Nogna Buka Esta 9:15 - Buka Blahi Ka Cheke Holo

¹⁵ Ka narane nabotho fati gna nhigra Ada, hatimare mae Jiu ne aknu falehe thilo gobi naikno ka narane tuana. Nu mare ne theome vavaro nodi glepo naikno te lehe igre.

Nogna Buka Esta 9:15 ပူးပေါင်းရင်းမြစ်များ

Nogna Buka Esta 8:11

Cheke igne cheke ranghidi mae Jiu te gnafa te au ka namono biꞌo te gnafa gre mala kafe salo mei mala tarabana mala reireghidi thedi. Letas igne ne cheke eghu: “Ka narane nabotho thiloi gna nhigra Ada ke lamnagna finogha igne, ghotilo tarabana mala magra. Neuba ghotilo ne au ka provins te au ke lamnagna nogu kantri iara igne, jame ihei te hata balugna kaisei glepo mala magra mala mei falehe ghami ghotilo baludi khetomi nei thumi teuna, ghotilo falehedi. Ka narane igne, ghotilo ginauna au nomi nolaghi te mala falehedi iheire te magnahaghei mei falehe ghami ghotilore. Eghuteuna ghotilo ginauna hata nodi gobigna lepo teke khotodi naikno tuare. Igne nogu cheke iara ranghi ghami ghotilo Jiu te gnafa te au ke lamnagna nogu kantri iara igne.

Hibru 13:5

Thosei magnahaghei sileni fara, nu gleꞌani ngala unha te au ka themi na. Naugna God neke cheke eghu hi, “Iara ginauna theome lisa koko nigho, iara ginauna theome snakre nigho mala fiti au kolho.”

Ululahu Tesalonika 5:22

Tafradi gobigna lepo te diꞌa.

Nogna Buka Esta 9:16

Eghuteuna mae Jiu te au ka provins igre jaola ne magra heta. Mare ne aknu falehe fitu salei glima thogha naoka. Nu mare jaola ne theome hata kaisei glepo ka naikno te lehe igre.

Nogna Buka Esta 9:13

Aonu Esta ne cheke eghu, “King, jame te keli kolho ka gaoghathomu iagho na, iara magnahaghei nigho iagho te snakredi mae Jiu te au ka namono biꞌo Susa igre mala eni nathuꞌu unha te eni mare gognarogne. Jaola iara magnahaghei nigho iagho te chekedi nou mae gloku ra mala fagefe haghe thinidi nabotho thugna mae Haman ra.”

Nogna Buka Esta 9:2

Hatimare mae Jiu te au ka nogna namono biꞌo King igre, mare tarabana mala magra fapulo ka iheire te magnahaghei falehedi mare igre. Eghuteuna keha naiknore ne mhaghudi mae Jiu igre, eigna mare theome naba te eni kaisei glepo ka mare.

Nogna Buka Esta 9:12

Mana ne cheke eghu, “Kuin Esta, mae Jiu igre aknu falehe glima gobi naikno baludi nabotho thugna mae Haman ra. Eghuteuna naikno te lehe ka provins igne jame ke kmana fara salaꞌudi igre. Unha ngau eghu te magnahagheni iagho na? Unha te toreni iagho ka iara na, iara ginauna tusu ari ka iagho.”

Nogna Buka Esta 9:14

King ne eni unha te toreni Kuin Esta igne ne fatei cheke ka namono biꞌo Susa. Aonu nogna mae gloku king igre ne fagefe haghe thinidi nabotho thugna mae Haman gre mala filo naiknore.