Nogna Buka Esta 8:5 - Buka Blahi Ka Cheke Holo

⁵ “King, jame te doglo ka gaoghathomu iagho na unha nate chekeni iara ka iagho igne, iara magnahaghei nigho iagho te eni kaisei vetula mala thosei eni nogna cheke mae Haman gne, eghuteuna iagho fatei cheke ka nou mae funei ra mala thosei falehe ghami ghehati naiknomi Juda. Naugna mae Haman neke ghaoghaho mala falehe ghami ghehati naikno Jiu te au ke lamnagna nou kantri iagho igne.

Nogna Buka Esta 8:5 ပူးပေါင်းရင်းမြစ်များ

Nogna Buka Esta 7:3

Esta ne cheke eghu ka mana, “King, jame te kelitamu iagho ka iara, eghuteuna gle'ani iagho unha te toreni iara na teuna, iara magnahaghei nigho iagho te fakarhini nakarhagu iara gne baludi nogu naikno iara te au ke lamnagna nou kantri iagho igne.

Nogna Buka Esta 5:8

“King, jame te keli ka iagho na, iara magnahaghei ghami ghopa mae Haman teke kafe mei agne nathuꞌu ka keha gaghamu te tarabana malami ghopa teu iara igne. Kate mei ghopa na, iara ginauna na chekeni ka iagho unha te magnahagheni iara na.”

Nogna Buka Esta 2:17

Kate tei Esta ka king na, mana filoni Esta ne magnahagheni fara ke tulaodi keha gaꞌase teke kulu tei filoni mana igre. Aonu mana ne lisei lao khepi nafnakno na ka phaꞌugna Esta na mala tughuni Kuin Vasti.

Nogna Buka Esta 2:4

Aonu jame te filoni iagho kaisei ka rehati te famane tulao filogna na, tuana ngala nate vahini iagho te mala Kuin tughuni Kuin Vasti.” Kate nomhini igne, mana keli tagna fara ne leghuni unha te chekeni mare na.

Ululahu Samuel 20:29

mala snakre teini neku. Naugna tharaknagna mana re fafara ka nodi namono na. Thabusigna mana igre magnahagheni fara mana te tei na. Naugna igne te theome au mana ka gaghamu igne.”

Eksodas 33:16

Jame te theome tei iagho balumi ghehati na, faꞌunha eghu laseni naiknore te tei iagho balumi ghehati na? Nu jame te au iagho balumi ghehati na, keha naiknore ginauna laseni te ghehati gne nhogriu ka keha naikno ka nauthoglu igne.”

Eksodas 33:13

Jame tutuani te eghu teu gaoghathomu iagho eigu iara na, iagho farirhiu ghau iara puhimu iagho te doglo na, mala lase fakeli nigho nei edi fabrahu nou gloku iagho re, eghuteuna iara tangomana te edi igre mala keli tamu iagho. Iara jaola tore nigho mala thosei ghatho iho ghau, eigna iagho neke vahidihi naikno igre mala thofno nou naikno iagho.”

Nogna Buka Esta 3:1

Theome raugha ke leghugna igne, King Sekses ne vahini mae Haman, thugna mae Hamedata, kaisei mae ka vikegna mae Agag mala kaisei nogna mae Praeminista.