Nogna Buka Esta 9:1 - Buka Blahi Ka Cheke Holo

¹ Nogna cheke king igne ne thoke mei ka narane nabotho thiloi gna nhigra Ada. Narane igne neke vavahi mae Haman ka nanghagna king mala aknu falehe naikno Jiu te gnafa ka kantri igne. Nu narane igne ne theome jateula teke ghathoni mae Haman igne neu. Theo, naikno Jiu igre ne uludi nodi naoka re.

Nogna Buka Esta 9:1 ပူးပေါင်းရင်းမြစ်များ

Nogna Buka Esta 3:13

Hatimare mae te mala hata nonomho igre hata ne tei letas igre ka provins te gnafa gre. Igre cheke te au ka letas igne na, “Ka narane nabotho thiloi ka nhigra nabotho phei Ada, ghotilo mala kafe falehedi naikno Jiu te gnafa are mala theo kaisei naikno te karha na. Eghume mae nalhaꞌu majaghani, gaꞌase majaghani, mae biꞌo, naikno biꞌo nei goro sua teu are mala kafe lehe ka narane tuana. Ghotilo jaola mala hata fahui nodi glepo hatimare mae Jiu.

Thakle 11:18

Naikno te tirodi fatutuani nigho re ne thofno diꞌatadi fara, nu gognaro la mei nou narane iagho te mala diꞌa tamu na. Igne narane mala fatedi naikno tela lehehira. Igne narane mala tabadi nou mae gloku hatimare mae profet ra baludi nou naikno te gnafa teke ghatho tahu nigho, neuba mare ne mae nafnakno ba theome mae nafnakno. Igne narane te mala paradi naikno teke goigonidi naiknogna nauthoglu igne.”

Nodi Khoje Hatimare Mae Jiu 30:11

Gognaro na iagho la hata fadeleidihi nogu naꞌau diꞌanagnafa iara re, eghuteuna iagho kela faglealeꞌa ghauhi iara. Eigna iara neke jateula mae te au diꞌanagnafa te tanhi ka naikno te lehera neku. Nu gognaro na iagho kela tuthughu nogu natanhi iara re kau glealeꞌa.

Mae Khuru 12:11

Ka vido tuana mae Pita neke snagla gaoghathogna na, ne cheke eghu, “Tutuani fara, aola thofno laseni nga iara te snakre meini God nogna engel na te mala fakarhi ghau ka khamegna mae King Herod na, nei ka gobigna lepo teke mala eni ranghi ghau iara teku mae Jiura.”

Nogna Buka Esta 9:17

Ka narane nabotho thiloi gna nhigra Ada, magra igne ne tei tongana heva heva ke lamnadi provins te gnafa igre. Eghuteuna ka narane nabotho fati na, mare ne theome aknu falehedi nodi naokare. Nu mare ne eni kaisei gaghamu biꞌo ne thofno gleale'a fara ka narane igne.

Nogna Buka Esta 3:7

Ka nhigra Nisan, igne nhigra ululahu ka nabotho phei finogha te funei king Sekses. Mare lalahu khale ke ulugna mae Haman mala laseni ka narane aheva te keli te mala falehedi mae Jiu igre. Aonu kate lalahu te gnafa na, mare ne filoni narane te mala eni mare puhi igne, ka nabotho thilo narane gna nhigra leghu lahu Ada. Glalahu khale igne mare kiloi, purim.

Fapea Samuel 22:41

Iagho neke famhaghu di mae naoka neke rikha ghau iara, eghuteuna iara la goigonidihi iheire teke tirodi ghau iara re.

Diutronomi 32:36

“Kate filoni Lord te glaꞌe soru nogna naiknore, eghuteuna phei ba thiloi kolho ka ghotilo te au na, mana ginauna chekeni te ghotilo theome nabami te au papara na. Eghuteuna mana ginauna keli ka ghotilo nogna mae glokure.

Nogna Buka Esta 8:6

King, jame te theome gnafa puhi igne na, iara ginauna thofno diꞌa nagnafagu fara. Naugna naiknogna kantri igne ginauna falehedi kheragu, nei vikegu teu iara igre. Eghume, iara nabagu na mala jaola lehe baludi.”

Nodi Khoje Hatimare Mae Jiu 18:40

Iagho neke famamhagudi nogu naoka iara re neke figri neke rikha. Iara falehedi mae iheire teke tirodi ghau iara re.