Nogna Buka Esta 8:11 - Buka Blahi Ka Cheke Holo

^11-12 Cheke igne cheke ranghidi mae Jiu te gnafa te au ka namono biꞌo te gnafa gre mala kafe salo mei mala tarabana mala reireghidi thedi. Letas igne ne cheke eghu: “Ka narane nabotho thiloi gna nhigra Ada ke lamnagna finogha igne, ghotilo tarabana mala magra. Neuba ghotilo ne au ka provins te au ke lamnagna nogu kantri iara igne, jame ihei te hata balugna kaisei glepo mala magra mala mei falehe ghami ghotilo baludi khetomi nei thumi teuna, ghotilo falehedi. Ka narane igne, ghotilo ginauna au nomi nolaghi te mala falehedi iheire te magnahaghei mei falehe ghami ghotilore. Eghuteuna ghotilo ginauna hata nodi gobigna lepo teke khotodi naikno tuare. Igne nogu cheke iara ranghi ghami ghotilo Jiu te gnafa te au ke lamnagna nogu kantri iara igne.

Nogna Buka Esta 8:11 ပူးပေါင်းရင်းမြစ်များ

Nogna Buka Esta 3:13

Hatimare mae te mala hata nonomho igre hata ne tei letas igre ka provins te gnafa gre. Igre cheke te au ka letas igne na, “Ka narane nabotho thiloi ka nhigra nabotho phei Ada, ghotilo mala kafe falehedi naikno Jiu te gnafa are mala theo kaisei naikno te karha na. Eghume mae nalhaꞌu majaghani, gaꞌase majaghani, mae biꞌo, naikno biꞌo nei goro sua teu are mala kafe lehe ka narane tuana. Ghotilo jaola mala hata fahui nodi glepo hatimare mae Jiu.

Profet Esikiel 39:10

Mare ginauna theome ke hiro gaju mala gahu gano na, nei na theome ke tei mata mala kato soru gaju, naugna mare tangomana te hata kolho glepo mala magra igre. Eghuteuna mare ginauna hata famane glepo ka mae naoka teke hata glepo te keli ka mare. Igne nogu cheke iara Lord.”

Nodi Khoje Hatimare Mae Jiu 137:8

Ghotilo naiknomi Babilonia ra, God ginauna goigoni ghami ghotilo. Naikno teke tughu fapulo ka ghotilo unha teke eni ghotilo ka ghehati na, mare ginauna keli tadi fara. Mare ginauna na para ghami ghotilo eigna unha teke eni ghotilo ka ghehati na.

Nodi Khoje Hatimare Mae Jiu 68:3

Nu ghotilo naikno te keli ra keli tami nei glealeꞌa eghu ke ulugna God, ghotilo glealeꞌa balu eha fabiꞌo.

Profet Isaia 10:6

Iara ginauna kuru meidi mae naoka re mala magra ka ghotilo, naugna ghotilo ne tei koko ghau iara neke bongihehe fapulo. Iara ginauna snakredi mae naoka igre mala para ghami ghotilo, naugna ghotilo ne fa ngingiri ghau iara. Maedi Asiria ginauna mei goigoni nomi namono ghotilo gre, nei blau nomi glepo ghotilo gre eghu. Mare ginauna tapla ke klignami ghotilo, jateula ihei te tapla ke kligna chopu ra eghu.

Nogna Buka Esta 9:18

Nu mae Jiu te au ka namono biꞌo Susa ne vahini narane nabotho glimai gna nhigra Ada narane mala gaghamu nei gleale'a. Naugna mare neke aknu falehedi naokare ka narane nabotho thiloi nei nabotho fati. Eghuteuna ka narane nabotho glimai igne mare neke theome magra.