Nogna Buka Esta 8:17 - Buka Blahi Ka Cheke Holo

¹⁷ Nogna cheke mae King igne ne tei tongana ka naikno Jiu te au ka namono biꞌo te gnafa ka provins te gnafa igre. Naiknore kelitadi fara ne eni kaisei gaghamu biꞌo. Eghuteuna kate filoni igne, kmana naikno ka keha vike igre ne mhaghu nodi fara ne salofodu mei baludi mare.

Nogna Buka Esta 8:17 ပူးပေါင်းရင်းမြစ်များ

Nogna Buka Esta 9:19

Naugna igne, mae Jiu te au ka namono te ikodi igre, mare ghathoni narane nabotho fati gna nhigra Ada igne leuleghu finogha na. Narane igne kaisei nodi narane mala gnafa, mala ei gaghamu biꞌo, nei mala gleale'a biꞌo eghu mare. Eghuteuna soasopai tharakna na, mare tangomana te edi ghedi gano nei tufa namha eghu ka kheradire.

Nodi Khoje Hatimare Mae Jiu 18:43

Kate naoka ghau iara naiknore, iagho neke mei togho ghau iara te mala tapla sorudi iara mare. Eghuteuna iagho neke snakre ghau iara mala funei frunidi keha naikno teke theome lasedi iara tifa re.

Ululahu Samuel 25:8

Jame te ghusna iagho ka mare na, mare tangomana te cheke ka iagho na. Eghuteuna gognarona, ghehati mei ka iagho ka narane gaghamu igne. Eghume mae Devet tore nigho iagho mala keli ranghi ghami nei taji ghami eghu. Mae Devet na jateula thumu eghu iagho, eghuteuna ghehati jateula nou mae gloku eghu iagho. Ghehati jame keli tami fara jame te togho ghami iagho ka unha te tangomana nigho iagho na.’ ”

Diutronomi 11:25

Eghuteuna kate tei ghotilo ka glose igne na, ginauna theo kaisei naikno nate kegra fanogra ghami ghotilo na, naugna Lord nomi God ghotilo na ginauna edi naiknore mala mhaghu ghami ghotilo jateula teke nhaꞌa chekenihi mana ka ghotilo ia eghu.

Nogna Buka Esta 9:27

Mare ne lilisei vetula igne maladi mae Jiu nei iheire nate karha mei thogheiro, ba iheire te magnahaghei leghuni puhidi mae Jiu. Mare ne ghatho tahudi phei narane igre leuleghu finogha leghuni unha te chekeni mae Modikae ka letas na igne.

Nogna Buka Esta 9:22

Eigna ka narane igne hatimare mae Jiu neke bruedi nodi naokare. Eghuteuna jaola ka nhigra igne, nodi naꞌau papara nei diꞌanagnafa teku mae Jiu igre neke tughu ka pharikeli. Mae Modikae ne cheke ranghidi naiknore mala ei gaghamu biꞌo, nei gleale'a eghu ka phei narane igre. Eghuteuna mare mala tufa gano, ba glepo ka kheradi thofno ba ka iheire te au kokhonidi.

Nogna Buka Esta 9:2

Hatimare mae Jiu te au ka nogna namono biꞌo King igre, mare tarabana mala magra fapulo ka iheire te magnahaghei falehedi mare igre. Eghuteuna keha naiknore ne mhaghudi mae Jiu igre, eigna mare theome naba te eni kaisei glepo ka mare.

Diutronomi 2:25

Funu gognarogne, iara ginauna edi naikno ka namono te gnafa igre mala mhaghu ghami ghotilo. Kate nomhidi mare thoutonu eimi ghotilo na, mare ginauna mhaghu nodi fara na fififri fara thinidi re.’ ”

Eksodas 15:16

Lord, kate filoni naiknore nou nolaghi biꞌo iagho na, naiknore ginau na mhaghu nodi fara na theome eni kaisei unha nga. Mare ginau na kegrau jare jateula kaisei gaju eghu mala ghilei tei salaꞌui ghehati naikno teke atha fajifla ghami iagho ka sosolo ia.

Jenesis 35:5

Ke leghugna igne mae Jekop nei nogna vike na ne jifla ne tei. Nu God ne famamhagudi mae te au ka namono rhegna Sekem igre mala theome tangomana mare te ngolhi leghudi re.

Nogna Buka Esta 9:17

Ka narane nabotho thiloi gna nhigra Ada, magra igne ne tei tongana heva heva ke lamnadi provins te gnafa igre. Eghuteuna ka narane nabotho fati na, mare ne theome aknu falehedi nodi naokare. Nu mare ne eni kaisei gaghamu biꞌo ne thofno gleale'a fara ka narane igne.

Nehemaea 8:10

Aonu iara ne cheke eghu ranghidi, “Ghotilo tei ka namono mala ei gaghamu biꞌo. Ghotilo ghamu gano te keli nei koꞌu waen te mamahe eghu, eghuteuna tufa keha gano nei waen eghu ka iheire te theome naba ghedi gano, naugna narane igne blahi ka noda Lord. Ghotilo thosei diꞌanagnafa nei tanhi eghu naugna Lord magnahaghei ghita tahati te glealeꞌa, eigna puhi glealeꞌa ngala te mala farheta ghita na.”

Josua 2:9

ne cheke eghu, “Iara laseni Lord na la tusu arihi kantri igne ka ghotilo! Eghuteuna naikno te gnafa ka kantri igne mhaghu nodi fara ka ghotilo gognarona.

Josua 2:11

Kate nomhidi ghehati thoutonu eidi glepo igre, ghehati mhaghu nomi fara. Eghuteuna gognarona gaoghathomi ghehatire thofno glaꞌe farahi. Lord nomi God ghotilo igne mana thofno God gna kligna nei nauthoglu igne.

Nogna Buka Esta 9:3

Nogna minista te gnafa, mae primia te gnafa, mae funei biꞌo te gnafa, nei mae gloku te gnafa teu mae king ka provins te gnafa igre ne toghodi mae Jiu gre, naugna mare ne mhaghuni mae Modikae.

Nodi Khoje Hatimare Mae Jiu 105:38

Naiknodi Ijep re ne keli tadi fara kate jifla naiknore, naugna mare thono mhaghu nodidi fara ka naiknodi Israel re.