Nogna Buka Esta 7:6 - Buka Blahi Ka Cheke Holo

⁶ Esta ne cheke eghu, “Iara chekeni mae Haman kolho. Mae igne nomi naoka ghehati, eghuteuna mana gognarona tarabana mala falehe ghami ghehati.” Kate nomhini igne, mae Haman ne thofno mhaghu nogna fara ke uludi King ghe Kuin.

Nogna Buka Esta 7:6 ပူးပေါင်းရင်းမြစ်များ

Fapea Tesalonika 2:8

Ke leghugna igne, mae mala huhughuni vetula na ginau thakle mei. Noda Lord Jisas ginauna faleheni mae tuana ka phaphanga te jifla mei ka foflogna. Uve, ka narane pulo meigna mae Jisas na, nogna nolaghi biꞌo mae Jisas na ginauna siasigla mei mala roꞌeni mae tuana.

Proveb 16:14

Kate diꞌatagna mae te mala baubatu na, mana tangomana te falehe naikno na. Eghume, mae te autagna gaoghatho te keli na mana fariuriu mala kelitagna mae mala baubatu na.

Nodi Khoje Hatimare Mae Jiu 27:2

Kate mei namo mae te diꞌa puhidire te farirhiu falehe ghau iara na, mare ginauna tothokei uka pari.

Nogna Buka Esta 3:10

Mae king ne hata koko ring balu nanghagna thegna te au ka geghesugna na ne tusu lao ka mae Haman, nodi naoka hatimare mae Jiu.

Nehemaea 6:16

Kate nomhini mae naoka gre tela gnafahi gringni thina igne na, gaoghathodi mae naoka gre ne glaꞌe soru, naugna mare te gnafa baludi kantri te au faligoho ghami ghehati igre filo glani God te togho ghami ghehati te ghilei gnafa gloku igne.

Ululahu Samuel 24:13

Iagho laseni cheke gna tifa igne, ‘Naikno te diꞌa na kolho te eni glepo te diꞌa na.’ Iara theome tangomana te eni kaisei glepo te diꞌa ka iagho.

Profet Isaia 21:4

Phaꞌugu na thono thabliu fara, eghuteuna thinigu na ngegra, naugna iara ne thofno mhaghu nogu fara. Leuleghu fata na, iara magnahaghei te ghosei bongi, nu kate plulu naprai na, iara mhaghu nogu salaꞌui.

Eklesiasti 5:8

Thosei jaglo nou kate filodi mae biꞌo te fakokhoanadi iheire te kuma, ba fatedi ka puhi te theome doglo, ba theome snakredi mala au kau pharikeli. Mae biꞌo igre theome ghatho tahudi naikno te kuma igre, naugna mare au ke paridi nodi nolaghi mae iheire te funei frunidi. Keha mae biꞌo igre jaola edi kmana nafnata puhi te diꞌa igre, naugna mare jaola au ke paridi nodi nolaghi mae iheire te funei frunidire.

Nogna Buka Esta 7:5

Aonu King ne ghusna eghu, “Mae ihei te magnahaghei eni puhi igne?”

Nogna Buka Esta 8:1

Ka narane igne, King Sekses ne snakre lao nogna suga, nei nogna gobigna lepo teku mae Haman, nodi naoka naiknodi Juda igre, ka Kuin Esta. Eghuteuna ke leghugna igne, Esta ne cheke thakleni ka king, eigna mae Modikae gne te nebugna thegna na, aonu king ne snakreni mae Modikae te mala mei te filoni koba mana na.