Nogna Buka Esta 8:15 - Buka Blahi Ka Cheke Holo

¹⁵ Mare ne fapichi lao ka mae Modikae pohe te jateula blu teu, ne pohei te vegha. Mare ne fapichi lao kaisei phoko ukru te brahu, nei kaisei khepi nafnakno te gol ka mana, aonu mana ne jifla mei ka suga gna king. Aonu naikno te gnafa ka vido te gnafa ke lamnagna namono biꞌo Susa igre ne kafe eha fabiꞌo balu gleale'a.

Nogna Buka Esta 8:15 ပူးပေါင်းရင်းမြစ်များ

Nogna Buka Esta 3:15

Aonu mae te mala hata nonomho igre mare ghosei ne hata ne tei nonomho igne ka namono biꞌo Susa, nei ka kantri te gnafa te funei frunidi king Sekses. Kate nomhini cheke igne, naikno te gnafa te au ka namono biꞌo Susa ne funu nanga nodi fara, naugna naiknore theome laseni te eni mare vetula igne. Nu King ghe mae Haman ne thofno keli tadi fara ka vetula igne ne kafe gnokro pari ne koꞌu waen ka narane igne.

Jenesis 41:42

Aonu mae king ne hata koko u ring teke au ka gegesugna thegna na ne lisei lao ka gegesugna mae Josep na. U ring igne au nanghagna mae king. Mae king ne jaola ne fapipichi lao kaisei famane pohe ka mae Josep eghuteuna fa bao lao kaisei chen gol ka mana.

Luku 16:19

Mae Jisas ne cheke eghu, “Kaisei fata, kaisei mae te dedei na pipichi pohe keli koba. Eghuteuna mana ghamu gano keli koba leghu narane na.

Proveb 29:2

Kate lida gna kantri mae te doglo na, naiknore kelitadi fara, nu jame te lida mae te diꞌa puhigna na, naiknore na diꞌanagnafa nei tanhi eghu.

Nogna Buka Esta 6:8

iagho chekedi nou mae glokure mala hata kaisei pohe ka nafnata pohe te pipichi iagho themu ana, eghuteuna jaola hata mei kaisei hose balu khepi nafnakno ka phaꞌugna na, jateula hose te saghe iagho themu ana eghu.

Nogna Buka Esta 1:6

Mare lalaoni vido mala ima igne ka pohe te jateula blu nei ka pohe te vegha. Mare fagefe haghe pohe igre ka phukri te ngonge. Eghuteuna haru phukri silva igre ka famane thina te kiloi mabol. Eghuteuna mare jaola hata mei keha chea teke hohoro ka silva nei ka gol. Glalaba igne famane tulao, naugna mare horo ka famane thina te vegha, te ukru, te kakarha nei keha nafnata glepo te siasigla jateula thiro.

Matiu 11:8

Ba, neke tei filo unha? Filoni kaisei mae te pipichi famane pohe? Theo! Ihei te pipichi nafnata pohe tuare au ka nogna suga mae funei.

Matiu 6:29

Nu te chekeni iara ka ghotilo na, sisi are famane khuakhuda fara filodire. Eghuteuna King Solomon, mae ihei teke pipichi pohe te khuakhuda fara tifa na, mana neke theome pipichi kaisei pohe jateula sisi igre neku.

Nogna Buka Esta 6:11

Aonu mae Haman tei ne atha ne mei pohe brahu igne balugna kaisei hose. Eghuteuna mana ne nhaꞌa lao ka mae Modikae pohe brahu igne. Eghuteuna mae Modikae ne gnokro ka hose, eghuteuna mae Haman athani mana ne tei farihotei glalabagna namono biꞌo na. Kate nolo te tei phiamare na, mae Haman ne eha eghu fabiꞌo: “Igne nogna puhi mae King te mala tusu lao nangha biꞌo ka mae ihei te thofno magnahagheni mae King na!”

Nogna Buka Esta 5:1

Esta ne theome ima nabagna thilo narane. Ka fatilo narane na Esta ne pipichi nogna pohe nafnakno Kuin na ne tei ka sugagna King. Naꞌa ruma haghe ka grengatha na khegra neu jare fei te gnokro figri lao teu King igne.

Nogna Buka Esta 5:11

Kate kafe khapru mei te gnafa mae kheragnare, mana kegra haghe ne fafnaknoni nanghagna thegna na ke uludi mare hui. Mana ne falaseni thegna ka mare te kaisei mae dedei, nei kaisei mae au kmana thugna. Eghuteuna mae king jaola neke tusu lao kaisei sape nafnakno biꞌo ka mana. Eigna mana nogna praeminista mae king. Eghuteuna keha nogna mae minista te gnafa mae king igre au ke parigna mana.

Nogna Buka Esta 8:14

Aonu mae te mala hata nonomho igre saghe ka nogna hose King igne ne ghosei hata ne tei nonomho igne. Eghuteuna cheke igre jaola ne tei tongana ka namono biꞌo Susa.

Nogna Buka Esta 10:2

Mare rioriso soru thoutonu eigna nogna nafnakno nei nogna nolaghi eghu king Sekses. Nei unha teke edi mae King ranghini mae Modikae, eghuteuna vahini mana mala kaisei nogna mae funei biꞌo ka nogna kantri na. Mare ne rioriso soru cheke igre ka nodi buka hatimare mae king di phei kantri Pesia ghe Media.

Proveb 11:10

Kate gleale'a naikno te doglo na, naikno te gnafare kafe gleale'a fodu. Nu kate lehe naikno te diꞌa na, naiknore gleale'a balu eha fabiꞌo.

Proveb 28:12

Kate funei mae te doglo na, naiknore kelitadi fara. Nu kate baubatu mae te diꞌa na, naiknore poruni mana.