Nogna Buka Esta 7:2 - Buka Blahi Ka Cheke Holo

² Kate koꞌu retilo na, King ne cheke eghu ka Esta, “Kuin Esta, jame te chekeni iagho unha te magnahagheni na, neuba iagho ne toreni kaisei vido biꞌo ka nogu kantri iara igne, iara ginauna na tusu ari ka iagho!”

Nogna Buka Esta 7:2 ပူးပေါင်းရင်းမြစ်များ

Jone 16:24

Funu tifa te ghilei thoke kau narane gognaro gne ghotilo neke theome toreni kaisei glepo kau nanghagu iara na. Eghume ghotilo tore ka mae Mama, eghuteuna ghotilo ginauna hata ka mana. Eghuteuna ghotilo ginauna thono gleale'a fara.”

Nogna Buka Esta 5:6

Kate ghamu te gnafa na, mare ne koꞌu waen, eghuteuna ka vido tuana king ne cheke eghu ka Esta, “Kuin Esta, iagho chekeni ka iara unha te magnahagheni iagho na, iara ginauna na tusu ari ka iagho. Neuba iagho ne toreni kaisei vido biꞌo ka gobigna lepo te au ka kantri te funei frunini iara igne, iara ginauna tusu ari ka iagho.”

Nogna Buka Esta 5:3

Eghuteuna king ne ghusna eghu, “Kuin Esta, unha te magnahagheni iagho na? Jame te chekeni iagho unha te magnahagheni ka iara na, neuba iagho ne toreni kaisei vido biꞌo ka gobigna lepo te au ka kantri te funei frunini iara igne, iara ginauna na tusu ari ka iagho.”

Nogna Buka Esta 9:12

Mana ne cheke eghu, “Kuin Esta, mae Jiu igre aknu falehe glima gobi naikno baludi nabotho thugna mae Haman ra. Eghuteuna naikno te lehe ka provins igne jame ke kmana fara salaꞌudi igre. Unha ngau eghu te magnahagheni iagho na? Unha te toreni iagho ka iara na, iara ginauna tusu ari ka iagho.”

Nonomho Te Keli Teke Risoi Mae Mak 6:23

Mana ne baubahu ka sua gaꞌase na ne cheke eghu ka naꞌa, “Unha te toreni iagho ka iara na, neubane thofno vidogna gobigna lepo te reireghini iara na, iara na tusu ari ka iagho.”

Nogna Buka Esta 7:1

Igne fapea fata te tei ima King ghe mae Haman balugna Kuin Esta.

Mae Khuru 23:19

Aonu mae funei biꞌo na hatani mae majaghani na ne tei ka vido te nagou na. Mae funei biꞌo na ne ghusna eghu, “Unha te magnahaghei toutonuni iagho ka iara na?”