi mae Jiu te gnafa te au ka namono biꞌo te gnafa gre mala kafe salo mei mala tarabana mala reireghidi thedi. Letas igne ne cheke eghu: “Ka narane nabotho thiloi gna nhigra Ada ke lamnagna finogha igne, ghotilo tarabana mala magra. Neuba ghotilo ne au ka provins te au ke lamnagna nogu kantri iara igne, jame ihei te hata balugna kaisei glepo mala magra mala mei falehe ghami ghotilo baludi khetomi nei thumi teuna, ghotilo falehedi. Ka narane igne, ghotilo ginauna au nomi nolaghi te mala falehedi iheire te magnahaghei mei falehe ghami ghotilore. Eghuteuna ghotilo ginauna hata nodi gobigna lepo teke khotodi naikno tuare. Igne nogu cheke iara ranghi ghami ghotilo Jiu te gnafa te au ke lamnagna nogu kantri iara igne.

Nodi Khoje Hatimare Mae Jiu 71:24

Leuleghu narane, te funu hamerane te ghilei posa fei grafi na, iara ginauna toutonu eidi puhimu iagho te doglo fara are, naugna mae iheire te magnahaghei goigoni ghau iara ra, iagho la tapla faparidihi mare e mamaja nodi fara.

Nodi Khoje Hatimare Mae Jiu 71:13

Tapla sorudi nei fakokhoanadi eghu sagho mae te magri ghau iara igre. Iara magnahaghedi mae igre te mamaja nei theome keli teu ka tathadi naiknore.

Profet Isaia 8:9

Fanomho fakeli mei, ghotilo naiknomi ka keha kantri ra! Tarabana ghami themi mala magra! Nu Lord ginauna thofno goigoni ghami ghotilo.

Josua 11:20

Lord thegna neke huhurudi mare mala magra mare ka mae Israel gre, eghume mae Israel theome kokhonidi mae igre. Thono theo fara. Eigna mae Israel gre mare leghuni cheke teke tusu lao thegna Lord ka mae Moses tifa igne ne falehedi ne gnafa vike igre.

Josua 2:9

ne cheke eghu, “Iara laseni Lord na la tusu arihi kantri igne ka ghotilo! Eghuteuna naikno te gnafa ka kantri igne mhaghu nodi fara ka ghotilo gognarona.

Diutronomi 2:30

Nu King Sihon ne theome snakre ghita tahati te tei salaꞌu ka nogna namono na, naugna Lord neke eni gaoghathogna king mala patugama. Lord neke eni igne mala tangomana tahati te uluni King Sihon.

Eksodas 23:27

“Iara ginau na tusu lao namhagu biꞌo ka naikno nate tei ghotilo tadi are mala mhaghu ghami ghotilo, eghuteuna naikno te tirodi ghami ghotilo are ginau na rikha ghami ghotilo.

Jenesis 35:5

Ke leghugna igne mae Jekop nei nogna vike na ne jifla ne tei. Nu God ne famamhagudi mae te au ka namono rhegna Sekem igre mala theome tangomana mare te ngolhi leghudi re.