Nogna Buka Esta 7:10 - Buka Blahi Ka Cheke Holo

¹⁰ Aonu mare ne fagefe hagheni mae Haman ka gaju teke lisei haghe mana malagna mae Modikae teku igne. Kate eni te gnafa mare igne diꞌatagna mae king na ne hui.

Nogna Buka Esta 7:10 ပူးပေါင်းရင်းမြစ်များ

Nodi Khoje Hatimare Mae Jiu 7:16

Eghume, najafra teke eni mare igne ginauna nake figri ka thedi. Eghuteuna magra teke eni mare ranghidi keha naiknore igne ginauna jaola nake figri neke fakokhoanadi kolho thedi.

Profet Daniel 6:24

Aonu mae king ne cheke ka nogna mae glokure mala hata meidi mae iheire teke fateni mae Daniel ra. Aonu mare hata ne mei mae igre baludi khetodi nei thudi teure mala koko soru ka khora lion igne. Naikno igre theome tei thoke neu pari ne hui ka lion.

Profet Esikiel 5:13

“Ke leghudi glepo igre, papara igne ginauna hui, eghuteuna diꞌatagu iara ka mare igne ginauna jaola hui. Eghuteuna mare ginauna lase ghau iara Lord te chekeni papara igne te mala thokedi mare na naugna iara ne diꞌatagu fara ka mare.

Jajis 15:7

Samson ne cheke eghu ka mare, “Naugna ghotilo ne eni puhi te diꞌa igne ka iara, iara cheke fadoglo ari ka ghotilo, iara ginauna theome gnafa ghilei tughu fapulo gobigna lepo igre.”

Profet Sekaraea 6:8

Eghuteuna engel igne eha mei ghau iara ne cheke eghu, “Filo! Naugna te tei hose pipito igre ka kantri ke raru, diꞌatagna Lord ne soru pari.”

Nogna Buka Esta 2:1

Kate gnafa te diꞌatagna na, King Sekses ne ghathoni fabrahu puhi teke eni Kuin Vasti igne, nei vetula te eni mare ranghini naꞌa igne.

Jenesis 40:22

Nu mae king ne chekedi hatimare mae soldia re ne faleheni mae te mala reireghi nogna suga bret mae king na jateula te chekeni mae Josep igne neu tutuani fara.

Nogna Buka Esta 5:14

Aonu Seres baludi kheragna mana igre ne kafe cheke eghu, “Iagho na chekedi keha mae mala fakegra haghe kaisei gaju, nabagna varadaki glima mita haghegna na. Eghuteuna iagho ginauna tei hamerane nathuꞌu mala toreni king mala haru graragna mae Modikae ana mala fagefe hagheni mana ka gaju tuana. Aonu ke leghugna igne, iagho ginauna gleale'a kate tei ka gaghamu na.” Mae Haman nomhini igne ne thofno keli tagna fara. Aonu mae Haman ne chekedi nogna mae glokure ne tei jokra haghe kaisei gaju brahu mala haru graragna mae Modikae na mala fagefe haghe ka gaju tuana mala lehe mana.

Nogna Buka Esta 7:7

King nomhi cheke igne ne thofno diꞌatagna fara, aonu mana kegra haghe ne jifla kosi. Kate filoni te jifla King na, mae Haman lasenihi King ginauna faleheni mana. Aonu mana au neu lamna suga ne toreni Esta mala thosei faleheni.

Nogna Buka Esta 7:8

Kate pulo mei king funugna ka nagare sisi na, mana ne filoni mae Haman te khoko soru ke kligna sape te gnokro teu Esta na. Mana magnahaghei te toreni Esta mala kokhonini. Nu king filoni mana ne eha eghu fabiꞌo, “Tore, mae igne magnahaghei te tapla jafra ka Kuin kate filo teu iara na!” Kate cheke te gnafa king na, nogna mae gloku manare mei ne toku tafru tathagna nei foflogna teu mae Haman re mala laseni eigna mana nate lehe na.

Nodi Khoje Hatimare Mae Jiu 94:23

Mana ginauna paradi naikno te diꞌa puhidire. Uve, Lord mae ihei te noda God tahati na, ginau roꞌe fahuidi eidi nakhibodire.

Proveb 11:27

Te hironi iagho puhi te keli na, iagho ginauna na ludeni. Nu te hironi iagho puhi te diꞌa na, iagho ginauna na jaola ludeni.

Proveb 26:27

Mae te dokha khora na, ginauna snoꞌo tagna. Mae te pili thina biꞌo na, thina na ginauna soru tagna.

Profet Jeremaea 34:17

“Eghume, igne unha te chekeni Lord na: Ghotilo tiromi leghu ghau iara. Ghotilo tiromi snakredi kheramire mala snagla jifla tei. Nu gognaro na iara ginauna snakre ghami ghotilo mala kafe snagla jifla tei. Iara ginauna snakre ghami ghotilo mala snagla jifla tei lehe ka magra, ba lehe ka fogra biꞌo, ba ka glehe rofo. Iara ginauna na fakokhoana ghami ghotilo, eghuteuna naikno ka keha kantri igre ginauna thono mhaghu nodi fara ka ghotilo.

Nogna Buka Esta 8:7

Aonu King Sekses ne cheke eghu ka Kuin Esta ghe mae Modikae, “Fanomho. Nogna gaoghatho poru mae Haman mala falehedi naiknodi Juda gre teku igne la theo nafugnahi. Uve, iara neke snakredi nogu mae gloku gre neke hatani mae Haman neke tei fagefe hagheni mana. Eghuteuna iara gognarona la hatahi nogna gobigna lepo mana ra la tusu arihi ka iagho Esta.

Nogna Buka Esta 9:14

King ne eni unha te toreni Kuin Esta igne ne fatei cheke ka namono biꞌo Susa. Aonu nogna mae gloku king igre ne fagefe haghe thinidi nabotho thugna mae Haman gre mala filo naiknore.

Nogna Buka Esta 9:25

Nu kate nomhini King gaoghatho te diꞌa te eni mae Haman igne, mana neke fatei cheke ka nogna kantri na. Eghuteuna gaoghatho te diꞌa teke eni mae Haman ranghidi mae Jiu gre igne neke figri ka thegna. Aonu mare ne fagefe hagheni mana baludi nabotho mae thugnare ka gaju na.

Thoutonu Eigna Mae Job 18:8

Ghahegna re khale ka kaisei fangna te lilisei poru teu.

Thoutonu Eigna Mae Job 20:8

Uve, mana ginauna dofini kolho jateula kaisei mifi te theo kaisei naikno te tangomana teke ghathoni na.

Nodi Khoje Hatimare Mae Jiu 37:15

Nu nodi naflahi mala magra mare igre ginauna nake falehedi kolho thedi, eghuteuna phaloho igre ginauna na klopa dofidi.

Proveb 11:8

Naikno te doglo na karha ka hoholo. Nu hoholo na thokeni naikno te diꞌa na.

Profet Daniel 6:25

Eghuteuna ke leghugna igne, King Darius ne riso tei kaisei letas ka naikno te gnafa, nei ka vike te gnafa, nei ka cheke te gnafa teu ka kantri igne ne cheke eghu, “Phari keli na au ka ghotilo!